যিরমিয় 11:4 - Chakma Bible

⁴ যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

যিরমিয় 11:4 Iomraidhean Croise

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

১ রাজাবলী 8:51

কিত্তে ইস্রায়েলীয়গুনে দঅ তর্‌ মানুচ্‌, তর সোম্বোত্তি যিগুনোরে তুই মিসর দেজত্তুন্‌ নিগিলেই আন্ন্যচ্‌, নিগিলেই আন্ন্যচ্‌ লুয়ো গোলেয়্যে চুলো ভিদিরেত্তুন।

২ রাজাবলী 18:6

লগেপ্রভুরে তে আজাবোদে ধুরি রাগেয়্যে আর নিত্য তা পধেন্দি চলিদো। লগেপ্রভু মোশিরে যেদক্কানি উগুম দিয়্যে সিয়েনি তে পালেদ।

যাত্রা 20:6

মাত্তর্‌ যিগুনে মরে কোচ্‌পান্‌ আর মর্‌ বেক্‌ উগুমানি পালান্‌, আজার্ আজার্ পুরুষ ধুরিনে তারা উগুরে মর্‌ বুক ভরা দোয়্যে থেবঅ‌।

যিশাইয় 30:6

নেগেভ এ্যামানুনো পৌইদ্যেনে আগাম্ কধা ইয়েন: সেই দূত্‌তুনে দুঘ্ আর দুদ্দজাত্ পোজ্যে দেজ ভিদিরেদি আর সিংহ আর সিংহী, বিষ্‌বলা সাপ আর উড়্‌বো বিষ্‌বলা সাপ দেজ ভিদিরেদি যা‍‌ন্।

যিশাইয় 48:10

চঅ, মুই তমারে আগুনোত্ ফেলেয়োং, মাত্তর্ তুমি রূবো ধোক্ক্যেন আজল্ ওইনে ন-নিগিলো; দুঘোর্ চুলোত্ মুই তমারে যগা চেইয়োং।

যিরমিয় 11:7

তমা পুরোণি মানুচ্চুনোরে যেক্কে মুই মিসরত্তুন নিগিলেই আন্যং সেক্কেত্তুন ধুরি এচ্চ্যে সং বার্ বার্ তারার উজিয়ার গুরি দিইনে কোইয়োং, ‘তুমি মঅ কধা মজিম আঢঅ।’

যিরমিয় 24:7

মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

যিরমিয় 26:13

ইক্কিনে তুমি তমার আদাউদো আর কামানি বদল আর তমা গোজেন লগেপ্রভুর কধানি শুনো। সালে লগেপ্রভু তমা বিরুদ্ধে যে দযাগান পাদেবার কধা কোইয়্যে সিয়েন আর ন-পাদেব।

যিরমিয় 30:22

সেনত্তে তুমি মঅ মানুচ্ অবা আর মুই তমার গোজেন ওম্।”

যিরমিয় 32:28

সেনত্তে মুই এ শঅরানরে বাবিলীয়গুনো আর তারার রাজা নবূখদ্‌নিৎসরর আঢত্ তুলি দিবাত্তে যাঙর্। তে সিয়েন গজক্ গুরিবো।

যিরমিয় 38:20

জোবত্ যিরমিয় কলঅ, “তারা তরে তুলি ন-দিবাক্। মুই তরে যিয়েন কঙর্ সিয়েন গুরিনে লগেপ্রভুর বাধ্য অ। সালে তর্ গম্ অবঅ, তঅ পরানান বাঁজিবো।

যিহিষ্কেল 11:20

সেক্কে তারা মঅ সুদোম মজিম্ চলিবাক্ আর মর্ রীদি-সুদোমানি যত্তন্ গুরি পালেবাক্। তারা মঅ মানুচ্ অবাক্ আর মুই তারার্ গোজেন ওম।

যিহিষ্কেল 14:11

সেক্কে ইস্রায়েলীয়গুনে আর মত্তুন্ ভান্ন্যেই পধেদি ন-যেবাক্ আর তারার্ বেক পাপ্পানিলোই নিজোরে আর অসিজি ন-গুরিবাক্। তারা মঅ মানুচ্ অবাক্ আর মুই তারার্ গোজেন ওম্। মুই প্রভু লগেপ্রভু এ কধাগান কঙর্।”

