যিরমিয় 1:17 - Chakma Bible

¹⁷ “তুই কমরত্ বানিনে থিয়্যে আর মুই তরে যিয়েনি কবাত্তে উগুম গুরিম্ সিয়েনি তুই তারারে কঅ। তারারে দেগিনে তুই ভাঙি ন-পড়িচ্, যুনি পড়চ্ সালে মুই এমন্ গুরিম যেনে তারা মুজুঙোত্ তুই এক্কুবারে ভাঙি পড়চ্।

যিরমিয় 1:17 Iomraidhean Croise

১ রাজাবলী 18:46

সেক্কে লগেপ্রভুর্‌ বলান্‌ এলিয়ো উগুরে এলঅ। তে তা কাবড়ান্‌ কমর্‌-বিজোনিত্‌ গুজেইনে আহাবর্‌ আগে আগে ধাবা দিইনে যিষ্রিয়েলত্‌ গেলঅ।

২ রাজাবলী 1:15

সেক্কে লগেপ্রভু দূত্তো এলিয়রে কলঅ, “তুই তাহ্ সমারে তলে যাহ্, তারে ন-দোরেচ্‌।” সেনত্তে এলিয় তাহ্ সমারে লামিনে রাজার্‌ ইদু গেলঅ।

২ রাজাবলী 4:29

সেক্কে ইলীশায় গেহসিরে কলঅ, “তঅ কাবড়ানি তঅ কমর্‌-বানোনিগানত্‌ গুজেই লঅ আর মঅ লুদিক্কো আঢত্‌ লোইনে আদি যাহ্। কারঅ লগে দেগা গুরিলে তারে ভালেদি নঅ-জানেবে আর কনজনে তরে ভালেদি জানেলে সিয়েনর্‌ জোব্‌ নঅ-দিবে। মঅ লুদিক্কো পুয়োবোর্‌ মূয়ো উগুরে থোই দিচ্‌।”

২ রাজাবলী 9:1

ইলীশায় শিচ্চ্য-ভাববাদীগুনো ভিদিরেত্তুন্‌ একজনরে ডাগিনে কলঅ, “তঅ কাবড়ান্‌ তঅ কমর্‌-বিজোনিগানত্‌ গুজেই লঅ আর এ তেল শিজিরিবো লোইনে তুই রামোৎ-গিলিয়দত্‌ যাহ্।

ইয়োব 38:3

তুই বীরো ধোক্ক্যেন কমর্ বান্; মুই তরে প্রশ্ন পুযোর্ গুরিম আর তুই মরে জোব্ দিবে।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যাত্রা 7:2

মুই তরে যেদক্কানি উগুম্‌ দোঙর্‌ সিয়েনি বেক্কানি তুই ফগদাঙ্‌ গুরিবে। তর্‌ ভেই হারোণ ফরৌণরে কবঅ, যেনে তে তা দেজত্তুন্‌ ইস্রায়েলীয়গুনোরে যেবাত্তে দে।

যিরমিয় 1:18

এচ্চ্যে মুই তরে এক্কান দরমর শঅর ধোক্ক্যেন, এক্কান লুয়ো খুদো ধোক্ক্যেন আর এক্কান পিদল দেবাল ধোক্ক্যেন গুরিলুং যেনে তুই গোদা দেজ্‌‌‌‌ছানর বিরুদ্ধে, অত্তাৎ যিহূদার রাজাগুনোর, দাঙর্ পোজিশনত্ কামগুরিয়্যেগুনোর, ধর্মগুরুগুনোর আর দেজ মানুচ্চুনোর বিরুদ্ধে থিয়্যেই পারচ্।

যিরমিয় 17:18

মর্ অত্যেচারিগুনোরে লাজত্ ফেলা ওক্, মাত্তর্ তুই মরে লাজত্তুন্ রোক্ষ্যে গর্। তারা ভাঙি পোড়োক, মাত্তর্ তুই মরে ভাঙি পড়ানাত্তুন্ রোক্ষ্যে গর্। তুই তারা উগুরে দজার্ দিন আনি দে; দ্বিগুন ভস্ত দিইনে তারারে ভস্ত গর্।

