যিরমিয় 12:1 - Chakma Bible

¹ ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

যিরমিয় 12:1 Iomraidhean Croise

পত্থম 18:25

ইয়েন্‌ তর্‌ পক্ষে সম্ভব নয়। গম্‌ আর ভান্ন্যেয় উগুরে এক বাবোত্যে বেবহার গুরিনে তারারে একলগে মারে ফেলানা তর্‌ পক্ষে এক্কুবারে সম্ভব নয়। গোদা পিত্‌থিমীয়ানর্‌ যিবে বিচেরর্ মালিক্‌ তে কি দোল্‌বিচের্‌ গুরি ন পারে?”

ইষ্রা 9:15

ও ইস্রায়েলর গোজেন লগেপ্রভু, তুই ন্যায়বলা। আমি এচ্চ্যে সং কিজু মানুচ্ বাঁজি আগিই। তঅ মুজুঙোত্ আমি বেক্কুনে পাপী, আর সেনত্যে আমাত্তুন্ কেয়ই তঅ মুজুঙোত্ থিয়্যেবার্ যগাজ্যে নয়।”

নহিমিয় 9:33

তুই আমা উগুরে যিয়েনি ঘুদিবাত্তে দুয়োচ্‌ সিয়েনিলোই তুই অন্যেই ন-গরচ্‌; তুই বিশ্বেজ্‌ গুরিনে কাম্‌ গোজ্যস্‌ আর আমি অন্যেই গোজ্যেই।

ইয়োব 12:6

লুদেয়্যেগুনোর্‌ তাম্বুলোত্‌ কনঅ হাঙেলেত্যে নেই; যিগুনে গোজেনরে হাঙেলেত্যে গরন্‌ তারা গমেডালে থান্‌; গোজেনেয়ই যেনে তারারে বেক্কানি দের্‌।

ইয়োব 13:3

মাত্তর্‌ মুই বেগত্তুন্‌ খেমতাবলা গোজেন লগে কধা কবাত্তে চাং, গোজেন সমারে মঅ পৌইদ্যেনে তর্ক গুরিবাত্তে চাং।

ইয়োব 24:12

শঅরর্ ভিদিরে মানজ্যর্ আবিলেচ্ হানাগান্ শুনো যার্, আঘাত পেইয়্যে মানুচ্চুনে সাহায্যত্তে রঅ ছাড়দন্; মাত্তর গোজেনে তারা কানানিলোই মনান্ ন-দে।

ইয়োব 24:23

তে শদানুনোরে গমেডালে জিরেবাত্তে দি পারে, মাত্তর্ তা চোগ্‌‌কুন তান্দে তারার পথ্‌তান ইন্দি।

ইয়োব 8:17

কুড়েয়্যে পাত্তরর্‌ চেরোকিত্তে তা শিঙোরানি বেড়া যেইয়্যে; পাত্তর ভিদিরে তে এক্কো গম্‌ জাগা পেইয়্যে।

গীতসংহিতা 116:5

লগেপ্রভু দোয়্যেবলা আর গম্; আমা গোজেনে দোয়্যে-মেয়েন্দি তুজিমপুরো।

গীতসংহিতা 119:137

ও লগেপ্রভু, তুই ধার্মিক; তর্ বিচেরানি দোল্।

গীতসংহিতা 119:75

ও লগেপ্রভু, মুই হবর্ পাং তর্ সুদোমানি অমকদ গম্; তুই বিশ্বেজি বিলিনে মরে দুঘ্ দুয়োচ্।

গীতসংহিতা 145:17

লগেপ্রভু তার বেক্ পধেদি ন্যায়বলা আর বেক্ কামদি বিশ্বেজি।

গীতসংহিতা 37:1

তুই পাজি মানুচ্চুনোর বেপারানিলোই চিদে ন-গুরিচ্, বা অন্যেয় গুরিয়্যেগুনোরে দেগিনে ইংসে ন-গুরিচ্;

গীতসংহিতা 37:35

চিৎনপুজ্যে মানুচ্চোরে মুই দাঙর্ অদে দেখ্যং, দেখ্যং নিজোর্ জাগানত্ থেইয়্যে ডেলালোই ছিদি পোজ্যে পাদালোই ভোজ্যে গাজ ধোক্ক্যেন্।

