যিরমিয় 14:16 - Chakma Bible

¹⁶ যিদুক্কুন মান্‌‍জ্য ইধু তারা ভাববাদী ইজেবে কধা কদন্ তারার মরা কিয়্যেনি ভাদরাত্ আর যুদ্ধোত্তে যিরূশালেমর পধে পধে ছিদি ফেলেই দিয়্যে অবঅ। তারার বা তারার মোগ্‌‍‍‍‍‍কুনোরে আর ঝি-পুয়োগুনোরে গোরত্ দিবাত্তে কনজন ন-থেবাক্। তারার পাওনা দুর্দশা মুই তারা উগুরে ঢালি দিম।‍

যিরমিয় 14:16 Iomraidhean Croise

গম্ উপদেজ্ 1:31

সেনত্তে তারার নিজোর কামর ফল পেবাক্, নিজো সল্লা গোজ্যে ফল্লোই পেট ভরা পুরিবো।

যিশাইয় 51:20

তঅ পুয়োগুনে অজ্ঞান ওই যেইয়োন্; তারা জালত্ পোজ্যে উরিঙো ধোক্ক্যেন পত্তি পধ মাদাথ্ পড়ি থান্। তারা উগুরে লগেপ্রভুর রাগ্‌কান, তর্ গোজেনর সাজাগান ভর্‌‍পুনোং গুরি লামি এচ্চ্যে।‍

যিশাইয় 9:16

যিগুনে এ জাদ মানুচ্চুনোরে পথ দেগান্ তারা তারার্ ভুল্ পধেদি নেযান্; যিগুনে তারার্ পিজেদি চলন্ তারা বুঝি ন-পারন্ তারা কুদু যাদন্।

যিরমিয় 18:21

সেনত্তে তুই তারার পুয়ো-ছাগুনোরে ভাদরাদর্ আঢত্ ছাড়ি দে; তলোয়ার আঢত্ তারারে তুলি দে। তারার মোগ্‌কুনে পুয়ো-ছা নেইয়্যে আর রানিমিলে ওক্; তারার মরদ পুয়োগুনে ভানালোই মুরি যাদোক্, আর যুদ্ধোত্ তলোয়ারর কুবোত্ তারার গাবুজ্যে পুয়োগুনে কাবা কাদোক্।‌‌‍‍‍‍

যিরমিয় 20:6

আর ও পশ্‌হূর, তরে আর তঅ ঘরর বেক্কুনোরে বন্দী গুরি বাবিলোত্ নেযা অবঅ। সিদু তুই মুরিবে আর তরে গোর্ দিয়্যে অবঅ; তর্ যিদুক্কুন সমাজ্যে ইধু তুই ভাববাদী ইজেবে কধা কবার অক্তত্ মিজে কধা কোইয়োচ্ তারার বেক্কুনোর এক্কুই দযা অবঅ।’ ”

যিরমিয় 27:15

লগেপ্রভু কোইয়্যেদে, ‘মুই তারারে ন-পাদাং। তারা মঅ নাঙে মিজে আগাম্ কধা কন। সেনত্তে মুই তমারে আর তমা ইধু যিগুনে আগাম কধা কন সেই ভাববাদীগুনোরে দুর্ গুরি দিম আর তুমি বেক্কুনে ভস্ত ওই যেবা।’ ”

যিরমিয় 4:18

তর্ আচার-বেবহার আর তর্ বেক্ কামানিত্তে ইয়েনি তঅ উগুরে এচ্চ্যে। ইয়েন তর্ পাজি কাম্ গরানার সাজা। ইয়েন অমকদ তিদে; ইয়েন তর্ মনানরে সেল্ মাজ্যে।”

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 7:33

সে পরেদি এ মানুচ্চুনোর মরা কিয়্যেনি আগাজর পেক্কুনে আর পিত্‌থিমীর য়েমানুনোর হানা অবঅ আর সিগুনোরে ধাবেই দিবাত্তে কনজন ন-থেবাক্।‌‌‌

যিরমিয় 8:1

লগপ্রভু কোইয়্যেদে, “সে অক্তত্ যিহূদার রাজা আর দাঙর্ পোজিশনর্ কামগুরিয়্যেগুনোর আড়্, ধর্মগুরু আর ভাববাদীগুনোর আড়্ আর যিরূশালেমর মানুচ্চুনোর আড়্ তারার গোরানিত্তুন্ তুলি ফেলা অবঅ।

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

যিরমিয় 9:20

ইক্কিনে ও মিলেগুন, লগেপ্রভুর কধাগান শুনো; তা মুয়ো কধাগান শুনিবাত্তে তুমি কান্ পাদি থাগঅ। কিবাবোত্যেগুরি আবিলেচ্ গরা পরে সিয়েন যার্ যার্ ঝিগুনোরে শিক্ষ্যে দুয়ো, আর আবিলেচর্ গান গেবাত্তে অন্যগুনোরে শিক্ষ্যে দুয়ো।

যিরমিয় 9:22

লগেপ্রভু মরে এ কধাগান কবাত্তে কলদে, “মানুচ্চুনোর মরা কিয়্যেগানি গবর ধোক্ক্যেন খুলো মাদত্ পড়ি থেবঅ; যিগুনে খেত্-খেত্তি কাবন্ তারা পিজেদি কাবিনে ফেলে রাগেয়্যে শোজ্য ধোক্ক্যেন সিগুন পড়ি থেবাক্, কনজনে তারারে ন-কুড়েবাক্।”

যিহিষ্কেল 39:14

সেই সাত মাস শেজত্ দেজ্‌‌চান সিজি গুরিবাত্তে মানুচ্চুনোরে নেযা অবঅ। তারা দেজ্‌‌চান গুরি বেড়েইনে মাদিত্ পড়ি থেইয়্যে আড়্ গোড়াগুন্ তোগেবাক্ আর সিগুনোরে গোর্ দিবাক্।

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

ফগদাং পেইয়্যে 16:1

যেরেদি মুই শুনিলুং, সেই উবোসনা-ঘরত্তুন্ সেই সাতজন স্বর্গদূতোরে একজনে দাঙর্ দাঙর্ গুরি কত্তে, “তুমি যেইনে গোজেনর রাগে ভরা সাত্‌টো কদরা পিত্‌থিমী উগুরে উবোত্ গুরি ঢালি দুয়ো।”