যিরমিয় 1:18 - Chakma Bible

¹⁸ এচ্চ্যে মুই তরে এক্কান দরমর শঅর ধোক্ক্যেন, এক্কান লুয়ো খুদো ধোক্ক্যেন আর এক্কান পিদল দেবাল ধোক্ক্যেন গুরিলুং যেনে তুই গোদা দেজ্‌‌‌‌ছানর বিরুদ্ধে, অত্তাৎ যিহূদার রাজাগুনোর, দাঙর্ পোজিশনত্ কামগুরিয়্যেগুনোর, ধর্মগুরুগুনোর আর দেজ মানুচ্চুনোর বিরুদ্ধে থিয়্যেই পারচ্।

যিরমিয় 1:18 Iomraidhean Croise

যিশাইয় 50:7

প্রভু লগেপ্রভু মরে সাহায্য গরে বিলিনে মুই অগমানিত ন-ওম্। সেনত্তে মুই চক্‌মকি পাত্তর ধোক্ক্যেন মঅ মুয়োন দরমর গোজ্যং, মুই ন-লাজেম্। ‌‌

যিরমিয় 1:17

“তুই কমরত্ বানিনে থিয়্যে আর মুই তরে যিয়েনি কবাত্তে উগুম গুরিম্ সিয়েনি তুই তারারে কঅ। তারারে দেগিনে তুই ভাঙি ন-পড়িচ্, যুনি পড়চ্ সালে মুই এমন্ গুরিম যেনে তারা মুজুঙোত্ তুই এক্কুবারে ভাঙি পড়চ্।

যিরমিয় 1:19

তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

যিরমিয় 15:10

হায়! হায়! মর্ মাবো, তুই কিত্তে মরে জর্ম দুয়োচ্, যিবে লগে গোদা দেজ্‌চানে কোল্-কোজ্যে আর লড়াই গরে? মুই উদোর্ ন-দুয়োং বা কনজনে মরে উদোর্‌‌‌অ ন-দুয়োন, তো বেক্কুনে মরে অভিশাব দুয়োন।

যিরমিয় 15:20

এ মানুচ্চুনো ইধু মুই তরে পিদোলর্ এক্কো দরমর দেবাল ধোক্ক্যেন গুরিম; তারা তঅ বিরুদ্ধে যুদ্ধো গুরিবাক মাত্তর্ তরে ওদেই দি ন-পারিবাক্, কিত্তে মুই লগেপ্রভু কঙর্, তরে উদ্ধোর গুরিবাত্তে আর বাজেবাত্তে মুই তঅ লগে লগে থেম্।

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিরমিয় 21:4

ইস্রায়েলর গোজেন লগেপ্রভু এ কধাগান কোইয়্যেদে, ‘বাবিল রাজা আর যে বাবিলীয়গুনে দেবাল বারেত্তুন্ তরে আক্রমন গত্তন্ সিগুনো বিরুদ্ধে যুদ্ধোত্তে তঅ আঢত্ যে আত্যেরানি আঘে সিগুনোর মুয়োনি মুই ঘুরেই দিম আর শঅর ভিদিরে সিগুনোরে এগত্তর্ গুরিম।

যিরমিয় 26:24

মাত্তর্ শাফনর পুয়ো অহীকামে যিরমিয়র তপ্পে এলঅ, সেনত্তে যিরমিয়রে মারে ফেলেবাত্তে মানুচ্চুনো আঢত্ দিয়্যে ন-অয়।

যিরমিয় 34:3

তুই তা আঢত্তুন্ রেহাই ন-পেবে; তরে ঘেচ্চেকগুরি ধুরিনে তা আঢত্ দিয়্যে অবঅ। তুই নিজো চোগেদি বাবিলো রাজারে দেগিবে; তে তর্ মুয়োমি ওইনে তঅ সমারে কধা কবঅ, আর তুই বাবিলোত্ যেবে।

যিরমিয় 38:18

মাত্তর্ যুনি বাবিল-রাজার সেনাপতিবো ইধু উদি যানা স্বিগের্ ন-গরচ্ সালে এ শঅরান বাবিলীয়গুনো আঢত্ তুলি দিয়্যে অবঅ আর তারা ইয়েন পুড়ি ফেলেই দিবাক্; আর তুই নিজেয়ো তারা আঢত্তুন্ রোক্ষ্যে ন-পেবে।’ ”

যিরমিয় 38:2

যিরমিয় কোইয়্যেদে, “লগেপ্রভু এ কধাগান কোইয়্যেদে, ‘যে কনজনে এ শঅরত্ থেবাক্ তে অয় যুদ্ধোত্ নয় ভাদরাদত্ বা ভানালোই মুরি যেবঅ, মাত্তর্ যে কনজনে বাবিলীয়গুনো ইধু যেবঅ তে ন-মুরিবো। তে তার পরাণান্ কনমতে বাঁজেই পারিবো।

যিরমিয় 42:22

সেনত্তে ইক্কিনে তুমি হবর্ রাগ, তুমি যে জাগানত্ যেইনে বজত্তি গুরিবাত্তে চঅ সিয়েনত্ তুমি যুদ্ধো,ভাদরাত্ আর ভানালোই মারা পড়িবা।”

যিরমিয় 6:27

লগেপ্রভু কোইয়্যেদে, “মুই তরে মঅ মানুচ্চুনোর যগাচেইয়্যে বানেয়োং যেনে তুই তারা ইন্দি খিয়েল্ রাগেইনে তারা পথ্‌তানি পোরোক্কে গুরি পারচ্।‌‌

যোহন 1:42

আন্দ্রিয় শিমোনরে যীশু ইধু আনিলো। যীশু শিমোন ইন্দি রিনি চেইনে কলঅ, “তুই যোহন পুয়ো শিমোন, মাত্তর্ তরে কৈফা বিলি ডাগা অবঅ।” এ নাঙানর্ অত্ত পিতর, অত্তাৎ পাত্তর্।

ফগদাং পেইয়্যে 3:12

যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।