গীতসংহিতা 51:4

তর্ বিরুদ্ধে, বানা তর্ বিরুদ্ধে মুই পাপ গোজ্যং আর তর্ চোগেন্দি যিয়েনি ভান্ন্যেই সিয়েনি গোজ্যং। সেনত্তেই তর্ রায়ান্ ঠিগ্, তর্ বিচেরান গম্।

গীতসংহিতা 51:6

তুই মনান ভিদিরে সত্যগান দেগিবাত্তে চাজ্; তুয়ই মর্ মনানর্ গভীনোত্ জ্ঞানান্ দে।

গীতসংহিতা 92:7

পাজি মানুচ্চুনে যুনিয়ো ঘাস ধোক্ক্যেন্ যাদি দাঙর অন্ আর অন্যেয়গুরিয়্যেগুনে যাদিমাদি ফুলি উদোন্, তো তারা উমরত্যে ভস্ত ওই যেবাক্।

গম্ উপদেজ্ 1:32

ভুল মানুচ্চুনোর ভান্ন্যেই পধেদি যানাগান তারার মরণর দযা অবঅ, জ্ঞান নেইয়্যেগুনোর চিদেচজ্জা নেইয়্যে মনভাব্‌পানি তারারে ভস্ত গুরিবো;

উপদেশক 8:14

পিত্‌থিমীত্ আর এক্কান্ বাহ্‌জে বাবোত্যে অলঅ, পাজিগুনোর্ যিয়েনি পাওনা সিয়েনি পান্ গম্ মানুচ্চুনে, আর গম্ মানুচ্চুনোর্ যিয়েনি পাওনা সিয়েনি পান্ পাজি মানুচ্চুনে। মুই কঙে ইয়েনিয়ো বাহ্‌জে।

যিশাইয় 41:21

লগেপ্রভু, অত্তাৎ যাকোবর্ রাজা কোইয়্যেদে, দেবেদাগুন্, তুমি এবেরা তমা তপ্পেন্দি কধা কঅ। তমার বেক্ যুক্তিগানি দেগঅ।

যিশাইয় 48:8

তুমি সিয়েন ন-শুনো আর বুঝিয়ো ন-পারঅ; আগেত্তুন্ ধুরি তমা কানানি খুলো ন-অয়। তুমি যে কিবাবোত্যে বেঈমান সিয়েন মুই হবর্ পাং, জর্মত্তুন্ ধুরি তমারে উল্লোমী কুয়ো অয়।

যিরমিয় 11:20

ও বেগত্তুন খেমতাবলা লগেপ্রভু, তুই গমেডালে বিচের গুরি থাচ্ আর রিবেঙত্তুন্ আর মনর্ পোরোক্কে গুরি থাচ্, সেনত্তে তারা উগুরে তর্ হেনা সুজোনা মরে চেবাত্তে দুয়ো, কিত্তে মুই মঅ আবিত্তিগান তরে জানেয়োং।

যিরমিয় 12:6

তঅ ভেইয়ুনে, অত্তাৎ তঅ বংশর নিজো মানুচ্চুনে তল্লোই বেঈমানী গোজ্যন; তারায়ো তঅ পিজেদি লাক্যন্। তঅ পৌইদ্যেনে গম্ কধা কলেয়ো তারারে বিশ্বেজ্ ন-গুরিচ্।

যিরমিয় 3:20

মাত্তর্ ও ইস্রায়েলীয়গুন, নেগ উগুরে অবিশ্বেজি মোগো ধোক্ক্যেন তুমি মঅ উগুরে অবিশ্বেজি ওইয়ো। মুই লগেপ্রভু এ কধাগান কঙর্।”

যিরমিয় 3:7

মুই মনে গোজ্যংগে ইয়েনি গুরিবার পরেদি তে মইধু ফিরি এবঅ, মাত্তর্ তে ন-এজে আর তার অবিশ্বেজি বোন যিহূদা সিয়েন দেখ্যে।

যিরমিয় 32:16

“ভূই কিন্যে দলিলান্ নেরিয়র পুয়ো বারূকরে দেনার পরেদি মুই লগেপ্রভু ইধু এ তবনাগান গুরিলুং,

যিরমিয় 5:11

ইস্রায়েল আর যিহূদার মানুচ্চুন মঅ উগুরে অমকদ অবিশ্বেজি ওইয়োন। মুই লগেপ্রভু এ কধাগান কঙর্।”

