যিরমিয় 13:27 - Chakma Bible

²⁷ মুই তর্ সিনেলী আর কামনাবলা ডাগনি আর লাজ্ নেইয়্যে বেশ্যের্ কামানি দেখ্যং; দেখ্যং মুড়োই মুড়োই আর মাঢে মাঢে এই জঘন্য কামানি। যিরূশালেম, অভিশাব তরে! আর কয়দিন তুই অসিজি থেবে?”

যিরমিয় 13:27 Iomraidhean Croise

গীতসংহিতা 94:4

তারার মুয়োত্তুন্ বানা দেমাক্-ভরা কধার সুর নিগিলি এজের্; সে অন্যেয়গুরিয়্যে দলুনে বাড়্‌বো গুরি বেড়ান্।

গীতসংহিতা 94:8

বাজে মনর্ মানুচ্চুন, তুমি কান পাদঅ; ও চিদে নেইয়্যে মানুচ্চুন, কমলে তমার গম্ বুদ্ধি অবঅ?

গম্ উপদেজ্ 1:22

ভুল্ মানুচ্চুন, আর কয়দিন তুমি তমার ভুলো কামানি গম্‌পেবা? যিগুনে ঈচ্ গরন তারা আর কয়দিন তারা ইদু রঙ্গ-ফুত্তি পেবাক্? যিগুনোর চিদে চজ্জা নেই তারা আর কয়দিন জ্ঞানানরে ঘিনেবাক্?

যিশাইয় 57:7

তুই অজল্ মুড়ো উগুরে তঅ বিচ্ছোনান্ গোজ্যস্, আর তঅ উৎসর্বর অনুষ্ঠানানত্তে তুই সিয়েনত্ উঠ্যচ্চোই।

যিরমিয় 11:15

“মঅ ঘরত্ মর্ কোচ্‌‍‍‌পেইয়্যে মানুচ্চুনোর কি অধিকার আঘে? তারা দঅ বোউত্ ভান্ন্যেই কাম্ গোজ্যন, এন্ কি, তারা মঅ নাঙে উৎসর্ব গোজ্যে য়েরানি তারাত্তুন সোরেই ফেলান। ও অন্যেয়গুরিয়্যেগুন, যেক্কে দজা তমা উগুরে এবঅ সেক্কেয়ো কি তুমি ফুত্তি গুরিবা?”

যিরমিয় 3:6

রাজা যোশিয়োর রাজাগিরির সময়োত্ লগেপ্রভু মরে কোইয়্যেদে, “ভান্ন্যেই পধেদি যেইয়্যে ইস্রায়েলে যিয়েন গোজ্যে সিয়েন কি তুই দেখ্যচ্? তে বেক্ অজল্ মুড়োগুনো উগুরে আর ডেলাপাদা ছিদি যেইয়্যে য়েল্ গাজর্ তলে যেইনে বেশ্যেমি গোজ্য।

যিহিষ্কেল 16:23

ছি, ছি তরে! তর্ এই পাজিগানির পরেয়ো তুই নিজোত্তে শঅরর্ পত্তি খুলো জাগাত্ এক্কো গুরি মূত্তির্ আসন বানেয়োচ্।

যিহিষ্কেল 2:10

মঅ মুজুঙোত্ তে সিবে খুলিনে ধুরিলো। সিবের্ দ্বিকিত্তেদি লেগা রোইয়্যেদে আবিলেচ্, চিৎপুরোনা আর দুঘো কধানি।

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

যিহিষ্কেল 24:12

মাত্তর্ বেক চেট্ট্যাগান মিজে ওই যেইয়্যে; সিবের্ কজরাগান কাজা ন-যায়, সেনত্তে সিবে আগুনোত্ ফেলেই দুয়ো।

যিহিষ্কেল 24:13

“‘ও যিরূশালেম, তর্ ভান্ন্যেই কামান অলঅ তর্ সেই অসিজিগান। মুই তরে কাজেবাত্তে চেট্ট্যা গুরিলুং মাত্তর্ তর্ অসিজিগানত্তুন্ তুই সাব্ ন-অলে। তঅ বিরুদ্ধে মঅ রাগ্‌‌‌‌‌‌‌কান পুরোপুরি ঢালি ন-দেনা সং তুই আর সাব্ ন-অবে।

