যিরমিয় 10:3 - Chakma Bible

³ ইয়েনর কারনান্ সেই মানুচ্চুনোর ধর্মীয় আচার-বেবহারানি বাজে। তারা ঝারত্তুন্ এক্কো গাজ্ কাবন্ আর কালিগর্‌বো বাদালিলোই সিয়েনর সাইজ্‌চান দে। ‌‍‌‍‌‍‌

যিরমিয় 10:3 Iomraidhean Croise

গীতসংহিতা 115:4

তারার মুত্তিগুন্ সোনা আর রূবোলোই মান্‌জ্যর্ আঢ্‌তোই বানেয়্যে।

যিশাইয় 45:20

ও অন্য জাদর্ বাঁজি থেইয়্যে মানুচ্চুন্, তুমি এক সমারে এগত্তর্ ওইনে এজঅ। যিগুনে গাজ মূত্তি বুয়োইনে বেড়ান্ আর এবাবোত্যে দেবেদা ইদু তবনা গরন্ যে উদ্ধোর গুরি ন-পারে তারা কিচ্চু হবর্ ন-পান।

যিরমিয় 1:16

মঅ মানুচ্চুনে মরে ফেলেই যেইয়োন, তারা দেব-দেবেদাগুনোর নাঙে আগর্‌বাট্টি জ্বালেয়োন আর নিজো আঢে বানেয়্যে জিনিজোরে পূজো গোজ্যন্। তারার এই বেক্ পাজি কামানিত্তে মুই তারা বিরুদ্বে মর্ বিচেরর্ রায়য়ান দিম্।

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 2:5

লগেপ্রভু কোইয়্যেদে, তমা পুরোণি মানুচ্চুনে মর্ কি কনঅ দুষ তোগেইনে পেইয়োন, তারা মত্তুন্ দূরোত্ সুরি যেইয়োন? তারা অকেজোর্ মূত্তির্ পিজেদি যেইনে তারায়ো অকেজো ওই যেইয়োন।

লেবীয় 18:30

মর্‌ উগুমানি তুমি মানি চলিবা আর সিদু লুমিনেই আগ আদাম্মেগুনোর্‌ জঘন্য চালচলনর্‌ এক্কানঅ তুমি ন-গুরিবা। ইয়েনিলোই তুমি নিজোরে ফি-বলা ন-গুরিবা। মুই লগেপ্রভু তমার গোজেন।”

মথি লেখ্যে গম্ হবর্ 6:7

যেক্কে তুমি তবনা গরঅ সেক্কে অযিহূদীগুনো ধোক্ক্যেন্ অত্ত নেইয়্যে কধা বার্ বার্ ন-কোয়্য। অযিহূদীগুনে মনে গরন, বেশ্ কধা কলে গোজেনে তারার্ তবনাগানি শুনে।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

রোমীয় 1:21

মান্‌জ্যে তা পৌইদ্যেনে জানিবার্ পরেদিয়ো গোজেন ইজেবে তারে বাঈনীয়ো ন-গরন, আর ভালেদিয়ো ন-জানান্। তারার্ চিন্তেগানি বাজে ওই যেইয়্যে আর তারার্ বুদ্ধি-নেইয়্যে মনানি আন্ধারে ভুরি যেইয়্যে।

১ পিতর 1:18

তুমি কোই পারঅ, জিংকানির্ পধত্ চলিবাত্যে তমা পূরোণি মানুচ্চুনোত্তুন্ পেইয়্যে বাজে খাচ্চ্যদত্তুন্ সনা বা রূবো ধোক্ক্যেন ক্ষয় ওই যেইয়্যে কনঅ জিনিস্‌চোই তমারে উদ্ধোর গরা ন-অয়;