যিহিষ্কেল 36:28

তমা পূরোণি মানুচ্চুনোরে যে দেজ্‌চান মুই দুয়োং সিয়েনত্ তুমি বজত্তি গুরিবা; তুমি মঅ মানুচ্ অবা আর মুই তমা গোজেন ওম্।‌‌‌‌‌‌‌‌‌‌‌‌

যিহিষ্কেল 37:23

তারার্ বেক মূত্তিগুন, মূত্তি বা তারার্ কনঅ বজং জিনিস্‌‌‌চোই তারা আর্ নিজোরে অসিজি ন-গুরিবাক্। তারার্ বেক পাপ আর ভান্ন্যেই পধেদি যানাত্তুন্ মুই তারারে রোক্ষ্যে গুরিম আর সিজি গুরিম। তারা মঅ মানুচ্ অবাক্ আর মুই তারার্ গোজেন ওম্।

যিহিষ্কেল 37:27

মর্ থেবার জাগায়ান অবঅ তারা ভিদিরে; মুই তারার্ গোজেন ওম্ আর তারা মঅ মানুচ্ অবাক্।

দানিয়েল 3:26

সেক্কে নবূখদ্‌সরে দোগ্‌দোক্যে আগুনো চুলো মুয়োন ইধু উজেই যেইনে রঅ ছাড়িনে কলঅ, “ ও দাঙর্ গোজেনর চাগরুন শদ্রক, মৈশক আর অবেদ্‌-নগো, তুমি নিগিলিনে ইধু এজঅ।”

লেবীয় 26:12

মুই তমা সমারে আদাউদো গুরিম আর তমার্‌ গোজেন ওম্‌ আরঅ তুমি মর্‌ নিজোর্‌ মানুচ্‌ অবা।

লেবীয় 26:3

যুনি তুমি মর্‌ বেক্‌ সুদোমানি মান আর মর্‌ উগুমানি পালেইনে চলঅ সালে ঠিগ্ সময়োত্‌ মুই ঝড়র্‌ বেবস্থা গুরিম। সেক্কে তমার ভূইয়ানিত্‌ বেক্‌ ফসলানি অবঅ আর গাজ-বাজর্‌অ ফল জোর্মেবাক।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

সখরিয় 6:15

“যিগুনে দূরোত্ আগন্ তারা এইনে লগেপ্রভুর ঘরান বানেবার কামত্ সাহায্য গুরিবাক্। সেক্কে তুমি হবর্ পেবাদে যে, বেগত্তুন খেমতাবলা লগেপ্রভুই মরে তমা ইধু পাদেয়্যে। যুনি তুমি যত্তন্ গুরিনে তমা গোজেন লগেপ্রভুর কধানি পালঅ সালেই ইয়েনি বেক্কানি অবঅ।”

সখরিয় 8:8

যিরূশালেমত্ বজত্তি গুরিবাত্তে মুই তারারে ফিরেই আনিম। তারা মঅ মানুচ্ অবাক্ আর মুই তারার্ গোজেন ওম্; মুই তারা উগুরে বিশ্বেজি আর ন্যায়বান থেইম্।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

দ্বি’লম্বর বিররণ 11:27

এচ্চ্যে মুই তমা ইদু তমার গোজেন লগেপ্রভুর যে উগুমানি দিলুং সিয়েনি যুনি তুমি পালন গরঅ, সালে এ আশিদ্‌বাদতান্‌ তমার অবঅ।

দ্বি’লম্বর বিররণ 4:20

মনত্‌ রাগেয়ো, লগেপ্রভু তমারে বেঈ লোইয়্যে আর লুয়ো গোলাইদে হাপর ধোক্ক্যেন যে মিসর দেজ্‌ছান সিয়েনত্তুন্‌ তমারে নিগিলেই আন্যে যেনে তুমি তার্‌ মানুচ্‌ ওই পারঅ, আর তুমি ইক্কিনে সেধোক্কেন্‌ ওইয়ো।

দ্বি’লম্বর বিররণ 5:6

মুই লগেপ্রভু তমার গোজেন। মিসর দেজর্‌ চাগর্‌ কাদানাত্তুন্‌ মুয়োই তমারে নিগিলেই আন্যং।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।