যিরমিয় 10:4 - Chakma Bible

⁴ তারা সোনা আর রূবোলোই সিয়েন সাজান আর যেনে সিয়েন ন-পড়ে সেনত্তে সিয়েনরে আদুরো আর জোলোইলোই দরমর গরন্।

যিরমিয় 10:4 Iomraidhean Croise

গীতসংহিতা 115:4

তারার মুত্তিগুন্ সোনা আর রূবোলোই মান্‌জ্যর্ আঢ্‌তোই বানেয়্যে।

গীতসংহিতা 135:15

অন্য জাদ্‌ত‌ুনোর মূত্তিগুন্ সোনা আর রূবোলোই বানেয়্যে; সিয়েনি মান্‌জ্য আঢ্‌তোই বানেয়্যে।

যিশাইয় 44:12

কামার্‌বো এক্কান মিশিন্ নেযায় আর সিয়েন্দোই জোল্ জোল্যে আঙারা ভিদিরে কাম গরে। তে মাত্তুল্লোই মূত্তিবোর সাইজ্‌চান বানায়, আর আঢ বল্লোই সিবে বানায়। সেক্কে তার পেট্ পুরে আর বল্ কুমি যায়; পানি ন-হেইনে তে বল্‌‌পোজ্যে ওই পড়ে।

যিশাইয় 46:6

কেউ কেউ তারার থৈল্যেত্তুন্ সনা ঢাল আর পাল্লালোই রূবো মাবন্। সিয়েনিলোই তারা দেবেদা বানেবাত্তে সনা বান্যেগুনোরে দুয়োন; পরেদি তারা সেই দেবেদাগুনোরে জু জু জানান্ আর পূজো গরন।

যিশাইয় 46:7

তারা তারে কানাত্ তুলিনে বুয়োই নেযান্; তা জাগানত্ তারা তারে থিদেবর্ গরন আর তে সিয়েনত্ থায়। সে জাগানত্তুন্ তে আর লুড়ি ন-পারে। কনজনে তা কায়কুরে কানিলেয়ো তে জোব্ দি ন-পারে, তা দুখ্ কষ্টত্তুন্ তারে রোক্ষ্যে গুরি ন-পারে।

হোশেয় 13:2

ইক্কিনে তা মানুচ্চুনে আরঅ বেশ্ গুরি পাপ গোজ্যন্; তারার্ রূবোগানিলোই তারা নিজোত্তে কাবিল আঢ্‌‌তোই বানেয়্যে মূত্তি, অত্তাৎ কাবিল্ আত্‌‌‌‌তোই মূত্তি বানেয়্যন; সিগুন বেক্কুন্ কালিগর কাম। এ মূত্তিগুনো পৌইদ্যেনে তারা কন্, “যিগুনে উৎসর্ব গরন্ তারা গোরু ছঅ-মূত্তিগুনোরে চুমোদোক্।”

হবক্‌‌‌‌কূক 2:19

“জাদ্‌তুনে কবাক্‌‌, ‘অভিশাব্ দিই তারে, যে তক্তাগানরে জেদা অবাত্তে কয় বা পরাণ নেইয়্যে শিল্লোরে জাগি উদিবাত্তে কয়।’ সিগুনে কি তারে শিক্ষ্যে দি পারন? সিগুন্ দঅ সনা আর রূবো দিইনে বেড়েয়্যে; সিগুনো ভিদিরে নিজেস্ নেই।