যিরমিয় 14:14 - Chakma Bible

¹⁴ সেক্কে লগেপ্রভু মরে কলঅ, ভাববাদীগুনে মঅ নাঙে মিজে আগাম্‌ কধা কদন্। মুই তারারে ন-পাদাং, তারারে উগুম ন-দুয়োং বা তারা ইধু কনঅ কধায়ো ন-কং। তারা তমা ইধু মিজে দর্শন, মিজে গোণেই দেনা আর নিজোর্ মনেমন্‌জক্কাগুরি মিজে কধা কন্।‍‍

যিরমিয় 14:14 Iomraidhean Croise

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিশাইয় 9:15

সেই মাঢাগুন্ অলঅ বুড়ো নেতাগুনে আর সর্মান পেইয়্যে মানুচ্চুনে, আর লেজ্‌চান অলঅ মিজে শিক্ষ্যেদিয়্যে ভাববাদীগুনে।

যিরমিয় 20:6

আর ও পশ্‌হূর, তরে আর তঅ ঘরর বেক্কুনোরে বন্দী গুরি বাবিলোত্ নেযা অবঅ। সিদু তুই মুরিবে আর তরে গোর্ দিয়্যে অবঅ; তর্ যিদুক্কুন সমাজ্যে ইধু তুই ভাববাদী ইজেবে কধা কবার অক্তত্ মিজে কধা কোইয়োচ্ তারার বেক্কুনোর এক্কুই দযা অবঅ।’ ”

যিরমিয় 28:11

সে পরেদি তে বেক মানুচ্চুনো মুজুঙোত্ কলদে, “লগেপ্রভু কোইয়্যেদে, ‘এবাবোত্যেগুরি মুই দ্বি বজর ভিদিরে বেক জাত্তুনোর গত্তনাগুনোত্তুন্ বাবিলোর রাজা নবূখদ্‌নিৎসরর জুঙোলান ভাঙি ফেলেম।’ ” সেক্কে ভাববাদী যিরমিয় সিয়েনত্তুন গেলগোই।

যিরমিয় 28:13

“তুই যেইনে হনানিয়রে কবে, লগেপ্রভু কোইয়্যেদে, ‘তুই গাজ জুঙোলান ভাঙি ফেলেয়োচ্ মাত্তর্ তা জাগানত্ দিয়া অবঅ লুয়োর্ জুঙোল্।

যিরমিয় 28:15

সেক্কে ভাববাদী যিরমিয় ভাববাদী হনানিয়রে কলঅ, “হনানিয়, শুন। লগেপ্রভু তরে ন-পাদায়, মাত্তর্ তুই এ জাদ্‌তোরে মিজে কধালোই বিশ্বেজ্ গরত্তে। ‍‍‍

যিরমিয় 29:21

কোলায়র পুয়ো আহাব আর মাসেয়র পুয়ো সিদিকিয়, যিগুনে মঅ নাঙে তমা ইধু মিজে কধা কদন্ তারা পৌইদ্যেনে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই বাবিলোর রাজা নবূখদ্‌নিৎসর আঢত্ তারারে তুলি দিম্, আর তে তমা চোগো মুজুঙোত্ তারারে মারে ফেলেব।

যিরমিয় 29:31

“তুই বেক বন্দীগুনো ইধু এ হবরান পাধেই দে, নিহিলামীয় শমরিয় পৌইদ্যেনে লগেপ্রভু কোইয়্যেদে, ‘মুই শময়িয়রে ন-পাদাং, তো তে তমা ইধু নিজোরে ভাববাদী ইজেবে দেগেইনে মিজে কধালোই তমারে বিশ্বেজ্ গোরেয়্যে।

যিরমিয় 37:19

যিগুনে তমা ইধু এ আগাম্ কধাগান গোজ্যেন্, বাবিল রাজা তরে বা এ দেজ্‌চানরে আক্রমণ ন-গুরিবো, তমা সেই ভাববাদীগুন কুদু?

