যিরমিয় 10:15 - Chakma Bible

¹⁵ সিগুন অপদাত্ত, ঠাট্টা-ইংসের্ জিনিস; বিচেরর অক্ত এলে সিগুন ভস্ত ওই যেবাক্।

যিরমিয় 10:15 Iomraidhean Croise

গীতসংহিতা 115:9

ও ইস্রায়েলীয়গুন, লগেপ্রভু উগুরে ভর্ গরঅ - তেয়ই তারার বল্ দিয়্যে আর ঢাল।

যিশাইয় 41:24

মাত্তর্ আজলে তুমি কিচ্চু নয়, আর তমা কামানিয়ো কিচ্চু নয়; যে তমারে বেঈ লোইয়্যে তে ঈচ্ গরা হেইয়্যে।

যিশাইয় 41:29

চঅ, তারা বেক্কুনে বাজে, তারার্ কামানি কিচ্চু নয়। তারার্ ছাজিনে ঢাল্যে মূত্তিগুন্ বোইয়্যের বাদে আর্ কিচ্চু নয়; তারা কিচ্চু গুরি ন-পারন্।”

যিশাইয় 57:12

তর্ সততাগান আর তঅ কামানি যে কি সিয়েনি মুই ফগদাং গুরিম; সিয়েনি দঅ তর্ কনঅ উপকারত্ ন-এবঅ।

যিরমিয় 10:11

তুমি মানুচ্চুনোরে কঅ, এই দেব-দেবেদাগুনে আগাজ্‌‌‍‌‍চান আর পিত্‌‌‍‌‍‍‍থিমীগান ন-বানান; তারা আগাজ্‌চানত্তুন আর পিত্‌থিমীর বেক্ জাগানত্তুন্ ভস্ত ওই যেবাক্।‌‍‌‍‍‌‍‌‍‍

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিরমিয় 18:15

মাত্তর্ মঅ মানুচ্চুনে মরে ভুলি যেইনে বাজে মূত্তি ইধু আগর্‌বাট্টি জালাদন। তারা ঠিগ্ পধত্তুন উজোত্ হেইনে সেই পুরোনা পধেদি আর্ আঢাউদো ন-গত্তন। তারা গম্ পধ্‌‌থান ছাড়িনে ভান্ন্যেই পধেদি চলদন।

যিরমিয় 43:12

মিসরর দেব-দেবেদার মন্দিরুনোত্ তে আগুন বাজেই দিবো; তে তারার মন্দিরুন পুড়ি দিইনে তারার দেবেদাগুনোরে বন্দী গুরি নেযেব। গোরু চোরেয়্যেগুনে যেবাবোত্যেগুরি তা কিয়্যেগানত্ কাবড় উরোন্ সেবাবোত্যেগুরি তে মিসরানরে দিইনে নিজোরে জোড়েব আর সিয়েনত্তুন্ তে গমেডালে যেবগোই।

যিরমিয় 50:2

তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

যিরমিয় 51:18

তারা অগুণোর্, ঈচ্ গুরিবার জিনিস্; বিচেরর্ সময় আজলে সিগুন ভস্ত ওই যেবাক্।

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

যোনা 2:8

যিগুনে অকেজর্ মূত্তিগুনোর্ পূজো গরন তারা তর্ যে দোয়্যে পেদাক্ সিয়েন য়েলাফেলা গরন,

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

দ্বি’লম্বর বিররণ 32:21

গোজেন নয় এধোক্ক্যেন দেবেদারে পূজো গরন তারা মর্ পাওনা ভোক্তির আওজ্‌চোই আগুন লাগেয়োন; দাঙর্‌ মূত্তি পূজো গরন্‌ তারা মর্‌ রাগ্‌কান জাগেই তুল্যন্। জাদঅ নয় এধোক্ক্যেন জাদর্‌ আদত্‌ ফেলেইনে মুইয়ো তারার মনর্ আগুনান্‌ জ্বালেম; এক্কো অবুঝুনো জাদর্‌ আদত্‌ ফেলেইনে তারার রাগ্‌কান জাগেবং।

১ শমূয়েল 12:21

তুমি তাত্তুন্‌ সুরি ন-যেইয়ো, কিত্যে সিয়েন গুরিলে তুমি অসার দেব-দেবেদাগুনোর পিজেন্দি যেবা। সিগুন অসার বিলিনে তমার কনঅ উপকারঅ গুরি ন-পারিবাক্ আর তমারে রোক্ষেয়ো গুরি ন-পারিবাক্।

১ শমূয়েল 5:4

সে পরেন্দি দিন্নোত্‌অ তারা বেন্যেপোত্যে উদিনে দেগিলাক দাগোনে লগেপ্রভুর সুন্দুগোর মুজুঙোত্‌ মাদিত্‌ উবোত্‌ পুন্দুরী ওই পড়ি আঘে। তার্ মাদাবো আর আত্তানি ভাঙিনে দোরােন চৌকাত্তুনো উগুরে পড়ি আঘে, বানা কিয়্যেগানর বাগী কট্টাগান পড়ি আঘে।