যিরমিয় 10:18 - Chakma Bible

¹⁸ কিত্তে লগেপ্রভু কোইয়্যেদে, “এ অক্তত্ যিগুনে দেজত্ থেবাক মুই তারারে ছিদি ফেলেই দিম; মুই তারা উগুরে এন্ দুঘ্ আনি দিম যেনে তারা ধরা পড়ন্।”

যিরমিয় 10:18 Iomraidhean Croise

যিশাইয় 22:17

উজিয়ার্, ও বোলী মানুচ্চো, লগেপ্রভু তরে দরমর গুরি ধুরিনে মেলা মারিবাত্তে যার্।

যিরমিয় 16:13

সেনত্তে মুই এ দেজত্তুন্ তমারে এমন এক্কান দেজত্ ছিদি ফেলেই দিম্ যে দেজ্‌‌চানর কধা তুমিয়ো হবর্ ন-পঅ, তমা পুরোণি মানুচ্চুনেয়ো হবর্ ন-পেদাক্। সিয়েনত্ তুমি দিন-রেদ দেব-দেবেদাগুনোরে সেবা গুরিবা, কিত্তে মুই তমারে কনঅ দোয়্যে ন-দেগেম।’ ”

যিরমিয় 22:26

মুই তরে আর তরে যে জর্ম দিয়্যে তর্ সেই মাবোরে অন্য দেজত্, যিয়েনত্ তমার কারর্ জর্ম ন-অয় সে দেজত্ ছিদি ফেলেই দিম, আর তুমি দ্বিজনে সিয়েনত্ মুরি যেবা।

যিরমিয় 23:20

মঅ রাগ্‌‌‌কান মঅ মনান নাঙে ভর্‌পুনং ন-অনা সং ফিরি ন-যেবঅ। তুমি আগামীদি সিয়েন গমেডালে বুঝি পারিবে।‌

যিহিষ্কেল 6:10

সেক্কে তারা হবর্ পেবাক্, মুয়ই লগেপ্রভু; তারা উগুরে এ দযাগান আনিবার কধা মুই অনত্তক্ ন-কং।’ ”

সফনিয় 1:17

মানুচ্চুনো উগুরে লগেপ্রভু অমকদ দুঘ্ আনিবো যিয়েনত্তে তারা কান্ মান্‌‌‌‌জ্য ধোক্ক্যেন আঢিবাক্, কিত্যেই লগেপ্রভুর বিরুদ্ধে তারা পাপ গোজ্যন্। তারার্ লো-গানি ধূল্যে ধোক্ক্যেন ফেলেই দিয়্যে অবঅ আর তারার্ কিয়্যেনি গবর ধোক্ক্যেন পড়ি থেবঅ।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

দ্বি’লম্বর বিররণ 28:52

তারা তমার আদামানি আর শঅরানি ঘিরিনে রাগেবাক, আর যেরেন্দি তমার উজু আর দর দেবালানি ভাঙি পুরিবো যিয়েন উগুরে তুমি এদক আজা গরর্‌। তমা গোজেন লগেপ্রভু যে দেজ্‌ছান তমারে দিবাত্তে যার্‌ সে দেজর্‌ বেক্‌ আদামানি আর শঅরানি তারা ঘিরিবাক।

১ শমূয়েল 25:29

মর্‌ গিরোজ্‌সোরে মারে ফেলেবাত্তে মান্‌জ্যে লোড়েলেয়ো মুই হবর্‌ পাং তার্‌ পরাণান তার্‌ গোজেন লগেপ্রভুর ধনভান্ডালত্‌ যত্তন্‌ গুরিনে থোইয়্যে আঘে। মাত্তর্‌ তর্‌ শত্রুগুনোর পরাণান তে ফিংগালোই পাত্তর্‌ মারেদে ধোক্ক্যেন গুরি ফেলেই দিবো।