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 8:10

সেনত্তে তারার মোগ্‌কুনোরে মুই অন্য মানুচ্চুনোরে আর তারার খেত্‌‌‌‌তানি নূয়ো গিরোজ্‌‌‌‌চুনোরে দি দিম। চিগোনত্তুন্ ধুরি দাঙর্ সং বেক্কুনে লাভত্তে লুভ্ গরন; এন্ কি, ভাববাদী আর ধর্মগুরু বেক্কুনে ছলনা গরন।

যিরমিয় 8:11

তারা মঅ মানুচ্চুনোর ঘা গানি এমনগুরি বানি দুয়োন যেন সিয়েন বিশেষ কিজু নয়। তারা কন্দে ‘শান্তি, শান্তি,’ মাত্তর্ আজলে শান্তি নেই।

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।

আবিলেচ্ 2:9

তা গেট্‌তুন মাদিলোই নাঢি যেইয়োন; হুক্‌কুন তে ভাঙিনে বর্‌বাত গুরি দিয়্যে। তার রাজা আর নেতাগুনে জাদ্‌তুনো ভিদিরে বন্দী ওই আগন্; রীদি-সুদোম্ কধে কিচ্ছু নেই; তার ভাববাদীগুনে লগেপ্রভুত্তুন্ আর দর্শন ন-পান্।

যিহিষ্কেল 12:24

ইস্রায়েল মানুচ্চুনো ভিদিরে মিজে দর্শন আর হুজি গুরিবার্ গণানা-ঝাড়ি দেনা আর ন-থেবঅ।

যিহিষ্কেল 13:2

ও মান্‌জ্যর্ পুয়োবো, ইস্রায়েলর যে ভাববাদীগুনে ইক্কিনে কধা কধন্ তুই তারার্ বিরুদ্ধে ভাববাদী ইজেবে কধা কঅ। যিগুনে নিজোর মনগড়া কধা কদন্ তুই তারারে কঅ, তারা যেন লগেপ্রভুর কধা শুনোন্।

যিহিষ্কেল 13:23

সেনত্তে তুমি আর মিজে দর্শন ন-দেগেবা বা গোণা-পড়ায়ো ন-গুরিবা। তমা আঢত্তুন্ মুই মঅ মানুচ্চুনোরে উদ্ধোর গুরিম। সেক্কে তুমি হবর্ পেবা যে, মুয়ই লগেপ্রভু।’”

যিহিষ্কেল 21:29

ও লাম্বা ছুরিগান্, তঅ পৌইদ্যেনে মিজে দর্শন পেলেয়ো আর মিজে গোণা-পড়া গুরিলেয়ো যিগুনোরে মারে ফেলা অবঅ সেই পাজিগুনোর গত্তনাগুনো উগুরে তরে রাগা অবঅ; তারার্ দিনুন লুম্মেগি, তারার্ সাজার্ সময় লুম্মেগি।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

সখরিয় 10:2

মূত্তিগুনে ছলনার কধা কন্, গোণোক্ক্যেগুনে মিজে দর্শন দেগান; তারা যে স্ববনর কধাগান কন্ সিয়েন মিজে, আর তারা মিজে সান্তনা দুয়োন। সেনত্তে মানুচ্চুনে অত্যেচারিত্ ওইনে ভেড়া ধোক্ক্যেন ঘুরি বেড়ান্, কিত্যে তারার্ গরক্ নেই।

সখরিয় 13:3

তো যুনি কনজনে ভাববাদী ইজেবে কধা কন্ সালে তা নিজোর্ মা-বাবে তারে কবাক্, তত্তুন্ মরা পুরিবো, কিত্যে তুই লগেপ্রভুর নাঙে মিজে কধা কোইয়োচ্। তে ভাববাদী ইজেবে কধা কলে পরেদি তা নিজো মা-বাবে তারে আত্যের্‌লোই মারে ফেলেবাক্।‌‌‌

দ্বি’লম্বর বিররণ 18:20

মাত্তর্‌ মুই উগুম ন দুয়োং এধোক্ক্যেন কনঅ কধা যুনি কনঅ ভাববাদী মর্‌ নাঙান্‌ দিইনে কবাত্তে সাহস গরে বা তে যুনি দেব-দেবেদার নাঙে কধা কয়, সালে তারে মারে ফেলা পুরিবো।

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।