যিরমিয় 11:19 - Chakma Bible

¹⁹ মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

যিরমিয় 11:19 Iomraidhean Croise

ইয়োব 28:13

মান্‌জ্যে তার মূল্যগান্ হবর্ ন-পান; জেদাগুনোর দেজত্ সিয়েন পাহ্ ন-যায়।

গীতসংহিতা 109:13

তারার গুট্টিগুনোরে মারে ফেলা ওক্; তারার পুয়ো ছাগুনোর্ নাঙানি বাদ দিয়া ওক্।

গীতসংহিতা 112:6

তে আমিঝে থির্ থেবঅ; গোজেনভক্ত মান্‌জ্যরে উমর সং মনত্ রাগেবাক্।

গীতসংহিতা 116:9

মুই জেদা মানুচ্চুনো ভিদিরেত্তুন্ লগেপ্রভুর মুজুঙোত্ আদাউদো গুরিম।

গীতসংহিতা 142:5

ও লগেপ্রভু, মুই তইদু কান্যং; মুই কোইয়োঙে, “তুয়ই মর্ আশ্রয়, এ পিত্‌থিমীত্ তুয়ই মর্ সোম্বোত্তি।”

গীতসংহিতা 27:13

লগেপ্রভুর দিয়্যে ভালেদিগানি মুই জেদা মানুচ্চুনোর ইদু দেগিম- এ কধাগান যুনি মুই বিশ্বেজ্ ন-গুরিদুং সালে মর্ কি অদঅ?

গীতসংহিতা 31:13

মঅ পৌইদ্যেনে ভালোক্ জনর ইংসে-নিন্দের কধা মঅ কানত্ এচ্ছ্যে, মর্ চেরোকিত্তে অমকদ দর্‍গরেপারা। তারা মঅ বিরুদ্ধে একসমারে সল্লা গত্তন্, মরে মারে ফেলেবাত্তে কুজুরোমি গত্তন্।

গীতসংহিতা 35:15

মাত্তর্ মুই যেক্কেনে উজোত্ হেলুং সেক্কেনে তারা হুজি ওইনে একযদা অলাক্। সে আক্রমণ গুরিয়্যেগুনে মুই হবর্ ন-পেইয়্যেগুরি মঅ বিরুদ্ধে একযদা অলাক্। তারা মরে আমিঝে গিয়েল্ দিয়্যে ধুরিলাক্।

গীতসংহিতা 52:5

মাত্তর্ গোজেনে তরে উমরত্তে ভস্ত গুরিবো; তে তরে টানি আনিবো, তর্ তাম্বুলোত্তুন্ কারি আনিবো, জেদাগুনোর দেজত্তুন্ তরে উগুরে ফেলেব।

গীতসংহিতা 83:4

তারা কদন্, “আদঅ, আমি জাদ্ ইজেবে তারারে শেজ্ গুরি দিই, যেন ইস্রায়েলর নাঙান্ আর কারঅ মনত্ ন-থায়।”

গম্ উপদেজ্ 10:7

গোজেন ভক্তগুনোর্ স্মৃতিগানিয়ে আশিদ্‌বাদ আনে, মাত্তর্ পাজিগুনোর নাঙানি পুযি যায়।

গম্ উপদেজ্ 24:15

ও পাজি মানুচ্, গোজেন ভক্ত মান্‌‍জ্যর ঘরান বিরুদ্ধে তুই উদ্ পাদি ন-থেচ্, তার থেবার জাগানত্ হানা ন-দিচ্;

গম্ উপদেজ্ 7:22

আর তে সেক্কেনে সেই মিলেবো পিজেদি গেলঅ। গোরুগুন যেবাবোত্যেগুরি কাবা পদত্ যান্, শিগোল্লোই বান্যে বাঁজে মান্‌জ্যে যেধোক্ক্যেন তা সাজাগান্ পায়,

যিশাইয় 32:7

বদ্‌মাইশচুনোর কামর ধারাবো বজং; এমন্ কি, অভাবীগুনোর্ কোজোলীগানি যগাজ্যে অলেয়ো তে মিজে কধালোই তারারে ভস্ত গুরিবাত্তে বজং ফন্দি গরে।

যিশাইয় 38:11

মুই কোইয়োঙে, মুই লগেপ্রভুরে জেদাগুনোর্ দেজত্ আর ন-দেগিম্; এ কয়েকদিন্যে সংসারত্ বজত্তিগুরিয়্যে মানুচ্চুনোরেয়ো আর মুই ন-দেগিম।

যিরমিয় 1:19

তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 26:8

মাত্তর্ লগেপ্রভুর উগুম মজিম যিরমিয় বেক কধানি কনা যেক্কে থুম্ গুরিলো সেক্কে ধর্মগুরু, ভাবাবদী আর বেক মানুচ্চুনে তারে ধুরিনে কলাক্, “তত্তুন মরা পুরিবো।

আবিলেচ্ 3:60

তারা কিবাবোত্যেগুরি হেনা সুচ্যন্ সিয়েনি তুই দেখ্যচ্, দেখ্যচ্ মঅ বিরুদ্ধে তারার্ বেক কুজুরোমিগানি।

যিহিষ্কেল 32:24

এলম সিয়েনত্ আঘে; তা গোরর্ চেরোকিত্তে আঘন্ তার বেক মানুচ্চুন। তারারে বেক্কুনোরে যুদ্ধোত্ মারে ফেলা ওইয়্যে। তারা জেদাগুনোর দেজত্ দর্‌‌বুক ছোরেয়োন, মাত্তর্ যেরেদি বেক্কুনে সুন্নত-ন-গোজ্যে অবস্থায় পিত্‌থ‌ীমির গভীনোত্ লামি যেইয়োন। যিগুনে মরণ জাগাত্ লামি যেইয়োন তারা লগে এ মানুচ্চুনে অসর্মান ওইয়োন্।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

হোশেয় 9:8

ভাববাদিবো মর্ গোজেন লগে ইফ্রয়িমর চুগিদার অলেয়ো তার্ বেক্ পথ্‌তানিত্ রোইয়্যেদে ফাল্ আর তার গোজেন ঘরত্ রোইয়্যেদে তা বিরুদ্ধে শত্রুতা।

গণাণা 1:14

গাদ-গুট্টির দ্যূয়েলর পূঅ ইলীয়াসফ,