যিরমিয় 12:2 - Chakma Bible

² তুয়ই তারারে লাগেয়োচ্ আর তারা শিঙোর্ বোজেয়োন; তারা দাঙর্ অন আর তারার গুলোগুলি ধরন। মুয়োদি তারা আমিঝে তঅ কধা কন্ মাত্তর্ তারার মনান তত্তুন দূরোত্ থায়।

যিরমিয় 12:2 Iomraidhean Croise

ইয়োব 24:12

শঅরর্ ভিদিরে মানজ্যর্ আবিলেচ্ হানাগান্ শুনো যার্, আঘাত পেইয়্যে মানুচ্চুনে সাহায্যত্তে রঅ ছাড়দন্; মাত্তর গোজেনে তারা কানানিলোই মনান্ ন-দে।

ইয়োব 5:3

অজ্ঞানী মানুচ্চুনোরে মুই ভালেদি অদে দেগিলুং আর সেক্কেয়ই তা ঘরানরে অভিশাব্‌ বিলিনে ফগদাঙ্‌ গুরিলুং।

গীতসংহিতা 37:35

চিৎনপুজ্যে মানুচ্চোরে মুই দাঙর্ অদে দেখ্যং, দেখ্যং নিজোর্ জাগানত্ থেইয়্যে ডেলালোই ছিদি পোজ্যে পাদালোই ভোজ্যে গাজ ধোক্ক্যেন্।

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিরমিয় 11:17

বেগত্তুন্ খেমতাবলা লগেপ্রভু, যে তারে লাগেয়্যে তেয়ই তার সর্বনাজর্ রায়য়ান দিয়্যে, কিত্তে যিহূদা আর ইস্রায়েলর মানুচ্চুনে ভান্ন্যেই কাম্ গোজ্যন আর বাল দেবেদার নাঙে আগর্‌বাট্টি জ্বালেইনে তার রাগ্‌কান জাগেই তুল্যন্।

যিরমিয় 3:10

ইয়েনি অলেয়ো ইস্রায়েলর অবিশ্বেজি বোন যিহূদা বেক্ মনান্দোই নয় মাত্তর্ বানা ভান্ গুরিনে মইধু ফিরি এচ্চ্যে। মুই লগেপ্রভু এ কধাগান কঙর্।”

যিরমিয় 45:4

“লগেপ্রভু মরে এ কধাগান তরে কবাত্তে কোইয়্যে, ‘মুই লগেপ্রভু সারা দেজ ভিদিরে যিয়েনি বানেয়োং সিয়েনি ভাঙি ফেলেম আর যিয়েনি লাগেয়োং সিয়েনি উগুড়েই ফেলেম।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

হোশেয় 7:14

তারা বিচ্ছোন উগুরে তারা আবিলেচ্ হান্, মাত্তর্ তারা মনে-পরাণে মইদু ন-কানন্। শোজ্য আর নূয়ো আংগুর-রস পেবাত্তে তারা এগত্তর্ অন্ আর মঅ বিরুদ্ধে উল্লোমী গরন্।

হবক্‌‌‌‌কূক 1:13

তুই এদক্ আজল্ যে, তুই ভান্ন্যেয়দি রিনি চেই ন-পারচ্ আর অন্যেয় সোজ্য গুরি ন-পারচ্। সালে তুই কেধোক্ক্যেনগুরি সেই বেঈমানীগুনোরে গম্ চোগেদি দেগর্? পাজিগুনে যেক্কে তারাত্তুন্অ বেশ্ গম্ মানুচ্চুনোরে গিলোদন্ সেক্কে কিত্তে তুই জুরো গুরি থাচ্?

মথি লেখ্যে গম্ হবর্ 15:8

এ মানুচ্চুনে মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়।

মার্ক 7:6

যীশু জোব্ দিলো, “তুমি ভণ্ড! তমা পৌইদ্যেনে ভাববাদী যিশাইয় ঠিগ্ কধা কোইয়্যে। তা বোইবোত্ লেঘা আঘে: এ মানুচ্চুনে মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়।

তীত 1:16

মুয়োদি তারা কন্দে তারা গোজনরে জানন্, মাত্তর্ তারার্ কামানিলোই তারা তারে অস্বীগের্ গরন্। তারা ঈচ্‌গরা খেইয়্যে আর অবাধ্য; তারা কনঅ গম কামর্ যগাজ্জ্যে নয়।