যিহিষ্কেল 24:6

প্রভু লগেপ্রভু আরঅ কোইয়্যেদে, অভিশাব্ পোরোক্, সেই লো ঝোরেয়্যে শঅরান্! সিয়েন যেন এক্কো পিলে যিবেত্ কজরা কুড়্ ওইয়্যে, যিবে কাজা ন-যায়। য়েরানি বেঈ বেঈ ন-নিইনে দমাগুন্ এক্কো এক্কো গুরি নিগিলা।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

যিহিষ্কেল 36:37

সে পরেদি প্রভু লগেপ্রভু মরে কোইয়্যেদে, “মুই আর একবার ইস্রায়েল জাদরে মইধু কোজোলী গুরিবাত্তে কোম্ আর তারার্ কোজোলী মজিম্ মুই ভেড়া পাল ধোক্ক্যেন তারার মানুচ্চুনোরে গুণি ন-পুড়েইয়্যে গুরিম।

যিহিষ্কেল 6:13

ইস্রায়েলীয়গুনে তারার্ পূজোর্ চেরোকিত্তে মূত্তিগুনো ভিদিরে, বেক্ দাঙর্ দাঙর্ মুড়োগুন উগুরে, ডেলা ছিদি পোজ্যে পত্তি গাজর্ তলে আর পাদালোই ভরা পত্তি এলোন গাজর্ তলাত্, অত্তাৎ যেদক্কানি জাগাত্ তারার্ মূত্তিগুনোর নাঙে তারা তুম্বাজ্ আগর্‌বাট্টি উৎসর্ব গুরিদাক্ সেই বেক্ জাগানিত্ মুরিনে পড়ি থেবাক্। সেক্কে বাঁজি থেইয়্যে মানুচ্চুনে হবর্ পেবাক্ যে, মুয়ই লগেপ্রভু।

হোশেয় 1:2

হোশেয়র্ মাধ্যমে পত্তমবার্ কধা কবার সময়োত্ লগেপ্রভু তারে কলঅ, “তুই যেইনে এক্কো বেশ্যে মিলেরে লঅ। তার বেশ্যেমি গরানার পুয়ো-ছাগুনোরেয়ো মানি লবে, কিত্যে এ দেজ্‌‌চান লগেপ্রভুত্তুন্ সুরি যেইনে বেগত্তুন্ জঘন্য বেশ্যের্ দুষে দুষী ওইয়্যে।”

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

হোশেয় 8:5

ও শমরিয়া, মুই তর্ গোরু ছঅ-মূত্তিবো এলাফেলা গোজ্যং। সিগুনো বিরুদ্ধে মঅ রাগর্ আগুনান্ জ্বলের্। গম্ অদে তঅ মানুচ্চুনোর আর কয়দিন লাগিবো?

সফনিয় 3:1

অভিশাব্ পোড়োক্ সেই অত্যেচারীবোর, উল্লোমীবোর্ আর অসিজি শঅরানর্!

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

২ করিন্হীয় 12:21

মত্তুন্ দর্ লাগেত্তে, মুই যেক্কে আরঅ তমা ইধু যেম্ সেক্কে মঅ গোজেনে তমা মুজুঙোত্ মরে লাজত্ ফেলেব, আর যিগুনে আগে পাপ গোজ্জ্যন্ অদচ তারার্ অসিজিগানি, বেভিচের্ আর জঘন্য কামত্তুন্ মনানি ন-ফিরেন্, তারার্ বেক্কুনোত্যে মুই দুঘ্ পেম্।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

ফগদাং পেইয়্যে 8:13

পরেদি মুই এক্কো ঈগল পেগোরে আগাজত্ বোউত্ অজলত্ উড়োদে দেগিলুং, আর সেই ঈগল্লোরে দাঙর্ গুরি কধে শুনিলুং, “অন্য যে তিনজন স্বর্গদূতে তুরী বাজেবাত্যে যাদন্, তারার্ তুরীগুনোর্ আবাজ্ অলে যিগুনে এ পিত্‌থিমীর্ তারার্ দজা, দজা, দজা অবঅ।”