যিরমিয় 13:9 - Chakma Bible

⁹ মুই লগেপ্রভু এ কধাগান কঙর্, এবাবোত্যেগুরি মুই যিহূদার বাড়্‌বো গরানা আর যিরূশালেমর অমকদ বাড়্‌বো গরানাগান্ ভস্ত গুরি দিম।

যিরমিয় 13:9 Iomraidhean Croise

গম্ উপদেজ্ 16:18

বাড়্‌বোগানে ভস্ত গরে আর বাড়্‌‌বো মনানিয়ে পতন্ আনে।

যিশাইয় 16:6

আমি মোয়াবর দেমাগর্ কধা শুন্ন্যেই, তে অমকদ দেমাগ্। তার বাড়্‌বো কধা, নিজোরে দাঙর্ গুরিবার কধা আর বেক দেমাগর্ কধানি শুন্ন্যেই, মাত্তর্ তার বেক বাড়্‌বো গরানাগানি মিজে।

যিশাইয় 23:9

তার বেক্ দেমাগ্‌কানে ভস্ত গুরিবাত্তে আর পিত্‌থিমীর নাঙ-গোজ্যে মানুচ্চুনোরে তলে ফেলেবাত্তে বেগত্তুন্ খেমতাবলা লগেপ্রভু এ পরিকল্পনাগান গোজ্যে।

যিরমিয় 13:8

সে পরেদি লগেপ্রভু মরে কলঅ,

যিরমিয় 25:18

মুই যিরূশালেম আর যিহূদার শঅরানিত্ আর তার রাজাগুনোরে আর রাজকর্মচারীগুনোরে হাবেলুং, যেন তারা এচ্চ্যে যেবাবোত্যে আগন সেবাবোত্যে ভস্তর্, অমকদ দর্‌গরেপারা, ঠাট্টার আর অভিশাবর্ জাগাত্ থান।‌‌‌‌

যিরমিয় 48:29

মোয়াব্‌‌পুনে অমকদ চেদেয়্যে। আমি তার চেদেয়্যে কধা, বদ্‌রাগী, মান্‌জ্যরে ঠোগেয়্যে আর মনর্ বাড়্‌বো কধানি হবর্ পেই।

যিহিষ্কেল 16:50

তারা এলাক্ বাড়্‌বো আর মঅ মুজুঙোত্ জঘন্য কাম গুরিদাক্। সেনত্তে তুই যেবাবোত্যে দেখ্যস্ সেবাবোত্যে মুই তারারে দূর্ গুরি দুয়োং।

যিহিষ্কেল 16:56

তর্ অহংকারর্ দিনোত্ তুই তর্ বোন সদোমরে ঠাট্টা-মশকারী গুরিদে;

লেবীয় 26:19

মুই তমার্‌ বলর্‌ বাহাদুরি ভাঙি দিম। মুই তমার্‌ মাদা উগুরে আগাচ্চান্‌ লুয়ো ধোক্ক্যেন আর টেঙর্‌ তলে মাটিগান্‌ পিদল ধোক্ক্যেন দরঅ গুরি দিম।

নহূম 2:2

যুনিয়ো ভস্তগুরিয়্যেগুনে ইস্রায়েলরে মানুচ্ নেইয়্যে গোজ্যন্ আর তা আংগুর খেত্‌তানি চৌইদ্যেল্ গুরি দৈন্ তো লগেপ্রভু ইক্কিনে যাকোবর, অত্তাৎ ইস্রায়েলর আগর্ সয়-সাগোজ্যে ফিরেই দিবো।

সফনিয় 3:11

তুই মঅ উগুরে যেদক্কানি অন্যেয় গোজ্যস্ সিয়েনত্তে তুই সেদিন্যে লাজত্ ন-পড়িবে, কিত্যে এ শঅরানত্তুন্ মুই বেক্ অহংকারী আর বাড়্‌‌বো গোজ্যে মানুচ্চুনোরে নিগিলেই দিম্। মর্ সুদ্ধো-সাংগ মুড়োবো উগুরে তুই আর কনদিন্‌অ বাড়্‌বো ন-গুরিবে।

লূকে লেখ্যে গম্ হবর্ 18:14

“মুই তমারে কঙর্, সেই খাজানা-তুলিয়্যেবোরে গোজেনে নিদ্দুজি বিলি মানি লল আর তে ঘরত্ ফিরি গেলঅ। মাত্তর্ সেই ফরীশীবোরে তে নিদ্দুজি বিলি মানি ন-লল। যে কেঅ নিজোরে অজল্ গরে তারে তলে গরা অবঅ আর যে নিজোরে তলে গরে তারে অজল্ গরা অবঅ।”

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”