বিচের গুরিয়্যেগুন 7:2 - Chakma Bible

² লগেপ্রভু গিদিয়োনরে কলঅ, “তঅ মানুচ্চুন্‌ এদক্‌ বেশ্‌ ওইয়োন্দে, মুই তারার্‌ আঢত্‌ মিদিয়নীয়গুনোরে তুলি দিই ন-পারং। সিয়েন গুরিলে মরে বাদ দিইনে ইস্রায়েলীয়গুনে বার্বো গুরিনে কবাক্‌, তারার্‌ নিজোর বল্লোই তারা উদ্ধোর্‌ পেইয়োন।

বিচের গুরিয়্যেগুন 7:2 Iomraidhean Croise

পত্থম 46:2

গোজেনে রেদোত্‌ ইস্রায়েলরে দর্শন দিইনে তা সমারে কধা কলঅ। তে ডাগিলো “যাকোব, যাকোব।” যাকোবে জোব্ দিলো, “এইয়্যে দঅ মুই।”

২ বংশধর 14:11

সেক্কে আসা তার্‌ গোজেন লগেপ্রভুরে ডাগিনে কলঅ, “ও লগেপ্রভু, তুই যেধোক্ক্যেন বোলী মানুচ্চুনোরে বল্‌ দি থাচ্‌ সেধোক্ক্যেন দঅ বল্‌নেইয়্যে মানুচ্চুনোরেয়ো বল্‌ দি পারচ্‌। সেনত্তেই ও আমা গোজেন্‌ লগেপ্রভু, আমারে বল্‌ দে, কিত্তে আমি তঅ উগুরে বিশ্বেজ্‌ গুরিই আর তর্‌ নাঙে আমি এ দাঙর্‌ সৈন্যদল বিরুদ্ধে এচ্ছ্যেই। ও লগেপ্রভু, তুয়ই আমার্‌ গোজেন, মানুচ্চুনোরে তর্‌ বিরুদ্ধে জিদিবাত্তে ন-দিস্‌।”

যিশাইয় 10:13

কিত্তে তে কইদ্যে, ‘মঅ আঢ বল্লোই আর জ্ঞান্দোই মুই ইয়েনি গোজ্যং, কিত্তে মর্ বুদ্ধি আঘে। জাদ্‌তুনোর দুযিগান মুই দূর্ গুরি দুয়োং, তারার ধন-সোম্বাত্তিগানি লুদেয়োং; খেমতাবলা বীর ধোক্ক্যেন্ মুই তারার্ রাজাগুনোরে দোঙেয়োং। ‌‌

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

যিহিষ্কেল 28:17

তর্ দোল্ অনাত্তে তর্ মনান্ অহংকারে ভুরি উঠ্যে আর তর্ সয়-সাগোজ্যে গানত্তে তুই তর্ জ্ঞানানরে বর্‌বাত্ গোজ্যস্। সেনত্তে মুই তরে মাদিত্ ফেলেই দিলুং; রাজাগুনো মুজুঙোত্ মুই তরে রাগেলুং যেনে তরে দেগিনে তারা হুজি অন্।

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

হবক্‌‌‌‌কূক 1:16

সেনত্তে তারা তারার্ জালানর্ নাঙে য়েমান্ উৎসর্ব গরন্ আর টানা-জালর্ নাঙে আগর্‌বাট্টি জ্বালান্, কিত্যে তারার জালানিলোই তারা বোউত্ লাভ গরন্ আর গম্ গম্ হানা হান্।

সখরিয় 12:7

মুই লগেপ্রভু পত্তমে যিহূদার থেবার জাগায়ানি উদ্ধোর্ গুরিম যেনে দায়ূদো বংশর আর যিরূশালেম আদাম্মেগুনোর সর্মান যিহূদার অন্য মানুচ্চুনোত্তুন্ বেশ্ ন-অয়।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

গণাণা 31:4

ইস্রায়েলীয়গুনোর্‌ পত্তি গুট্টিত্তুন্‌ এক আজার্ গুরিনে মানুচ্‌ নেযেইনে যুদ্ধোত্‌ পাধেই দে।”

রোমীয় 11:18

সালে ভাঙি ফেল্ল্যে ডেলাগুনোত্তুন্ নিজোরে দাঙর্ মনে ন-গুরিচ্। যুনি গরচ্ সালে মনত্ রাগেচ্, তুই গড়াগানরে ধুরি ন-রাগর্ বরং গড়াগানে তরে ধুরি রাগেয়্যে।

রোমীয় 3:27

ইয়েনর্ পরেদি মান্‌জ্যর দেমাগ্ গুরিবার আর কি আঘে? কিচ্চু নেই। মাত্তর্ কিত্ত্যে নেই? মান্‌জ্যে রীদি-সুদোম পালন গরন্ বিলিনে কি তার্ দেমাগ্ গুরিবার কিচ্চু নেই? সিয়েন নয়। আজল্ কধাগান অলঅ, বিশ্বেজ্ ভিদিরে দেমাগর্ জাগা নেই,

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

ইফিষীয় 2:9

ইয়েন কামর্ ফল ইজেবে দিয়্যে ন-অয়, যেন কেঅ দেমাগ্ গুরি ন-পারন্।

দ্বি’লম্বর বিররণ 32:27

মাত্তর্‌ মুই হবর্ পেদুং ইয়েনত্‌ শত্রুগুনে বাড়্‌বো দেগেবাক্ আর ন-বুঝিনে কবাক্কে, তারা জিত্তোন্; লগেপ্রভু ইয়েনি কিচ্চু ন-গরে।”

দ্বি’লম্বর বিররণ 8:17

তুমি অয়ত কনজনে মনে মনে কোই পার, মর্‌ নিজোর্‌ বল্লোই, নিজোর আত্তোই কাম্‌ গুরিনে মুই এ বেক্‌ ধন-সোম্বোত্তিগানি গোজ্যং।

দ্বি’লম্বর বিররণ 8:18

মাত্তর্‌ তুমি তমার্‌ গোজেন লগেপ্রভুর কধানি পুরি ন-ফেলেইয়ো; তেয়ই এদক্কানি গুরিবার্‌ খেমতা তমারে দিয়্যে, আর ইঙিরিনে তে তমার্‌ পুরোণি মানুচ্চুনো ইদু যে নিয়মর্‌ কধানি শমক্‌ খেইনে কোইয়্যে সিয়েনি তে ইক্কিনে পুরেই দের্‌।

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”