যিরমিয় 13:20 - Chakma Bible

²⁰ লগেপ্রভু কোইয়্যেদে, ও যিরূশালেম, তুই চোগ্ তুল্, রিনি চাহ্, উত্তোরেত্তুন্ শত্রুগুনে এত্তন্। যে পাল্লো তঅ আঢত্ দিয়্যে ওইয়্যে, যে ভেড়াগুনোরে নিইনে বাড়্‌বো গুরিদে তারা কুদু?

যিরমিয় 13:20 Iomraidhean Croise

গম্ উপদেজ্ 14:28

মানুচ্ বেশ্ অলে রাজার বাঈনী অয়, মাত্তর্ প্রজা কম্ থেলে রাজার দজা অয়।

যিরমিয় 1:14

লগেপ্রভু মরে কলদে, “এ দেজত্ যিগুনে বজত্তি গরন তারার বেক্কুনো উগুরে উত্তোরেত্তুন দজার্ বান পানি ধোক্ক্যেন উজেই এবঅ।

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 10:22

শুন, হবর্ এচ্চ্যে! যিহূদার শঅরানি মানুচ্ নেইয়্যে আর শিয়েলুনোর থেবার ঘর বানেবাত্তে উত্তোর দেজ্‌‍‍‍চানিত্তুন অমকদ গন্ডগুলোর রঅ এজের্।

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 23:2

সেনত্তে যে পালক্‌‍‌কুনে মঅ মানুচ্চুনোরে চড়ান সেই পালক্‌কুনো বিরুদ্ধে ইস্রায়েলর গোজেন লগেপ্রভু কোইয়্যেদে, “তুমি মর্ পালর্ ভেড়াগুনোরে ছিদি ফেল্য আর তারারে ধাবেই দুয়ো, তারারে কনঅ যত্তন্ ন-গরঅ; সেনত্তে তমা অন্যেয়ত্তে মুই তমারে সাজা দিম।‍‌

যিরমিয় 25:37

লগেপ্রভুর দর্‌গরেপারা রাগর্ কারনে গম্ গম্ মাদ্‌‌‌‌‌‌‌তুন ফেলা যেইয়্যে ভূই ওই থেবঅ। ‌‌‌‌

যিরমিয় 6:22

লগেপ্রভু এ কধাগান কোইয়্যেদে, “চঅ, উত্তোরে দেজত্তুন একদল সৈন্য এত্তন্; পিত্‌থিমীর শেজ্ দুযিত্তুন এক্কো দাঙর্ জাদ রাগে গং দি এজের্।

হবক্‌‌‌‌কূক 1:6

মুই বাবিলীয়গুনোরে যুক্কোল্ গরঙর্; তারা সেই চিৎনপুজ্যে জাদ্, যিগুনে অন্যগুনোর দেজ্‌‌চানি গজক্ গুরিবাত্তে পুরো পিত্‌‌থিমীর বেক্ জাগায়ানি ইধু যান।