যিরমিয় 11:20 - Chakma Bible

²⁰ ও বেগত্তুন খেমতাবলা লগেপ্রভু, তুই গমেডালে বিচের গুরি থাচ্ আর রিবেঙত্তুন্ আর মনর্ পোরোক্কে গুরি থাচ্, সেনত্তে তারা উগুরে তর্ হেনা সুজোনা মরে চেবাত্তে দুয়ো, কিত্তে মুই মঅ আবিত্তিগান তরে জানেয়োং।

যিরমিয় 11:20 Iomraidhean Croise

পত্থম 18:25

ইয়েন্‌ তর্‌ পক্ষে সম্ভব নয়। গম্‌ আর ভান্ন্যেয় উগুরে এক বাবোত্যে বেবহার গুরিনে তারারে একলগে মারে ফেলানা তর্‌ পক্ষে এক্কুবারে সম্ভব নয়। গোদা পিত্‌থিমীয়ানর্‌ যিবে বিচেরর্ মালিক্‌ তে কি দোল্‌বিচের্‌ গুরি ন পারে?”

২ রাজাবলী 19:14

হিষ্কিয় দূত্‌তুনো আঢত্তুন্‌ চিদিগান নেযেইনে পড়ি চেলঅ। সে পরেন্দি তে লগেপ্রভুর ঘরত্‌ যেইনে লগেপ্রভুর মুজুঙোত্‌ চিদিগান্‌ মিলিলো।

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

ইয়োব 5:8

মাত্তর্‌ মুই অলে গোজেনর সাহায্য চেদুঙ্‌, তাইদু মঅ‌ মামলাগান্ তুলি ধুরিদুং।

গীতসংহিতা 139:23

ও গোজেন, তুই মরে গমেডালে পোরোক্ক্যে গুরি চাহ্, আর মর্ মন অবস্থাগান জানি লঅ; মরে বিজিরে চাহ্, আর মর্ টেনশন কধা জানি লঅ।

গীতসংহিতা 35:2

চিগোন-দাঙর্ দ্বিয়েন ঢাল তুই তুলি নেযা আর মর্ সাহায্যত্তে এইনে থিয়্যে।

গীতসংহিতা 43:1

ও গোজেন, তুই উজিত্ মজিম বিচের গর্, আর এ ভোক্তিনেইয়্যে জাদ্‌‌তুনোর বিরুদ্ধে মর্ পক্ষ ওইনে কধা কঅ; দগাবাজ্ আর পাজি মানুচ্চুনোর আঢত্তুন্ তুই মরে বাঁজা।

গীতসংহিতা 57:1

মঅ উগুরে দোয়্যে গর্; ও গোজেন, মঅ উগুরে তুই দোয়্যে গর্, কিত্তেই তইদু মুই আশ্রয় নেযেয়োং। তর্ ডুয়োনির ছাবাত্ তলে মুই থেম যেদকদিন সং মঅ উগুরেত্তুন এ দযাগানর ঝড়ান্ সুরি ন-যায়।

গীতসংহিতা 58:10

তারা উগুরে হেনা শুজো অলে গোজেন ভক্তগুনে হুজি অবাক্; তারা পাজিগুনোর লো-লোই টেং ধবাক্।

গীতসংহিতা 7:10

গোজেনে মর্ ঢাল; যিগুনে মনেদি খাটি তারারে তে রোক্ষ্যে গরে।

গীতসংহিতা 7:8

লগেপ্রভু যেনে তারারে বিচের্ গরে। ও লগেপ্রভু, মর্ ন্যায় কাম্ আর গম্ কাম মজিম্ তুই মরে বিচের্ গর্।

গীতসংহিতা 7:9

ও ধার্মিগো গোজেন, তুই পরাণানিরে আর মনানিরে যগা চাজ্; তুই পাজিগুনোর্ শদানিগানি শেজ্ গর্ মাত্তর্ তঅ ভক্তগুনোরে গমেডালে থিদেবর্ রাগা।

গীতসংহিতা 98:9

লগেপ্রভুর মুজুঙোত্ তারা সিয়েন গোরোদোক্, কিত্তে তে দুনিয়েত্ বিচের গুরিবাত্যে এজের্। তে দোলেদালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো গমেডালে।

