যিরমিয় 14:10 - Chakma Bible

¹⁰ এ মানুচ্চুনে পৌইদ্যেনে লগেপ্রভু কোইয়্যেদে, “তারা ঘুরি বেড়াদে গম্‌‌‌‍‍পান; তারা তারার টেঙানি ন-থামান্। সেনত্তে মুই তারারে গুজি ন-লং; মুই এবেরা তারার পাজিগানির পৌইদ্যেনে ইদোত্ তুলিম আর পাপত্তে সাজা দিম্।”

যিরমিয় 14:10 Iomraidhean Croise

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

গীতসংহিতা 119:101

বেক্ ভান্ন্যেয়ানিত্তুন্ মুই মঅ টেঙানিরে সোরেই রাগেয়োং, যেনে মুই তর্ কধানি পালেই পারং।

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

যিরমিয় 2:36

বার বার পথ্‌তান বুদুলিনে কিত্তে তুই এদক্ ঘুরি বেড়াজ্? আসিরিয়ার পৌইদ্যেনে তুই যেবাবোত্যে লাজেয়োজ্ সেবাবোত্যে মিসরর পৌইদ্যেনেয়ো লাজেবে।‌‌‌‌

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

যিরমিয় 8:5

সালে কিত্তে যিরূশালেমর এ মানুচ্চুনে ভান্ন্যেই পধেদি যেইনে আর ফিরি ন-এজন্? তারা ছলনাগানরে আজাবোদে ধুরি রাগান; তারা ফিরি এত্তে অস্বিগের্ গরন।

যিহিষ্কেল 29:16

ইস্রায়েলীয়গুনে আর কনদিন্‌অ মিসর উগুরে বিশ্বেজ্ ন-গুরিবাক্। মিসরর্ অবস্থাগান্ দেগিনে তারা বুঝি পারিবাক্, সাহায্যত্তে মিসর ইন্দি ফিরিনে তারা পাপ গোজ্যন্। সেক্কে তারা হবর্ পেবাক্, মুয়ই প্রভু লগেপ্রভু।’”

হোশেয় 11:7

মঅ মানুচ্চুনে মত্তুন্ ফিরি যানা থির্ গোজ্যন্। সেনত্তে তারা দাঙর্ গোজেনরে, অত্তাৎ মরে ডাগিলেয়ো মুই তারারে মোটেই সাহায্য ন-গুরিম।

হোশেয় 11:9

মর্ দর্‌‌‌গরেপারা রাগ্‌‌‌কান মুই ফগদাং ন-গুরিম, ইফ্রয়িমরে আর ভস্ত ন-গুরিম, কিত্যে মুই গোজেন, মানুচ্ নয়; মুই তঅ ভিদিরে থেইয়্যে সেই পবিত্র মানুচ্চো। মুই রাগ্ ন-আনিম।

হোশেয় 7:13

অভিশাব্ পোড়োক্ তারার্, কিত্যে তারা মত্তুন্ ভান্ন্যেই পধেদি যেইয়োন। তারার্ সর্বনাশ ওক্, কিয়া তারা মঅ বিরুদ্ধে উল্লোমী গোজ্যন। মুই তারারে উদ্ধোর্ গুরিবাত্তে চাং মাত্তর্ তারা মঅ বিরুদ্ধে মিজে কধা কন্।

হোশেয় 7:2

মাত্তর্ তারা ন-বুঝোন্, তারার্ বেক অন্যেয় কামানি মুই ইদোত্ রাগাং। তারার পাপ্‌‌‌‌‌‌পানিয়ে পুরোপুরি গুরিনে তারারে ঘিরি রাগেয়্যে; সিয়েনি নিত্য মঅ মুজুঙোত্ রোইয়্যে।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হোশেয় 9:9

গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।

আমোষ 3:2

“পিত্‌থিমীর্ বেক জাদ্‌‌‌‌‌‌‌‌‌তুনো ভিদিরেত্তুন্ মুই বানা তমারে বেঈ লোইয়োং; সেনত্তে তমার্ বেক পাপ্‌‌‌‌‌পানিত্তে মুই তমারে সাজা দিম।”

আমোষ 5:22

তুমি মঅ নাঙে পুজ্যে-উৎসর্ব আর শোজ্য-উৎসর্ব গুরিলেয়ো মুই সিগুন গুজি ন-লোম্। যুনিয়ো তুমি পক্তামক্তা য়েমান্দোই উদোলোলি-উৎসর্বর অনুষ্ঠান গরঅ তো সিয়েন ইন্দি মুই রিনিয়ো ন-চেইম্।

ইব্রীয় 8:12

সেনত্যে মুই তারার্ অন্যেয়ানি ক্ষেমা গুরিম, তারার্ পাপ্‌‌পানি আর কনদিনঅ মনত্ ন-রাগেম।”

১ শমূয়েল 15:2

বেগত্তুন্ খেমতাবলা লগেপ্রভু কত্তে, ‘ইস্রায়েলীয়গুনে মিসর দেজত্তুন্‌ এজানার পদথ্‌ অমালেকীয়গুনে তারার পিজেন্দি থিয়্যেয়োন্‌ বিলি মুই তারারে সাজা দিম।