যিরমিয় 11:22 - Chakma Bible

²² মুই বেগত্তুন্ খেমতাবলা লগেপ্রভু কঙর্, মুই তারারে সাজা দিম। তারার গাবুজ্যেগুনে যুদ্ধোত্ আর তারার ঝি-পুয়োগুনে ভাদ রাদে মুরি যেবাক্।

যিরমিয় 11:22 Iomraidhean Croise

২ বংশধর 36:17

তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।

যিরমিয় 18:21

সেনত্তে তুই তারার পুয়ো-ছাগুনোরে ভাদরাদর্ আঢত্ ছাড়ি দে; তলোয়ার আঢত্ তারারে তুলি দে। তারার মোগ্‌কুনে পুয়ো-ছা নেইয়্যে আর রানিমিলে ওক্; তারার মরদ পুয়োগুনে ভানালোই মুরি যাদোক্, আর যুদ্ধোত্ তলোয়ারর কুবোত্ তারার গাবুজ্যে পুয়োগুনে কাবা কাদোক্।‌‌‍‍‍‍

যিরমিয় 21:14

মাত্তর্ মুই তর্ কামর পাওনা মজিম তরে সাজা দিম। মুই তর্ ঝারানিত্ আগুন জ্বালেম; সেই আগুনানে তঅ চেরোকিত্তেদি বেক্কানি পুড়ি ফেলেব। মুই লগেপ্রভু এ কধাগান কঙর্।’ ”

যিরমিয় 44:13

মুই যেবাবোত্যেগুরি যিরূশালেমানরে সাজা দুয়োং, যিগুনে মিসরত্ বজত্তি গরদন্ তারারে মুই সেবাবোত্যেগুরি যুদ্ধোত্, ভাদরাদত্ আর ভানালোই সাজা দিম্।

যিরমিয় 49:26

মুই বেগত্তুন্ খেমতাবলা লগেপ্রভু কঙর্, তার গাবুজ্যে পুয়োগুনে হামাক্কায় শঅরর খুলো জাগাত্ মুরিনে পড়ি থেবাক্; সেদিন্যে তার বেক্ শেজ্ গুরি দিয়্যে অবঅ।

যিরমিয় 9:21

মরণানে আমা জানালাদি উদিনে আমা তাম্বুলানি ভিদিরে চোম্বেগি; সিয়েনে পধে পধে ঝি-পুয়োগুনোরে শেজ্ গুরি দিয়্যে আর শঅর চক্কর্‌‌বোত্তুন শেজ্ গুরি দিয়্যে গাবুজ্যেগুনোরে।

আবিলেচ্ 2:21

পুয়ো আর বুড়োগুনে ধূল্যে ভিদিরে পধে পধে পড়ি আগন্; মর্ গাবুজ্যে-গাবুরিগুনে তলোয়ার ইধু পড়ি যেয়োন। তর্ রাগ দিনোত্ তুই তারারে মারে ফেল্যস্; তুই তারারে কাবি ফেল্যস্, মেয়্যে ন-গরচ্।

আমোষ 4:10

মিসরত্ যেবাবোত্যেগুরি পাদেয়োং সেবাবোত্যেগুরি মুই তমা ভিদিরে ভানা পাদেলুং। মুই যুদ্ধোর্ মাধ্যমে তমা গাবুজ্যেগুনোরে মারে ফেলেলুং আর তমা ঘোড়াগুন নেযেলুং। তমা তাম্বুলানির্ পজাবাজ্‌‌চান্ তমা নাগত্ ভোরেই দিলুং; তো তুমি মইদু ফিরি ন-এলা।