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

যিরমিয় 12:3

ও লগেপ্রভু, তুই মরে হবর্ পাজ; তুই মরে চেই থাচ্ আর তঅ উগুরে মর্ ভোক্তি কত্তমান সিয়েন যগা চাজ্। ভেড়া ধোক্ক্যেন কাবি ফেলেবাত্তে তুই তারারে টানি নেযাচ্; কাবিবার দিন্নোত্তে তারারে যুদো গুরি রাগেজ্।

যিরমিয় 15:15

ও লগেপ্রভু, তুই দঅ বেক্কানি হবর্ পাজ্; সেনত্তে মঅ কধানি ইদোত্ তুল্ আর মঅ উগুরে মনযোগ দে। মঅ অত্যেচারীগুনো উগুরে তুয়ই হেনা সুজ্। তুই দঅ তারা উগুরে বোউত্ ধোজ্য ধুরি থাচ্, মাত্তর্ সেনত্তে তারা আঢত্ তুই মরে ভস্ত অবাত্তে ন-দিচ্; ইদোত্ তুলি চাহ্, মুই তত্তে কিবাবোত্যে ঈচ্ গরানা সোজ্য গোজ্যং।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

যিরমিয় 17:18

মর্ অত্যেচারিগুনোরে লাজত্ ফেলা ওক্, মাত্তর্ তুই মরে লাজত্তুন্ রোক্ষ্যে গর্। তারা ভাঙি পোড়োক, মাত্তর্ তুই মরে ভাঙি পড়ানাত্তুন্ রোক্ষ্যে গর্। তুই তারা উগুরে দজার্ দিন আনি দে; দ্বিগুন ভস্ত দিইনে তারারে ভস্ত গর্।

যিরমিয় 20:12

ও বেগত্তুন্ খেমতাবলা লগেপ্রভু, তুই দঅ গম্ মানুচ্চুনোরে যগা চাজ্ আর বেক্কুনোর মনানি আর মন কধানি হবর্ পাজ। মঅ শত্রুগুনো উগুরে তর্ হেনা সুজোনা মরে চেবাত্তে দে, কিত্তে মুই মঅ আবিত্তিগান তরে জানেয়োং।

আবিলেচ্ 3:58

ও প্রভু, তুই মর্ তপ্পে লোয়োচ্, তুই মঅ পরাণান উদ্ধোর্ গোজ্যস্।

আবিলেচ্ 3:59

ও লগেপ্রভু, মঅ উগুরে যে অন্যেয়ান্ গরা ওইয়্যে সিয়েন দঅ তুই দেখ্যচ্। মঅ উগুরে ন্যায়বিচের্ গর্।

আবিলেচ্ 3:64

ও লগেপ্রভু, তারার্ কাম মজিম্ তুই তারারে ফল দে।

যিহিষ্কেল 11:5

সে পরেদি লগেপ্রভুর আত্মাগান মঅ উগুরে এলঅ, আর তে মরে এ কধাগান কবাত্তে কলঅ, লগেপ্রভু কোইয়্যেদে, ও ইস্রায়েলীয়গুন, তুমি সে কধাগান কত্তে, মাত্তর্ তমা মনত্ কি আঘে সিয়েন মুই হবর্ পাঙ।

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

২ তীমথিয় 4:14

যে আলেক্‌সান্দরে তামা কাম গরে তে মরে বোউত ক্ষতি গোজ্জ্যে। তে যিয়েন গোজ্জ্যে সিয়েনর হেনা প্রভু শুজিবো।

১ পিতর 2:23

মান্‌জ্যে তারে যেক্কে অগমান গোজ্জ্যন্ সেক্কে তে তারারে ফিরিনে অগমান ন-গরে, আর দুঘ্ ভুগোনার সময়োত্ হেনা সুজিবার দর্‌‌অ ন-দেগায়, বরং যিবে ন্যায় বিচের গরে তা আঢত্ তে নিজোরে ইরি দিয়্যে।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”

১ শমূয়েল 24:15

লগেপ্রভুই যেনে বিচের্‌ গুরিনে মর্‌ আহ্‌ তর্‌ পৌইদ্যেনে রায় দে। তেয়ই যেনে মর্‌ কামানি দেগিনে মর্‌ পক্ষেন্দি থিয়্যেই আর তর্‌ আঢত্তুন্‌ মরে রোক্ষ্যে গরে।”