যিরমিয় 1:14 - Chakma Bible

¹⁴ লগেপ্রভু মরে কলদে, “এ দেজত্ যিগুনে বজত্তি গরন তারার বেক্কুনো উগুরে উত্তোরেত্তুন দজার্ বান পানি ধোক্ক্যেন উজেই এবঅ।

যিরমিয় 1:14 Iomraidhean Croise

যিশাইয় 14:31

ও গেদ্‌টো, আবিলেচ্ গর্। ও শঅরান, কান্। ও পলেষ্টীয়া, তর্ বেক্কানি মিলেই যোক্। উত্তোরেত্তুন্ ধূমোর্ মেঘ এজের্, সে সৈন্যদলত্তুন্ এক্কো সৈন্যয়ো পিজেদি ন-যাদন্।‌‌

যিশাইয় 41:25

“পূগেদি এক্কো মান্‌জ্যে মঅ নাঙান্ ফগদাং গুরিবো; তারে মুই উত্তোরেদিত্তুন্ এবাত্তে উত্তেজিত গোজ্যং, আর তে এচ্চ্যে। যেবাবোত্যেগুরি চিবিদি আর পানি মিজে অয় আর কুমোরুনে মাদি মলন্ সেধোক্ক্যেন গুরি তে শাজন্‌ গুরিয়্যেগুনোর টেঙোই দুলিবো।

যিরমিয় 10:22

শুন, হবর্ এচ্চ্যে! যিহূদার শঅরানি মানুচ্ নেইয়্যে আর শিয়েলুনোর থেবার ঘর বানেবাত্তে উত্তোর দেজ্‌‍‍‍চানিত্তুন অমকদ গন্ডগুলোর রঅ এজের্।

যিরমিয় 11:17

বেগত্তুন্ খেমতাবলা লগেপ্রভু, যে তারে লাগেয়্যে তেয়ই তার সর্বনাজর্ রায়য়ান দিয়্যে, কিত্তে যিহূদা আর ইস্রায়েলর মানুচ্চুনে ভান্ন্যেই কাম্ গোজ্যন আর বাল দেবেদার নাঙে আগর্‌বাট্টি জ্বালেইনে তার রাগ্‌কান জাগেই তুল্যন্।

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 31:8

চঅ, মুই উত্তরর্ দেজত্তুন ইস্রায়েলীয়গুনোরে আনিম আর পিত্‌থিমীর শেজ্ দুযিত্তুন তারারে তুবেম্। তারা ভিদিরে থেবাক কান্, আদুড়্, পিদিলী মা আর পুয়ো পুদোবার্ পিড়ে উঠ্যে মিলে; দাঙর্ এক্কো দল ফিরি এবঅ।‌‌‌

যিরমিয় 4:6

সিয়োনত্ যেবার পথ্‌তান দেগেবাত্তে চিহ্নো থিদেবর্ গরঅ। দিরি ন-গুরিনে গমেডালে থেবাত্তে ধেই যঅ, কিত্তে মুই উত্তোরেত্তুন দজা আর দর্‌গরেপারা ভস্ত গরানাগানরে আনিবাত্তে যাঙর্।‍‍‍‍‍

যিরমিয় 46:20

“মিসরান যেন এক্কান দোল্ মাদাম্ গোরু, মাত্তর্ উত্তোরেত্তুন্ তা বিরুদ্ধে এক্কো ডাঁশ-মাছি এজের্।

যিরমিয় 47:2

“চঅ, উত্তোরেদি কিবাবোত্যেগুরি পানিগান ফুলি উদের্; সিয়েন ওই উদিবো বান পানি গঙার ধোক্ক্যেন্। সিয়েনে দেজত্ আর সিয়েন ভিদিরে বেক্কানি, বেক্ আদাম আর শঅরানি আর সিয়েন ভিদিরে বজত্তি গুরিয়্যে বেক্কুনোরে ডুবেই দিবো। সেক্কে মানুচ্চুনে কানাকুদি গুরিবাক্; দেজত্ বজত্তি গুরিয়্যে বেক্কুনে আবিলেচ্ গুরিবাক্।

