যিরমিয় 11:15 - Chakma Bible

¹⁵ “মঅ ঘরত্ মর্ কোচ্‌‍‍‌পেইয়্যে মানুচ্চুনোর কি অধিকার আঘে? তারা দঅ বোউত্ ভান্ন্যেই কাম্ গোজ্যন, এন্ কি, তারা মঅ নাঙে উৎসর্ব গোজ্যে য়েরানি তারাত্তুন সোরেই ফেলান। ও অন্যেয়গুরিয়্যেগুন, যেক্কে দজা তমা উগুরে এবঅ সেক্কেয়ো কি তুমি ফুত্তি গুরিবা?”

যিরমিয় 11:15 Iomraidhean Croise

গীতসংহিতা 50:16

মাত্তর্ গোজেনে পাজি মানুচ্চুনোরে এ কধাগান কোইয়্যেদে, মর্ রীদি-সুদোমর্ কধা কবার্ বা মর্ সুদোমর কধা মুয়োন্দি আনিবার তর্ কি অধিকার আঘে?

গীতসংহিতা 60:5

তর্ দরমর আঢ্‌তান বাবেইনে আমারে তুই উদ্ধোর গর্; মঅ ডাগনিলোই শমক্ দে যেনে তুই যিগুনোরে কোচ্‌পাজ্ তারা উদ্ধোর পান।

গম্ উপদেজ্ 10:23

বজং কাম গরানা ভুল্ মানুচ্চুনোর রঙ্গফুত্তি, মাত্তর্ বুদ্ধিবলাগুনোর রঙ্গফুত্তি অল জ্ঞান।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 2:14

যিগুনে ভান্ন্যেই কামত্ হুজি অন, ভান্ন্যেই কু কামত্ যিগুনোর রঙ্গ-ফুত্তি,

গম্ উপদেজ্ 21:27

পাজিগুনোর উৎসর্বয়ানি লগেপ্রভু ঘিনেই, আর সিয়েনি যুনি ভান্ন্যেই আজাই আনা অয় সালে সিয়েনি আরঅ ঘিন্ গরেপারা অয়।

গম্ উপদেজ্ 26:18

যে পাগলে জোল্-জোল্যে গাজ্ বা সেল্ মারে যিয়েনর কারনে মরণ ওই পারে সে পাগালা যেধোক্ক্যেন্,

গম্ উপদেজ্ 28:9

লগেপ্রভুর সুদোমানির কধা যুনি কনজনে শুনিনেয়ো ন-শুনোন্, সালে তার তবনাগান গ্রাজ্য ন-অয়।

যিশাইয় 50:1

লগেপ্রভু কত্তে, “মুই যে ছুড়্ কাবোজ্‌চান দিইনে তমা মাবোরে দূর্ গুরি দুয়োং সিয়েন কুদু? মর্ লোনদিয়্যেগুনোর ভিদিরেত্তুন্ কাইদু মুই তমারে বিজি দুয়োং? তমা পাপত্তে তুমি বেজা যেইয়ো; তমা অন্যেয়ত্তে তমা মাবোরে দূর্ গরা ওইয়্যে।

যিরমিয় 12:7

“মুই মঅ মানুচ্চুনোরে ইরি দুয়োং আর মর্ সোম্বোত্তি ইস্রায়েলরে বাদ দুয়োং; মুই যিবেরে কোচ্‌পাং সিবেরে তা শত্রুগুনো আঢত্ তুলি দুয়োং।‌

যিরমিয় 13:27

মুই তর্ সিনেলী আর কামনাবলা ডাগনি আর লাজ্ নেইয়্যে বেশ্যের্ কামানি দেখ্যং; দেখ্যং মুড়োই মুড়োই আর মাঢে মাঢে এই জঘন্য কামানি। যিরূশালেম, অভিশাব তরে! আর কয়দিন তুই অসিজি থেবে?”

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 23:11

লগেপ্রভু কোইয়্যেদে, ভাববাদী আর ধর্মগুরুগুনে গোজেন উগুরে ভোক্তিনেইয়্যে ওইয়োন; মঅ ঘরত্ সং মুই তারার পাজিগানি দেখ্যং।

যিরমিয় 3:14

মুই লগেপ্রভু আরঅ কঙর্, ও ভান্ন্যেই পধেদি যেইয়্যে মানুচ্চুন, ফিরি এজঅ, কিত্তেই মুই তমার নেক্। মুই তমা ভিদিরেত্তুন্ পত্তি শঅরত্তুন্ একজন আর পত্তি বংশত্তুন্ দ্বিজনরে বেঈ নেযেইনে সিয়োনত্ আনিম্।

যিরমিয় 3:8

ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

হোশেয় 3:1

লগেপ্রভু মরে কোইয়্যেদে, “যুনিয়ো তঅ মোক্কো অন্য মান্‌জ্য লগে বেভিচের্ গোজ্যে তো তুই যেইনে তারে আরঅ কোচ্‌‌‌‌‌‌‌‌পেচ্‌‌‌‌। ইস্রায়েলীয়গুনে যুনিয়ো দেব-দেবেদা ইন্দি ফিজ্যন্ আর পূজোর্ কিশমিশর পিদে গম্ পান তো লগেপ্রভু যেবাবোত্যে তারারে কোচ্‌‌‌‌‌‌‌পায়, ঠিগ্ সেবাবোত্যেগুরি তুই তঅ মোক্কোরে কোচ্‌‌‌‌‌‌‌পেচ্।”

মথি লেখ্যে গম্ হবর্ 22:11

“ইয়েনর্ পরেদি রাজা গর্বাগুনোরে চেবাত্তে ভিদিরে এইনে চেলঅ,

লূকে লেখ্যে গম্ হবর্ 8:28

যীশুরে দেগিনে তে রঅ ছাড়িনে উদিলো আর তা মুজুঙোত্ মাদিত্ পড়িনে রঅ ছাড়িনে কলঅ, “মহান গোজেনর্ পুয়ো যীশু, মঅ লগে তর্ কি সম্পর্ক? দোয়্যেগুরি তুই মরে যন্ত্রণা ন-দিচ্।”

রোমীয় 11:28

গম্ হবর্ ইন্দিত্তুন্ তমার্ ভালেদিত্তে তারা ইক্কিনে গোজেনর্ শত্রু। মাত্তর্ গোজেনর্ বেঈ লয়দ্যে ইন্দিত্তুন্ পূরোণি মানুচ্চুনোত্তে তারা গোজেনর্ কোচ্‌‌পেইয়্যে মানুচ্।

১ করিন্হীয় 13:6

ভান্ন্যেই কিজুলোই হুজি ন-গরে বরং যিয়েন সত্য সিয়েন্দোই হুজি গরে।

তীত 1:15

যিগুনোর্ মনানি সিজি তারা ইধু বেক্কানি সিজি, মাত্তর্ যিগুনোর্ মনানি কুজুরো আর যিগুনে অবিশ্বেজি তারা ইধু কিচ্চু সিজি নয়; এন্‌ কি, তারার্ মনানি আর বিবেক্‌কান্‌অ কুজুরো‌।

যাকোব 4:16

সিয়েনর্ বদলে দেগা যাত্তে, তুমি ভারী দেমাগী আর বার্‌বোলোই ভরা। এবাবোত্যে বেক্‌ দেমাগ্‌কানি ভান্ন্যেই।