যিরমিয় 1:13 - Chakma Bible

¹³ আরঅ লগেপ্রভু কলদে, “তুই কি দেগর্?” মুই কলুং, “মুই উত্তোরেত্তুন্ দোগিনেদি পড়ি থেইয়্যে এক্কো পিলে দেগঙর্ যিবে ভিদিরে কিজু ফুট্যে।”

যিরমিয় 1:13 Iomraidhean Croise

পত্থম 41:32

এ স্ববনান্‌ রাজা বাবুরে দ্বিপল্লা দেগেয়্যে। ইয়েন অত্তগান অলঅ, গোজেনে এ পৌইদ্যেনে তা মনান্‌ ঠিগ্‌ গুরি ফেল্যে আর যাদিমাদি তে সিয়েন্‌ ঘোদেব।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিরমিয় 24:3

লগেপ্রভু মরে পুযোর্ গুরিলো, “যিরমিয়, তুই কি দেগর্?” জোবত্ মুই কলুং, “ডোমোর; গমুন অমকদ গম্, মাত্তর্ বজঙুন এদক্ বজং যে, সিগুন হা ন-যায়।”

যিহিষ্কেল 11:3

তারা কদন্, ‘ঘর বানেবার সময় কি ন-নয়? এ শঅরান যেন রানেদে পিলে আর আমি ওত্ত্যে য়েরা।’

যিহিষ্কেল 11:7

“সেনত্তে প্রভু লগেপ্রভু কোইয়্যেদে, ‘ঘেচ্চেকগুরি এ শঅরান্ রানি খাইদ্যে পিলে, মাত্তর্ যে মানুচ্চুনোরে তুই শঅরত্ মারে ফেল্যচ্ সিগুনে য়েরা; আর মুই সিয়েনত্তুন্ তমারে ধাবেইনে নিগিলেই দিম্।

যিহিষ্কেল 12:28

সেনত্তে তুই তারারে কঅ, প্রভু লগেপ্রভু কোইয়্যেদে, ‘মর্ কনঅ কধা ফলিবাত্তে আর দেরি নেই; মুই যিয়েনি কোম্ সিয়েনি ফলিবো। মুই প্রভু লগেপ্রভু এ কধাগান কঙর্।’”

আমোষ 8:2

তে পুযোর্ গুরিলো, “আমোষ, তুই কি দেগর্?” জোবত্ মুই কলুং, “এক কাল্লোং পাগানা ফল।” সেক্কে লগেপ্রভু মরে কলঅ, “মঅ মানুচ্ ইস্রায়েলর সময় শেষ ওই যেইয়্যে; মুই আর তারারে রেহাই ন-দিম।

সখরিয় 4:2

তে মরে কলঅ, “তুই কি দেগর্?” জোবত্ মুই কলুং, “মুই এক্কো সনার্ চেরাগ টগ্ দেগঙর্ যিবের্ মাঢাবোত্ রোইয়্যেদে এক্কো তেলর্ পিলে। সেই চেরাগ টগ উগুরে সাত্‌‌তো চেরাগ্ আর পত্তি চেরাগত্ সাত্‌‌‌তো চেরাগ বুদ্ধি রাগেবার জাগা আঘে।‌