যিরমিয় 10:8 - Chakma Bible

⁸ তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

যিরমিয় 10:8 Iomraidhean Croise

গীতসংহিতা 115:8

যে ইগুনোরে বানায় আর তারা উগুরে বিশ্বেজ্ আর ভর্ গরে তারায়ো সেধোক্ক্যেন মূত্তি ধোক্ক্যেন অবাক্।

গীতসংহিতা 135:18

যিগুনে ইগুনোরে বানান্ আর তারা উগুরে বিশ্বেজ্ আর নির্ভর গরন তারায়ো সেবাবোত্যে মুত্তিগুনো ধোক্ক্যেন অবাক্।

যিশাইয় 41:29

চঅ, তারা বেক্কুনে বাজে, তারার্ কামানি কিচ্চু নয়। তারার্ ছাজিনে ঢাল্যে মূত্তিগুন্ বোইয়্যের বাদে আর্ কিচ্চু নয়; তারা কিচ্চু গুরি ন-পারন্।”

যিশাইয় 44:18

সেই মানুচ্চুনে কিচ্চু হবর্‌অ ন-পান্, নয়ো বুঝোন্। তারার্ চোগ্‌কুন বন্ধ বিলিনে তারা ন-দেগন্ আর মনানি বন্ধ বিলিনে তারা নয়ো-বুঝোন্।‍

যিশাইয় 44:19

কনজনে এক্কানা চিদেয়ো ন-গরন্; কারর্ জ্ঞান বা বুদ্ধি নেই যে কয়, “মুই ইয়েনর্ এক কট্টালোই আগুন জ্বালেয়োং, সিয়েনর্ আঙারাগুনো উগুরে রুটি সেক্কোং আর য়েরা অদ্দেক্ পুড়ি হেইয়োং। সালে কি ইয়েনর্ বাদ্‌বাগি কট্টাগান্‌দোই মুই ঈচ্ গরেদে জিনিস বানেম? গাজ তক্তাগানরে কি মুই মাদিত্ পড়িনে জু জু জানেম?” ‍‌‍

যিরমিয় 10:14

বেক্ মানুচ্চুন জ্ঞান নেইয়্যে আর ভুল্; পত্তি সনাবান্যে তা মূত্তিগুনোত্তে লাজ্ পায়। তার ছাজনিলোই ঢাল্যে মূত্তিগুন মিজে, সিগুনো ভিদিরে নিজেস্ নেই।

যিরমিয় 2:27

তারা তক্তারে কন্, ‘তুই মর্ বাপ্,’ আর পাত্তর্‌বোরে কন্, ‘তুই মর্ মা।’ তারা মঅ মোক্ক্যে ন-ফিরোন, তারা পিঠ্‌‍‍ দুয়োন; তো দযা এলে তারা কন্দে, ‘তুই আয়, আমারে উদ্ধোর গর্।’ ‌

যিরমিয় 3:9

তার বেশ্যেমি কামানি তাইধু কিচ্ছু মনে ন অয় বিলি তে পাত্তর্ আর তক্তার দেবেদাগুনো সমারে বেশ্যেমি গুরিনে দেজ্‌ছানরে অসিজি গুরিলো।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 5:4

মুই ভাবিলুং, “তারা নাঢা আর ভুল্, কিত্তে তারা লগেপ্রভুর পথ্‌তান আর তারার গোজেনর সুদোমানি হবর্ ন-পান।‌

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

যোনা 2:8

যিগুনে অকেজর্ মূত্তিগুনোর্ পূজো গরন তারা তর্ যে দোয়্যে পেদাক্ সিয়েন য়েলাফেলা গরন,

হবক্‌‌‌‌কূক 2:18

আড়ুগোর্ কনঅ দাম নেই, কিত্যেই মান্‌‌‌‌‌‌জ্যে দঅ তারে খুনিনেই বানেয়োন্। ছাজিনে ঢাল্যে মূত্তির্‌অ মূল্য নেই, কিত্যে সিয়েনত্তুন্ মান্‌‌‌‌‌‌জ্যে মিজে শিক্ষ্যে পান্। যে সিবে বানায় তে কিত্তে তা আঢে বানেয়্যে জিনিস্‌‌‌‌‌‌ছো উগুরে বিশ্বেজ্ গরে? সেই মূত্তি দঅ কধা কোই ন-পারে।

সখরিয় 10:2

মূত্তিগুনে ছলনার কধা কন্, গোণোক্ক্যেগুনে মিজে দর্শন দেগান; তারা যে স্ববনর কধাগান কন্ সিয়েন মিজে, আর তারা মিজে সান্তনা দুয়োন। সেনত্তে মানুচ্চুনে অত্যেচারিত্ ওইনে ভেড়া ধোক্ক্যেন ঘুরি বেড়ান্, কিত্যে তারার্ গরক্ নেই।