যিরমিয় 10:13 - Chakma Bible

¹³ তা উগুমে আগাজর্ পানিগান গুজুরি উদে; তে পিত্‌থিমীর শেজ্ ধুজিত্তুন্ মেঘরে তুলি আনে। তে ঝড়ত্তে কারেন্ বানায় আর তা ভান্ডালত্তুন বোইয়্যের্ নিগিলে আনে।

যিরমিয় 10:13 Iomraidhean Croise

১ রাজাবলী 18:41

সে পরেন্দি এলিয় আহাবরে কলঅ, “তুই যেইনে হানা-দানা গর্‌, কিত্তেই অমকদ ঝড়র্‌ রঅ শুনো যার্‌।”

ইয়োব 38:22

তুই কি তুষার ভান্ডালত্ চোমেয়োচ্ বা শিলোর কুড়্ দেখ্যচ্?

গীতসংহিতা 104:13

তর্ স্বর্গর থেবার জাগানত্তুন্ তুই মুড়ো-মুড়ি উগুরে পানি ফেলাচ্; তর্ সেই কামানত্তে পিত্‌থিমীগানে হুজি অয়।

গীতসংহিতা 135:17

তারার কান আঘে মাত্তর্ ন-শুনোন্, তারার মুয়োত্ নিজেস্ বিলি কিচ্চু নেই।

গীতসংহিতা 135:7

তেয়ই পিত্‌থিমীর থুম ধুজিত্তুন্ মেঘকানিরে তুলি আনে; তেয়ই ঝড় দিবাত্তে ঝিমিলেনিগানরে পাধেই দে, আর তার ভান্ডালত্তুন্ বোইয়্যেরানরে নিগিলেই আনে।

গীতসংহিতা 147:8

তে আগাজ্‌চান মেঘ্‌কোই ঢাগি রাগায়; তে পিত্‌থিমীগানত্তে ঝড় বেবস্থা গরে আর মুড়ো উগুরে ঘাস উদিবাত্তে দে।

গীতসংহিতা 18:13

লগেপ্রভু আগাজত্ গুজুরি উদিলো; আগাজ বাজ্ আর শিলো ঝড়ত্ দাঙর্ গোজেন রবুয়ো শুনো গেলঅ।

গীতসংহিতা 68:33

তে সেই পুরোণ দিনোর আগাজ ভিদিরেন্দি রদথ্ চড়িনে আঢা-উদো গরে। শুন, তে রঅ ছাড়িনে কধা কর্।

যাত্রা 9:23

সেক্কে মোশি আগাজ কিত্তেদি তা লুদিক্কো উজু গুরি ধুরিলো। সিয়েন্দোই লগেপ্রভু এমন্‌ গুরিলো যিয়েনত্যে মেঘ গুজুরি উদিলো আর শিল পড়েদে-ঝড় পড়া ধুরিলো আর মাদি উগুরে থাদাল্ (পেরাক্‌) পড়া ধুরিলো। এধোক্ক্যেন গুরিনে লগেপ্রভু মিসর দেজ্‌ছান উগুরে শিলো-ঝড় পাদেল।

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিরমিয় 19:12

মুই এ জাগায়ান আর ইধুগো আদাম্মেগুনো উগুরে যিয়েন গুরিম সিয়েন এই: মুই এ শঅরানরে তোফত ধোক্ক্যেন গুরিম;

যিরমিয় 5:24

তারা মনে মনেয়ো ন-কন্দে, এজঅ, আমা গোজেন লগেপ্রভুরে আমি ভোক্তি সহকারে দোরেইনে চলিই, যিবে অক্ত মজিম্ শরৎ আর বসন্ত কালত্ ঝড় দে, যিবে আমাত্তে খেত্ কাবিবার যগাজ্যে গুরি সময়ান রোক্ষ্যে গরে।

যিরমিয় 51:16

তা উগুমে আগাজর্ পানিগান গুজুরি উদে; তে পিত্‌‌‌‌‌‌‌‌থিমীর শেজ্ দুযিত্তুন্ মেঘ তুলি আন্যে। তে ঝড়ত্তে কারেন্ বানায় আর তা ভান্ডালত্তুন্ বোইয়্যের্ নিগিলে আনে।

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

সখরিয় 10:1

বসন্তকালত্ ঝড় দিবাত্তে তুমি লগেপ্রভুরে কঅ; তেয়ই ঝড়র্ মেঘ বানায়। তে মানুচ্চুনোরে ঝড় দান গরে আর বেক্কুনো খেদত্ ফসল জর্মায়।