বিচের গুরিয়্যেগুন 1:7 - Chakma Bible

⁷ সেক্কে অদোনী-বেষকে কলঅ‌, “মুই সত্তুরজন রাজার আঢ্ আর টেঙর্‌ বুজ্যে আঙুলুন্‌ কাবি দুয়োং। তারা মঅ‌ টেবিলোর তলেত্তুন ফেলাসেলানি তোগেনেই খেদাক্‌। মুই তারা উগুরে যিয়েনি গোজ্যং গোজেনেয়ো মঅ‌ উগুরে সেধোক্কেন্‌ গুরিলো।” পরেন্দি তারা অদোনী-বেষকরে যিরূশালেমত্‌ নেযানার পরেন্দি তে সিদু মুরি গেলঅ‌।

বিচের গুরিয়্যেগুন 1:7 Iomraidhean Croise

১ রাজাবলী 21:19

তুই তারে কঅ, লগেপ্রভু কত্তে, ‘তুই কি ইক্কো মান্‌জ্যরে মারে ফেলেইনে তা সোম্বোত্তিগানি গজক্ ন-গরচ্‌?’ সে পরেন্দি তারে কঅ, লগেপ্রভু কত্তে, ‘কুগুরুনে যিয়েনত্‌ নাবোতর্‌ লোগান লেইলেই হেইয়োন্‌ সিয়েনত্‌ তারা তঅ লোগান, অয় তর্‌ লোগান লেইলেই হেবাক্‌।’”

যাত্রা 29:20

পরেদি ভেড়াছাগল্লো কাবিনে সিবের্‌ কিজু লো নেযেইনে হারোণ আর তার্‌ পূঅগুনোর্‌ ডেন্‌ কানঅ পাদাত্‌ আর ডেন্‌ আত্‌ আর টেঙর্‌ বুজ্যে আঙুলোত্ লিবি দিবে। ইয়েন্‌বাদে আরঅ‌ কিজু লো নেযেইনে ডালিপূজোবোর্‌ চেরোকিত্তে ছিদি দিবে।

যিশাইয় 33:1

ও ভস্তগুরিয়্যে, তরে অভিশাব্ দুয়োং! তুই ভস্ত ন-ওইনেয়ো ভস্ত গোজ্যস্; তঅ উগুরে বেঈমানি গরা ন-অয় তো তুই বেঈমানি গোজ্যস্। ভস্তর্ কামানি থুম্ গুরিলে তরে ভস্ত গরা অবঅ; বেঈমানি গরানা থুম্ অলে তঅ উগুরে বেঈমানি গরা অবঅ।

সফনিয় 3:19

যিগুনে তঅ উগুরে অত্যেচার গরন্ তারারে বেক্কুনোরে মুই সে সময়োত্ সাজা দিম্; মুই আঢুড়ুনোরে উদ্ধোর্ গুরিম আর যিগুনে ছিদি পোজ্যন্ তারারে তুবেম্। তারার্ লাজানার্ বদলে মুই তারারে গোদা দুনিয়েনত্ নাঙ্ গিনেনা পান্ আর বাঈনী গুরিম।

রোমীয় 2:15

ইয়েনত্ দেগা যায়, রীদি-সুদোম মজিম যিয়েন গরানা উজিত্ সিয়েন তারা মনত্ লেগা আঘে। তারার্ বিবেক্-অ সেই এক্কুই সাক্ষ্য দে। তারার্ চিন্তেগানিয়ে কনঅ কনঅ সময় তারারে দুষী গরে, আরঅ কনঅ কনঅ সময় তারা পক্ষেয়ো থায়।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।

ফগদাং পেইয়্যে 13:10

যিবের বন্দী অবার্ কধা আঘে তে বন্দী অবঅ। যিবের ছুড়িলোই খুন অবার কধা আঘে তে খুন অবঅ। ইয়েনত্যে গোজেন মানুচ্চুনোর ধৈজ্জ্য আর বিশ্বেজর্ দরকার।

ফগদাং পেইয়্যে 16:6

এ মানুচ্চুনে গোজেন মানুচ্চুনোরে আর ভাববাদীগুনোরে খুন গোজ্জ্যে। সেনত্যে তুই তারারে এ লো-গান হেবাত্যে দুয়োচ্ আর ইয়েনই তারাত্যে যগাজ্জ্যে ওইয়্যে।”

বিচের গুরিয়্যেগুন 1:6

অদোনী-বেষকে যেক্কে ধেই যার্‌ সেক্কে তারা তারে লোড়েইনে ধুরিধারাই তার আঢ্ আর টেঙর্‌ বুজ্যে আঙুল্লো কাবি ফেলেলাক্‌।

বিচের গুরিয়্যেগুন 9:24

গোজেনে নিজেই ইয়েন গুরিলো যেনে যিরুব্বালর সত্তুরজন পূঅর্ উগুরে লো ফেলানার যে অন্যেয়ানি গরা ওইয়্যে সিয়েনত্তেই তারার ভেই অবীমেলক উগুরে আর তারারে মারে ফেলানার কামত্‌ তার আর তারে বল্‌ দিয়্যেগুনোরে শিখিমোর মানুচ্চুনো উগুরে হেনা সুজো অয়।

বিচের গুরিয়্যেগুন 9:57

শিখিমোর মানুচ্চুনে যেদক্কানি অন্যেয় গোজ্যন্ তার পাওনা সাজা গোজেনে তারারেয়ো দিলো। ইঙিরিনে যিরুব্বালর পূঅ যোথমর ব-নিঝেচ্‌সো তারা উগুরে পড়িলো।

১ শমূয়েল 15:33

মাত্তর্‌ শমূয়েলে কলঅ, “তর্‌ লাম্বা কিরিচ্‌ছান্দোই বোউত্‌ মিলে যেবাবোত্যে পূঅ-ছা আরা ওইয়োন, সেবাবোত্যে মিলেগুনো ভিদিরে তর্‌ মাবোয়ো পূঅ-ছা আরা অবঅ।” এই কধাগান কোইনে শমূয়েলে গিল্‌গলত্‌ লগেপ্রভুর মুজুঙোত্‌ অগাগরে কট্টা কট্টা গুরি কাবি ফেলেল।