যিরমিয় 10:14 - Chakma Bible

¹⁴ বেক্ মানুচ্চুন জ্ঞান নেইয়্যে আর ভুল্; পত্তি সনাবান্যে তা মূত্তিগুনোত্তে লাজ্ পায়। তার ছাজনিলোই ঢাল্যে মূত্তিগুন মিজে, সিগুনো ভিদিরে নিজেস্ নেই।

যিরমিয় 10:14 Iomraidhean Croise

গীতসংহিতা 14:2

লগেপ্রভু স্বর্গত্তুন তলে মানুচ্চুনো ইন্দি রিনি চেলঅ, রিনি চেলদে কনজনে গম জ্ঞান্দোই চলন্ নাহি, রিনি চেলদে কনজনে গোজেনর আওজ্-মজিম কাম গরন্ নাহি।

গীতসংহিতা 92:6

যিবের মনান্ বাজে তে সিয়েন হবর্ ন-পায়; যিবের মনত্ বিবেচনা নেই তে সিয়েন বুঝি ন-পারে।

গীতসংহিতা 94:8

বাজে মনর্ মানুচ্চুন, তুমি কান পাদঅ; ও চিদে নেইয়্যে মানুচ্চুন, কমলে তমার গম্ বুদ্ধি অবঅ?

গীতসংহিতা 97:7

যিগুনে মূত্তিপূজো গরন আর দেব-দেবেদালোই বাড়্‌বো গরন্ তারা বেক্কুনে লাজত্ পোড়োদোক্; লগেপ্রভুর মুজুঙোত্ দেব-দেবেদাগুনে মাঢা নিগিরোদোক্।

গম্ উপদেজ্ 30:2

ঘেচ্চেক্‌‌গুরি মুই মানুচ্ অলেয়ো মঅ বুদ্ধিগান য়েমান ধোক্ক্যেন্; মান্‌‌জ্যর যে বিচের বুদ্ধিগান আঘে সিয়েন্‌অ মর্ নেই।

যিশাইয় 42:17

মাত্তর্ যিগুনে বানেয়্যে মূত্তি উগুরে বিশ্বেজ্ গরন, যিগুনে ছাজিনে ঢাল্যে মূত্তিগুনোরে কন্, তুমি আমার দেবেদা, মুই তারারে অমকদ লাজত্ ফেলেইনে ফিরেই দিম্।

যিশাইয় 44:11

যিগুনে মূত্তি লগে থান্ তারারে লাজত্ ফেলা অবঅ; তারার কালিগরুনে মানুচ্ বাদে আর্ কিচ্চু নয়। তারা বেক্কুনে এইনে একসমারে থিয়্যেদোক্; তারা দরে গির্‌গিরেবাক্ আর একসমারে অসর্মান অবাক্।‌‌‌

যিশাইয় 45:16

যিগুনে মূত্তি বানান্ তারা বেক্কুনে লাজত্ পড়িবাক্ আর অসর্মান অবাক্; তারা এক সমারে অগমান পেইনে যেবাক্কোই।

যিশাইয় 57:12

তর্ সততাগান আর তঅ কামানি যে কি সিয়েনি মুই ফগদাং গুরিম; সিয়েনি দঅ তর্ কনঅ উপকারত্ ন-এবঅ।

যিরমিয় 10:5

ফল খেদর্ চোড়োইয়ো ধোক্ক্যেন তারার মূত্তিগুনে কধা কোই ন-পারন; তারারে বুয়োই নেযা পরে, কিত্তে তারা আঢি ন-পারন। তুমি তারারে ন-দোরেয়ো; তারা খেতিয়ো গুরি ন-পারন, ভালেদিয়ো গুরি ন-পারন্।”

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

রোমীয় 1:25

গোজেনর্ সত্যগানরে ফেলেইনে তারা মিজেগানরে মানি লোইয়োন। গোজেনরে বাদ দিইনে তার্ বানেয়্যে জিনিজোর্ পূজো গোজ্যন, মাত্তর্ বেক্ বাঈনী পানা জিংকানিবর্ সেই গোজেনর্। আমেন।

১ শমূয়েল 5:4

সে পরেন্দি দিন্নোত্‌অ তারা বেন্যেপোত্যে উদিনে দেগিলাক দাগোনে লগেপ্রভুর সুন্দুগোর মুজুঙোত্‌ মাদিত্‌ উবোত্‌ পুন্দুরী ওই পড়ি আঘে। তার্ মাদাবো আর আত্তানি ভাঙিনে দোরােন চৌকাত্তুনো উগুরে পড়ি আঘে, বানা কিয়্যেগানর বাগী কট্টাগান পড়ি আঘে।