যিরমিয় 10:24 - Chakma Bible

²⁴ ও লগেপ্রভু, বানা ন্যায়বিচেরলোই তুই মরে সংশোধন গর্, মাত্তর্ তর্ রাগে সিয়েন ন-গুরিচ্, গুরিলে তুই মরে এক্কুবারে শূন্য গুরি দিবে।

যিরমিয় 10:24 Iomraidhean Croise

ইয়োব 6:18

সে পধেন্দি আঢি যেইয়্যে ধূল্যেচরর্‌ দলুনে পানি তগাদে তগাদে ফিরি যান্‌, আর তারা ধূল্যেচরত্‌ শেজ্‌ ওই যান্‌।

গীতসংহিতা 38:1

ও লগেপ্রভু, রাগে তুই মরে গেইল্ ন-দিচ্, বা বেজার্ ওইনে মরে শাজন্ ন-গুরিচ্;

গীতসংহিতা 6:1

ও লগেপ্রভু, রাগ্ গুরিনে তুই মরে গেইল্ ন-দিচ্; বেজার্ ওইনে মরে শাজন্ ন-গুরিচ্।

গীতসংহিতা 6:2

ও লগেপ্রভু, তুই মঅ উগুরে দোয়্যে গর্, কিয়া মুই বলপোজ্যে। ও লগেপ্রভু, মরে গম্ গর্, কিয়া দরে মর্ আড়ুনোত্ গির্‌গিরেনি ধোজ্যে,

যিশাইয় 28:28

ভালোক্ দিন ধুরি কনজনে গম ন-মাড়ন্, সেক্কে সিগুন বর্‌‌‌বাত ওই যায়; মাড়িবার অক্তত্ তে সিগুন উগুরেদি এধোক্ক্যেন গুরি গাড়ি চাক্কাগুন্ আর ঘোড়া চালায় যেনে সিগুন বর্‌‌‌বাত ন-অয়।

যিশাইয় 40:23

তে রাজাগুনোরে খেমতানেইয়্যে গরে আর এ সংসারর্ শাজন্‌গুরিয়্যেগুনোরে বাজে জিনিজো ধোক্ক্যেন গরে।

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”

হবক্‌‌‌‌কূক 3:2

ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।