যিরমিয় 12:7 - Chakma Bible

⁷ “মুই মঅ মানুচ্চুনোরে ইরি দুয়োং আর মর্ সোম্বোত্তি ইস্রায়েলরে বাদ দুয়োং; মুই যিবেরে কোচ্‌পাং সিবেরে তা শত্রুগুনো আঢত্ তুলি দুয়োং।‌

যিরমিয় 12:7 Iomraidhean Croise

২ রাজাবলী 21:14

মঅ মানুচ্চুনোর্‌ বাদবাগি কয়েক্কোরে মুই ইরি দিম্‌ আর শত্রুগুনো আঢত্‌ তারারে তুলি দিম্‌। তারার্‌ বেক্‌ শত্রুগুনে তারারে লুদেবাক্‌ আর বেক্কানি জোর্‌ গুরি নেযেবাক্‌,

গীতসংহিতা 106:40

সেনত্তে লগেপ্রভুর রাগ্‌কান তা মানুচ্চুনো উগুরে জুলি উদিলো; যিগুনে তার সোম্বোত্তি তারা উগুরে তার ঘিন্ লাগিলো।

গীতসংহিতা 78:62

তা মানুচ্চুনোরে তে শত্রুর তলোয়ার আদত্ তুলি দিলো; তা নিজো মানুচ্চুনো উগুরে তা রাগ্‌কান ফেলেল।

যিশাইয় 2:6

তুই দঅ তঅ মানুচ্চুনোর্, অত্তাৎ যাকোব বংশধরুনোরে ছাড়ি যেইয়োচ্। তারা পুগেদি দেজ্‌ছানির কুসংস্কারলোই পেলেপেলে ওইয়োন; তারা পলেষ্টীয়গুনো ধোক্ক্যেন যাদুবিদ্যের্ অভ্যেস গোজ্যন আর নানান্ জাদ সমারে আঢ্ মিলেয়োন।

যিরমিয় 11:15

“মঅ ঘরত্ মর্ কোচ্‌‍‍‌পেইয়্যে মানুচ্চুনোর কি অধিকার আঘে? তারা দঅ বোউত্ ভান্ন্যেই কাম্ গোজ্যন, এন্ কি, তারা মঅ নাঙে উৎসর্ব গোজ্যে য়েরানি তারাত্তুন সোরেই ফেলান। ও অন্যেয়গুরিয়্যেগুন, যেক্কে দজা তমা উগুরে এবঅ সেক্কেয়ো কি তুমি ফুত্তি গুরিবা?”

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 17:4

যে অধিকারান্ মুই তরে দুয়োং, তর্ নিজো দুষে তুই সিয়েন আরেবে। যে দেজ্‌চান কধা তুই হবর্ ন-পাজ্ সে দেজত্ মুই তরে তঅ শত্রুগুনোর চাগর্ বানেম, কিত্তে তুই মর্ রাগর্ আগুনান জ্বালেয়োচ্ আর সিয়েন জিংকানিবর্ জুলিবো।‍

যিরমিয় 22:5

মাত্তর্ যুনি তুমি এ উগুমানি ন-পালঅ সালে মুই লগেপ্রভু মর্ নিজো নাঙে শমক্ হেইনে কঙর্, এ রাজঘরান ভস্ত ওই যেবঅ।’ ”

যিরমিয় 23:33

লগেপ্রভু মরে কলঅ, এ মানুচ্চুনে বা কনঅ ভাববাদী বা ধর্মগুরু যেক্কে তরে পুযোর্ গুরিবো, লগেপ্রভুর কধানি কি? সেক্কে তুই তারারে কবে, লগেপ্রভু কোইয়্যেদে, তুমি মর্ বোঝা বুধি আর মুই তমারে ফেলেই দিম।

যিরমিয় 23:39

সালে মুই ঘেচ্চেকগুরি মঅ মুজুঙেত্তুন তমারে তুলি নিইনে মেলা মারি দিম আর যে শঅরান্ মুই তমারে আর তমা পুরোণিমানুচ্চুনোরে দুয়োং সেই শঅরানরেয়ো মঅ মুজুঙেত্তুন মেলা মারি দিম।

যিরমিয় 51:5

ইস্রায়েল আর যিহূদারে তারার গোজেন বেগত্তুন্ খেমতাবলা লগেপ্রভু ছাড়ি ন-যায়, যুনিয়ো ইস্রায়েলর সেই সুদ্ধো-সাংগ মানুচ্চোর্ মুজুঙোত্ তারার্ দেজ্‌‌চান দুষে ভরা ওইয়্যে।

যিরমিয় 7:14

যে ঘরান উগুরে তুমি নির্ভর গোজ্য সেই ঘরান মুই মর্ থেবার জাগা বানেয়োং, আর এ জাগায়ান মুই তমার আর তমা পুরোণি মানুচ্চুনোরে দুয়োং। মাত্তর্ তমা পাপ্‌‌‌পানিত্তে এ ঘরানরে আর এ জাগায়ানর অবস্থা মুই সেবাবোত্যে গুরিম যেবাবোত্যে মুই শীলো উগুরে গোজ্যং। ‌

যিরমিয় 7:29

ও যিরূশালেম, তঅ চুলান কাবিনে তুই দূরোত্ ফেলেই দে; গাজ্‌‌বাজ্ নেইয়্যে মুড়োমুড়িত্ আবিলেচ্ গরঅ, কিত্তে লগেপ্রভু তার রাগর্ তলে থেইয়্যে এ মানুচ্চুনোরে তে এলাফেলা আর বাদ দিয়্যে।

হোশেয় 11:1

লগেপ্রভু কত্তে, ইস্রায়েল চিগোন অক্তত্ মুই তারে কোচ্‌পেদুং আর মিসরত্তুন্ মর্ পুয়োবোরে ডাগি আন্যং।‌‌‌‌‌‌

হোশেয় 9:15

লগেপ্রভু কত্তে, “গিল্‌গলে তারা তারার্ পাজিগানি আরাম্ভ গোজ্যন, আর সিদু মুই তারারে ঈচ্ গরা ধুরিলুং। তারার্ পাপত্তে মঅ মানুচ্চুনো ভিদিরেত্তুন্ মুই তারারে ধাবেইনে নিগিলে দিম। মুই তারারে আর কোচ্‌‌ ন-পেইম্; তারার্ নেতাগুন বেক্কুন্ উল্লোমী।

যোয়েল 2:15

তুমি সিয়োনত্ তূরী বাজঅ, সুদ্ধো-সাংগ উবোস্ থানার বেবস্থা গর্, এক্কো বিশেষ তেম্মাং ডাগ্;

যোয়েল 3:2

সেক্কে মুই বেক্ জাদ্‌তুনোরে এগত্তর্ গুরিম আর যিহোশাফটর কলগত্ তারারে লামেই আনিম। সিয়েনত্ মর্ সোম্বোত্তি, অত্তাৎ মঅ মানুচ্ ইস্রায়েলীয়গুনো বেপার নিইনে মুই তারা বিরুদ্ধে বিচের্ গুরিম, কিত্যে তারা জাদ ভিদিরে মঅ মানুচ্চুনোরে ছিদি দিয়্যে আর মঅ দেজ্‌চান ভাগ গোজ্যে।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

দ্বি’লম্বর বিররণ 33:12

বিন্যামীন পৌইদ্যেনে তে কোইয়্যেদে, “লগেপ্রভু যিবেরে কোচ্‌পায় তে গমেডালে তা ইদু থেবঅ; তে আমিঝে তারে আন্দলত্‌ রাগায়; তা পিঠ্‌তান উগুরে তার জাগায়ান।”