যিরমিয় 12:5 - Chakma Bible

⁵ মান্‌‍‍‌‌‌‌‌‌জ্য লগে ধাবা দেনাত্ যুনি তুই বল্‌পোজ্যে ওই পড়চ্ সালে ঘোড়াগুনো লগে ধাবা দেদি তুই কেধোক্ক্যেন গুরি পারিবে? বানা সুগ্ শান্দিবলা দেজত্ যুনি তুই নিজোরে নিরাপদ মনে গরচ্ সালে যর্দনর পার ঝারত্ তুই কেধোক্ক্যেন গুরি থেবে?‍‍‌‌‌‌‌‌

যিরমিয় 12:5 Iomraidhean Croise

১ বংশধর 12:15

সে বজর পত্তথম্‌ মাজত্‌ যেক্কে যর্দন গাঙ পানিগান পার উগুরে উদি যেইয়্যে সেক্কে ইগুনে পার্‌ ওইনে গাঙ পূগেন্দি আর পোজিমেন্দি কিজিঙোত্‌ বজত্তি গোজ্যে বেক্কুনোরে ধাবেই দুয়োন্‌।

গীতসংহিতা 42:7

সিয়েনত্ তর্ তান্‌‌জাঙর্ রবোর্ পানিগানর গুজুরোনিবো ডাগের্; আর তর্ ভাঙিপোজ্যে বেঈ এস্যে তুবোলুন্ মঅ উগুরেন্দি বেঈ যার্।

গম্ উপদেজ্ 24:10

দজার্ দিনোত্ যুনি তুই আজা নেইয়্যে অচ্, সালে দঅ তঅ খেমতাগান বেশ্ নয়।

গম্ উপদেজ্ 3:11

মঅ পুয়োবো, লগেপ্রভুর শাজনান্ এলাফেলা ন-গুরিচ্, তে গেইল্ দিলে সিয়েন ঈচ্ ন-গুরিচ্;

যিরমিয় 11:21

সেনত্তে অনাথোত মানুচ্চুনো পৌইদ্যেনে লগেপ্রভু কোইয়্যেদে, “যিগুনে তঅ পরাণান নিবাত্তে চাদন আর কদন, ‘লগেপ্রভুর নাঙে ভাববাদী ইজেবে কধা ন-কোয়ো, কলে তুমি আমা আঢত্ মারা পুরিবে,’

যিরমিয় 26:8

মাত্তর্ লগেপ্রভুর উগুম মজিম যিরমিয় বেক কধানি কনা যেক্কে থুম্ গুরিলো সেক্কে ধর্মগুরু, ভাবাবদী আর বেক মানুচ্চুনে তারে ধুরিনে কলাক্, “তত্তুন মরা পুরিবো।

যিরমিয় 36:26

সিয়েনর বদলে তে লিগিয়্যে বারূক আর ভাববাদী যিরমিয়রে ধুরি আনিবাত্তে রাজার পুয়ো যিরহমেল, অস্রীয়েলর পুয়ো সরায় আর অব্দিয়্যেলর পুয়ো শেলিমিয়রে উগুম দিলো। মাত্তর্ লগেপ্রভু তারারে লুগেই রাগেল।

যিরমিয় 49:19

“যর্দনর ঝাড়ত্তুন্ সিংহ যেবাবোত্যেগুরি উদি এইনে গম্ চড়েদে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে ইদোমরে তা দেজত্তুন্ লোড়েই দিম। মুই তা উগুরে মর্ বেঈ লোইয়্যে মানুচ্চোরে নেযেম। কন্না মর্ সং সং? কন্না মঅ বিরুদ্ধে থিয়্যেই পারে? কন্ পালকে মঅ মুজুঙোত্ টিগি থেই পারে?”

যিরমিয় 50:44

যর্দনর ঝারত্তুন্ সিংহ যেবাবোত্যেগুরি উদি এইনে দোল্ চোরেয়্যে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে বাবিলীয়গুনোরে তারার দেজত্তুন্ লোড়েই দিম্। মুই সিয়েন উগুরে মর্ বেঈ লোইয়্যে মানুচ্চোরে নেযেম। কন্না মঅ সং সং? কন্না মঅ বিরুদ্ধে থিয়্যেই পারে? কন্ গরগে মঅ বিরুদ্ধে টিগি থেই পারে?”

যিহোশূয় 3:15

ফসল কাবিবার পুরো সময়ানত্‌ সচরাচর্‌ যর্দন গাঙর্‌ দ্বিপারানি পানিয়ে ভাঝি যেদঅ‌। মাত্তর্ সাক্ষ্য-সুন্দুক বোইয়্যে ধর্মগুরগুনে যর্দন ইদু লুমোনার পরেন্দি তারা পানিত্‌ টেঙ্‌ দিলাক্‌ এমনে উগুরেত্তুন বেঈ এচ্চ্যে গঙার্‌ পানিগান থামেল। সে পানিগান ভালোদ্‌ দূরোত্‌ সর্তন শঅরর্‌ কায়-কুরে আদম আদামর ইদু অজল্‌ ওইনে ফুলি উদিলো; আর সেক্কে যে পানিগান অরাবার সাগর ইন্দি, অত্তাৎ নুন সাগরর্‌ ইন্দি বেঈ যার্‌ সিয়েন্‌ এক্কুবারে বন্ধ ওই গেলঅ। সেক্কে ইস্রায়েলীয়গুনে যিরীহো শঅরর্‌ ঠিগ্‌ উই পারন্দিত্তুন্‌ গাঙান্‌ পার্‌ অলাক্‌।

১ পিতর 4:12

পরাণর্ সমাজ্যেগুন, তমার যে ইক্কিনে নানান্-পোরোক্ষ্যের্ মাধ্যমে যা পরের্ সিয়েন্দোই দিস্‌কাউলু অবার নয়, তমা উগুরে অামক্ কিজু এক্কান অর্।