যিরমিয় 13:22 - Chakma Bible

²² যুনি তুই নিজোরে পুযোর্ গরচ্, মঅ উগুরে ইয়েন কি ঘুদিলো? মাত্তর্ ইয়েনর জোব্ অলঅ, তর্ বোউত্ পাপত্তে তঅ কাবড়ান ফাদি ফেলা ওইয়্যে আর কিয়্যে উগুরে অত্যেচার গরা ওইয়্যে।

যিরমিয় 13:22 Iomraidhean Croise

যিশাইয় 20:4

ঠিগ সেধোক্ক্যেন্‌গুরি আসিরিয়ার রাজা মিসররে লাজত্ ফেলেবাত্তে মিসরীয় আর কূশীয় বন্দীগুনোর পুয়ো-বুড়ো বেক্কুনোরে লাংটা অবস্থায়, সুদো টেঙোই আর পিজেদি-খুলো অবস্থায় নেযেব।

যিশাইয় 3:17

সেনত্তে লগেপ্রভু সিয়োনর মিলেগুনো মাঢাত্ ঘা গুরি দিবো আর সিয়েনত্ টাক্ পুরিবো।”

যিশাইয় 47:8

ইক্কিনে, ও ভোগ্ গুরিয়্যে মিলেবো, শুন; তুই নিশিদে আরামে বোইনে মনে মনে কত্তে, বানা মুয়ই আগং, মুই বাদে আর কনজন নেই। মুই কনদিন্অ রাণিমিলে ন-ওম্ বা পুয়ো-ছা আরেবার দুঘ্‌কান্ ন-পেম্।

যিরমিয় 13:26

মুই তঅ কাবড়ানি তঅ মুয়ো উগুরে তুলি দিম যেনে তর্ লাজ্‌চান দেগা যায়।

যিরমিয় 14:16

যিদুক্কুন মান্‌‍জ্য ইধু তারা ভাববাদী ইজেবে কধা কদন্ তারার মরা কিয়্যেনি ভাদরাত্ আর যুদ্ধোত্তে যিরূশালেমর পধে পধে ছিদি ফেলেই দিয়্যে অবঅ। তারার বা তারার মোগ্‌‍‍‍‍‍কুনোরে আর ঝি-পুয়োগুনোরে গোরত্ দিবাত্তে কনজন ন-থেবাক্। তারার পাওনা দুর্দশা মুই তারা উগুরে ঢালি দিম।‍

যিরমিয় 5:19

যেক্কে মান্‌জ্যে পুযোর্ গুরিবাক্, ‘আমা গোজেন লগেপ্রভু আমা উগুরে ইয়েনি কিত্তে গুরিলো?’ সেক্কে তুই তারারে কবে, ‘যেবাবোত্যে তুমি মরে ছাড়িনে তমা দেজত্ দেব-দেবেদাগুনোরে সেবা গোজ্য সেবাবোত্যেগুরি যে দেজ্‌‌‌চান তমার নিজোর নয় সে দেজত্ যেইনে ইক্কিনে তুমি বিদেশিগুনোরে সেবা গুরিবে।’ ”

আবিলেচ্ 1:8

যিরূশালেমানে অমকদ পাপ গোজ্যে, সেনত্তে তে অসিজি ওই যেইয়্যে। যিগুনে তারে সর্মান গুরিদাক্ তারা বেক্কুনে তারে ঈচ্ গত্তন্, কিত্তে তারা তার্ লাংতা-বাংতা অবস্থাগান্ দেখ্যন; তে ভঅনিজেস্ ফেলার্ আর মুয়োন লুগোর্।

যিহিষ্কেল 23:26

তারা তর্ কাবড়-চুগোরানি খুলি ফেলেবাক্ আর তর্ দোল্ গহনানি নেযেবাক্।

হোশেয় 12:8

তে কয়, ‘মুই অমকদ তাগোয়্যে ওইয়োং, ভালোক্কানি ধন-সোম্বোত্তি থুবেয়োং। মর্ বেক কামানি ভিদিরে মান্‌‌‌জ্যে মর্ কনঅ দুষ বা পাপ তোগেইনে ন-পেবাক্।’

হোশেয় 2:10

মুই ইক্কিনে তা লাঙেগুনো চোগো মুজুঙোত্ তার্ লাজেবার কামানি ফগদাং গুরিম; মঅ আঢত্তুন্ কনজনে তারে উদ্ধোর্ ন-গুরিবাক্।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

হোশেয় 2:5

তারার্ মাবো বেভিচের্ গোজ্যে; যে তারারে পেদত্ ধোজ্যে তে লাজ্ গরেপারা কাম্ গোজ্যে। তে কদঅ, মুই মঅ লাঙেগুনো পিজেদি যেইম্; তারা মরে হানা, পানি, পশম, মসীনা, তেল আর পানীয় দি থান্।

নহূম 3:5

বেগত্তুন্ খেমতাবলা লগেপ্রভু কত্তে, “ও নীনবী, মুই তঅ বিরুদ্ধে; মুই মুয়োন সং তঅ কাবড়ান্ তুলিম। তর্ লাংটাগান মুই জাদ্‌তুনোরে দেগেম আর রেজ্যগানিরে দেগেম তর্ লাজানা।‌

সফনিয় 1:12

সে সময়োত্ মুই চেরাগ্‌‌কোই যিরূশালেমর বেক জাগানিত্ তোগেম্ আর যিগুনে নিজোরে নিইনে হুজি থান্ আর কন্, ‘লগেপ্রভু গম্-ভান্ন্যেই কিচ্ছু ন-গুরিবো,’ তারারে মুই সাজা দিম্।

দ্বি’লম্বর বিররণ 18:21

কনঅ এক্কান কধা পৌইদ্যেনে তুমি মনে মনে কোই পার, লগেপ্রভু এ কধাগান কোইয়্যে নাহি সিয়েন আমি কিঙিরিনে জানিবোং?

দ্বি’লম্বর বিররণ 7:17

তুমি মনে মনে কোই পারঅ, এ জাদর্‌ মানুচ্চুনে আমাত্তুন্‌ সোংখ্যেন্দি বেশ্‌; আমি কেধোক্ক্যেন গুরি তারারে ধাবেই দিইনে নিগিলেই দিবোং?

দ্বি’লম্বর বিররণ 8:17

তুমি অয়ত কনজনে মনে মনে কোই পার, মর্‌ নিজোর্‌ বল্লোই, নিজোর আত্তোই কাম্‌ গুরিনে মুই এ বেক্‌ ধন-সোম্বোত্তিগানি গোজ্যং।