যিরমিয় 50:41

“চাহ্, একদল সৈন্য উত্তোরেত্তুন এত্তন্; পিত্‌‌‌‌থিমীর শেজ্ দুযিত্তুন এক্কো দাঙর্ জাদে আর ভালোক্কুন রাজায় উত্তেজিত ওইনে এত্তন্।

যিরমিয় 50:9

মুই উত্তোরেদি দেজত্তুন্ দাঙর্ দাঙর্ জাদ্‌‌‍‍তুনোরে এগত্তর্ গুরিম আর তারারে রাগ্ তুলি দিইনে বাবিল বিরুদ্ধে আনিম। তারা বাবিল বিরুদ্ধে সৈন্যগুনোরে সাজেবাক্ আর সিয়েন গজক্ গুরিবাক্। কাবিল্ যোদ্ধাগুনে ধোক্ক্যেন তারার সেলুন্ বিফল ন-অবাক্।

যিরমিয় 6:1

লগেপ্রভু কোইয়্যেদে, “ও বিন্যামীনর মানুচ্চুন, রোক্ষ্যে পেবাত্তে ধেই যঅ। যিরূশালেমত্তুন্ ধেই যঅ। তকোয় শঅরত্ শিঙে বাজঅ। বৈৎ-হক্কেরমত্ ইজিরে দুয়ো, কিত্তে উত্তোরেত্তুন্ দজা আর দর্‌‌‌‌গরেপারা ভস্তগানে ইজিরে দের্।

যিরমিয় 6:22

লগেপ্রভু এ কধাগান কোইয়্যেদে, “চঅ, উত্তোরে দেজত্তুন একদল সৈন্য এত্তন্; পিত্‌থিমীর শেজ্ দুযিত্তুন এক্কো দাঙর্ জাদ রাগে গং দি এজের্।

যিহিষ্কেল 1:4

মুই রিনি চেইনে দেগিলুং উত্তোরেত্তুন্ এক্কান তুট্যে বোইয়্যের্ এজের্, এক্কান দাঙর্ মেঘ ভিদিরে ঝিমিলের্ আর চেরোকিত্তেদি পোত্‌‌‌পোত্যে পহ্‌‌‌রে ঘিজ্যে। সে ঝিমিলেনিগান সংমোধ্যে দোগ্‌দোক্যে ধাতু ধোক্ক্যেন কিজু ঝিমিত্ ঝিমিত্ গরের্।

যিহিষ্কেল 24:3

এ উল্লোমী জাদ ইধু এ উপমাগান কধা কঅ। তারারে কঅ, প্রভু লগেপ্রভু কোইয়্যেদে, পিলেবো চোলুন চড়া, চোলুন চড়া আর সিবে ভিদিরে পানি দে।

যোয়েল 2:20

“মুই উত্তোরেত্তুন্ এচ্চ্যে সৈন্যদল্লোরে তমাত্তুন্ দূর্ গুরি দিম; শুগুনো আর ভস্ত ওই যেইয়্যে ধূল্যেচর-চাগালাত্ তারারে ধাবেই দিম। তারার্ মুজুঙেদি ভাগ্‌কান পূগেদি সাগরত্ আর পিজেদি ভাগ্‌‌‌‌‌কান পোজিমে সাগরত্ ধাবেই দিম। তারার্ পজাবাজ্ উগুরেদি উদিবো আর সিয়েনত্তুন্ পজাবাজ্ নিগিলিবো, কিত্যেই তারার্ কামানি অলদে অমকদ বাড়্‌বো‌‌‌লোই ভরা।”

সখরিয় 6:6

কালা ঘোড়ার্ রথ্‌‌তান উত্তোরেদি দেজ ইন্দি যার্, ধুব্ ঘোড়ার্ রথ্‌‌তান পোজিমেদি যার্ আর চিদিরে-বদরা রঙর্ ঘোড়ার্ রথ্‌‌তান যার্ দোগিণেদি।”