যিরমিয় 23:28

যে ভাববাদীবো স্ববন দেখ্যে তে তার স্ববনর্ কধা স্ববন ইজেবে কোক্, মাত্তর্ যে মঅ কধানি পেইয়্যে তে সিয়েন বিশ্বেজর্ লগে কোক্; কিত্তে শোজ্য ইধু খেড়র কনঅ দাম নেই।

যিরমিয় 26:12

সেক্কে যিরমিয় বেক রাজকর্মচারীগুনোরে আর বেক মানুচ্চুনোরে কলঅ, “তুমি এ ঘরানি আর শঅরানি বিরুদ্ধে যিয়েন শুন্ন্য সে কধানি কবাত্তে লগেপ্রভু মরে পাদেয়্যে।

যিরমিয় 26:2

“মুই লগেপ্রভু কঙর্, তুই মর্ ঘর উদোনত্ যেইনে থিয়্যে আর যিহূদার শঅরানিত্তুন যিদুক্কুন মানুচ্ উবোসনাত্তে মঅ ঘরত্ এজন্ তারারে বেক্কুনোরে মুই তরে যেদক্কানি কধা কবাত্তে উগুম দুয়োং সিয়েনি বেক কধানি কঅ, এক্কান কধায়ো বাদ ন-দিচ্।

যিরমিয় 36:8

ভাববাদী যিরমিয় নেরিয়র পুয়ো বারূকরে যিয়েনি গুরিবাত্তে কোইয়্যে সিয়েনি তে বেক্কানি গুরিলো; তে লগেপ্রভুর ঘরত্ সে বোইবোত্তুন্ লগেপ্রভুর কধানি পড়িলো।

আবিলেচ্ 3:57

মুই যেক্কে তরে ডাক্কোং সেক্কে তুই কায়-কুরে এইনে কোইয়োচ্, “ন-দোরেচ্।”

যোনা 3:2

তে কলঅ, “তুই ইক্কিনে সেই দাঙর্ শঅর্ নীনবীত্ যাহ্ আর মুই যে হবরান তরে দিম্ সিয়েন সিদু ফগদাং গর্।”

লূকে লেখ্যে গম্ হবর্ 12:35

ফারত্ কাবর বেড়েইনে আর তমা চেরাগ্‌‌‌কুন জ্বালেইনে যুক্কোল্ থাগঅ।

প্রেরিত্‌ 20:20

তমার যাতে এজাল্ অয় এমন কনঅ কিজু মুই তমা ইধু ন-কোইনে জুরো গুরি ন-থাং, বরং বারেদি খুলোমেলাগুরি আর তমা ঘরে ঘরে শিক্ষ্যে দুয়োং আর প্রচার গোজ্জ্যং।

প্রেরিত্‌ 20:27

কিয়া গোজেনে কি চায় সিয়েন তমারে জানেবাত্তে মুই কনদিন্অ পিজেদি ন-ফিরোং।

১ করিন্হীয় 9:16

মুই গম্ হবর্ প্রচার গরঙর্ সত্য, মাত্তর্ সিয়েনত্যে মর্ বাঈনী গুরিবার কিচ্চু নেই, কিয়া মত্তুন্ সিয়েন গরা পুরিবো। দুর্ভাগ্গ্য মর্, যুনি মুই সেই গম্ হবরান্ প্রচার ন-গরং!

১ থিষলনীকীয় 2:2

তুমি এ কধাগান্অ কোই পারঅ, ইয়েন্অ আগে ফিলিপী শঅরত্ আমি অত্যেচার ভুগ্ গোজ্জ্যেই আর অসর্মান্অ ওইয়্যেই। মাত্তর্ এ মানাগানি থেলেয়ো আমা গোজেনত্তুন্ সাহচ্‌ পেইনে তা গম হবরর্ কধানি আমি খুলোমেলা গুরি তমা ইধু কোইয়্যেই।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।