যিরমিয় 12:13 - Chakma Bible

¹³ তারা লাগেয়োন গম মাত্তর্ কাব্‌‌‌পোন্দে কাদা; তারা জদবদে কাম্ গোজ্যন মাত্তর্ কিচ্চু ন-পান। লগেপ্রভুর জ্বোল্‌জোল্যে রাগর কারনে তুমি তমার খেত্‌‌‌‌খেত্তি কাবিবার লাজানাগান পঅর্।‌”

যিরমিয় 12:13 Iomraidhean Croise

গীতসংহিতা 78:62

তা মানুচ্চুনোরে তে শত্রুর তলোয়ার আদত্ তুলি দিলো; তা নিজো মানুচ্চুনো উগুরে তা রাগ্‌কান ফেলেল।

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

যিরমিয় 4:26

মুই রিনি চেলুং লগেপ্রভুর মুজুঙোত্, তার দর্‌গরেপারা রাগর্ মুজুঙোত্ বোল্‌‌‍‌‍বোল্যে দেজ্‌‌‍চান ধূল্যেচর ধোক্ক্যেন ওই যেইয়্যে; তার বেক্ শঅরানি ভস্ত ওই পড়ি আঘে।

যিরমিয় 9:5

সমাজ্যে সমাজ্যেরে ঠগায় আর কনজনে সত্য কধা ন-কন। তারা তারার জিলানরে মিজে কধা কবাত্তে শিগেয়োন; পাপ গুরি গুরি তারা নিজোরে বল্‌পোজ্যে গোজ্যন। ‌‌‌‌

হোশেয় 8:7

তারা দঅ বোইয়্যেরানরে কুজোন্ আর শেজদি তুট্ট্যে বোইয়্যের্ কাবন্। শোজ্য শীজোত্ কনঅ বিজি নেই; সিয়েনত্তুন মোয়দ্যে ন-অবঅ। যুনি সিগুনোত্ কিজু অয়ও সালে সিগুন বিদেশীগুনে গিলি ফেলেবাক্।

লেবীয় 26:16

সালে মুই তমা উগুরে যিয়েন্‌ গুরিম সিয়েন্‌ এই-মুই তমা উগুরে অদাদৎ কনঅ কিয়্যে ক্ষয় যাইদে রুগ্‌ আর সাংগাদিক জ্বর্ আনিম। এদক্কানি রুগ্‌কোই তমার্‌ চেবার্‌ খেমতা আর কিয়্যের্‌ বল্‌ কমা ধুরিবো। সেক্কে তুমি বীজ ফেলেলেয়ো কনঅ লাভ ন-অবঅ, তমার ফসলানি শত্রুগুনেই হেবাক্।

লেবীয় 26:20

সেক্কে তুমি অনত্তক্ কাম গুরিনে মুরিবা; তমার ভূইয়োত্‌ সেক্কে ফসলঅ ন-অবঅ, গাজ-বাজত্‌ গুলোগুলিও ন-ধুরিবাক্।

মীখা 6:15

তুমি বীজ্ ফেলেবা মাত্তর্ ফসল কাবি ন-পারিবা; তুমি জলপাই মাড়িবা মাত্তর্ নিজে সিয়েনর্ তেলান বেবহার গুরি ন-পারিবা; তুমি আংগুর মাড়িনেয়ো সিয়েনর রস্‌‌চান হেই ন-পেবা।

হবক্‌‌‌‌কূক 2:13

বেগত্তুন্ খেমতাবলা লগেপ্রভু থির্ গোজ্যেদে যে, জাদ্‌‌‌‌তুনোর কামর্ ফল আগুনোত্ পুড়ি যেবঅ আর তারা মিজে মিজে নিজোরে বল্‌‌‌‌পোজ্যে গুরিবাক্।

হগয় 1:6

তুমি বোউত্ লাগেয়ো, মাত্তর্ কম্ কাপ্প্য। তুমি হেই থাগঅ, মাত্তর্ কনদিন্‌অ ঈল্ ন-অয়। তুমি আংগুর-রস হেই থাগঅ, মাত্তর্ যদেষ্ট ন-পঅ। তুমি কাবর-চুগোর্ কিয়্যেনত্ দুয়ো, মাত্তর্ সিয়েনিলোই কিয়্যে উমুম্ ন-অয়। তুমি বেতন পেইনে কানা থৈল্যেত্ রাগঅ।

হগয় 1:9

“তুমি বোউত্ ফসল পেবার্ আজা গোজ্য, মাত্তর্ কম পেইয়ো। তুমি যিয়েনি ঘরত্ আন্য সিয়েনি মুই উড়েই দুয়োং। কিত্তে দুয়োং? মঅ ঘরত্তে সিয়েনি গোজ্যং, কিত্যে সেই ঘরান ভস্ত ওই পড়ি আঘে আর ইন্দি তুমি পত্তিজনে নিজো নিজো ঘর্‌লোই কামত্ আগঅ।‌

রোমীয় 6:21

পুরোণি যে বেক্‌ কামর্ কধানি চিদে গুরিনে ইক্কিনে তুমি লাজত্ পড়অ সেই কামানিত্তুন্ তমার্ কি লাভ অদঅ? সিয়েনর্ শেজ্ ফল অলঅ মরণ্।

দ্বি’লম্বর বিররণ 28:38

তুমি বোউত্ লাগেবা মাত্তর্‌ কাবিবাদে কম, কিত্যে পুগ্-যুগ্‌কুনে ফলুন খেই ফেলেবাক।