যিরমিয় 9:2

হায়, ধূল্যেচর-চাগালাত্ যেইয়্যেগুনোর থেবার জাগান ধোক্ক্যেন মর্ যুনি এক্কান জাগা থেদঅ! সালে মঅ মানুচ্চুনোরে ছাড়িনে মুই সিয়েনত্ যেই পারিদুং, কিত্তে তারা বেক্কুনে সিনেলী আর বেঈমানর দল।

আবিলেচ্ 1:18

তে কত্তে, “লগেপ্রভু ন্যায়বলা, মুই দঅ তা উগুমো বিরুদ্ধে উল্লোমী গোজ্যং। বেক্ জাদ্‌‌তুনে শুনো, মঅ দুঘ্‌‌কান চঅ; মর্ গাবুজ্যে-গাবুরীগুনে বন্দী ওইনে দূরোত্ যেইয়োন।

যিহিষ্কেল 18:25

তো তুমি কত্তে, প্রভুর পথ্‌তান ঠিগ নয়। ও ইস্রায়েলীয়গুন, শুনো। মঅ পথ্‌তান কি অন্যেয়র পথ? না, বরং তমা পথ্‌তানই অন্যেয়র পথ।

দানিয়েল 9:14

সেনত্তে ও লগেপ্রভু, তুই দযা যুক্কোল্ গুরি রাগেয়োচ্ যেন সিয়েন ইক্কিনে আমা উগুরে পাধেই দি পারচ্, কিয়া আমা গোজেন লগেপ্রভু বেক্ কামানিত্ ন্যায়বলা; তো আমি তঅ কধা ন-শুনিই।

দানিয়েল 9:7

ও প্রভু, তুই ন্যায়বলা, মাত্তর্ এচ্চ্যে সং আমি অগমানে নাঢা যেইয়্যেই। যিহূদার মানুচ্চুনে, যিরূশালেমর আদাম্মেগুনে আর যিদুক্কুন ইস্রায়েলীয়রে তঅ উগুরে অবিশ্বেজর্ কারনে তুই নানান্ দেজত্ ছিদি দুয়োচ্ তারা বেক্কুনে অগমানে নাঢা যেইয়্যে আঘন্।

হোশেয় 6:7

তুমি আদম ধোক্ক্যেন মর্ থিদেবর্ গোজ্যে সুদোমান অমান্য গোজ্য; তুমি মঅ উগুরে অবিশ্বেজি ওইয়ো।

হবক্‌‌‌‌কূক 1:4

সুদোমানি খেমতানেইয়্যে ওই পোজ্যে আর কনদিন্‌অ ন্যায়বিচের্ ন-অর্। গম্ মানুচ্চুনোত্তুন্ পাজিগুনোর্ খেমতা বেশ্ বিলি বিচের্ উগুদো অর্।

সফনিয় 3:5

সিয়েন সংমোধ্যে বজত্তি গুরিয়্যে লগেপ্রভু ন্যায়বলা; তে কনঅ অন্যেয় ন-গরে। পত্তিদিন বেন্যে মাদান্ তে ন্যায়বিচের্ গরে; সিয়েন গুরিবাত্তে তে ভুলি ন-যায়। মাত্তর্ অন্যেয়গুরিয়্যেগুনোর লাজ্ নেই।

মালাখি 2:17

তুমি নিজো কধালোই লগেপ্রভুরে বল্‌‌‌‌‌পোজ্যে গোজ্য। তো তুমি কত্তে, “কেধোক্ক্যেন্‌গুরি আমি তারে বল্‌পোজ্যে গোজ্যেই‌‌‌‌‌?” তুমি এবাবোত্যেগুরি গোজ্য-তুমি কোইয়োদে, “যিগুনে অন্যেই গরন্ তারা বেক্কুনে লগেপ্রভুর চোগেদি গম্ আর তে তারা উগুরে হুজি,” বা কোইয়োদে, “কুদু সেই গোজেনে যিবে ন্যায়বিচের্ গরে?”

মালাখি 3:15

ইক্কিনে আমি বাড়্‌বো গুরিয়্যেগুনোরে বর্ পেইয়্যে কোর্; অয়, অন্যেয়গুরিয়্যেগুনে ভালেদি গোজ্যন্; তারা গোজেনরে যগা নেইনেয়ো রেহাই পাদন্।’ ”

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।