বিচের গুরিয়্যেগুন 1:3 - Chakma Bible

³ এ কধাগান শুনিনে যিহূদা-গুট্টির মানুচ্চুনে তারার্‌ ভেই শিমিয়োন-গুট্টির মানুচ্চুনোরে কলাক্‌, “যে জাগায়ান আমা ভাগত্‌ পোজ্যে সিদুগোর্‌ কনানীয়গুনোর বিরুদ্ধে যুদ্ধো গুরিবাত্তে তুমি আমা লগে এজঅ, আরঅ আমিয়ো তমা জাগায়ানি কারি লবাত্তে তমা সমারে যেবং।” সেক্কে শিমিয়োন-গুট্টির মানুচ্চুনে তারা সমারে গেলাক্‌।

বিচের গুরিয়্যেগুন 1:3 Iomraidhean Croise

পত্থম 29:33

সে পরেদি লেয়া আরঅ পিদিলী অলঅ তার্‌ আরঅ এক্কো পুয়ো অলঅ। তে পুয়োবোর নাঙান্‌ রাগেল শিমিয়োন (যিয়েনর্‌ ভেদ্‌‌তান “তে শুনে”), কিত্তে তে কোইয়্যেদে, “মরে য়েলাফেলা গরানার কধাগান লগেপ্রভুর্‌ কানত্‌ যেইনে লুম্মেগোই, সেনত্তে তে মরে এ পুয়োবোয়ো দিলো।”

২ শমূয়েল 10:11

যোয়াবে তা ভেইবোরে কলঅ, “যুনি অরামীয়গুনে মত্তুন্‌ বেশ্‌ বোলী অন্‌ সালে তুই মরে বল্‌ দিবাত্তে এবে, আর যুনি অম্মোনীয়গুনে তত্তুন্‌ বেশ্‌ বোলী অন্‌ সালে মুই তরে বল্‌ দিবাত্তে যেম্‌।

যিহোশূয় 19:1

দ্বিপল্লা চাম্বা চানার পরেন্দি শিমিয়োন-গুট্টির নাঙানি উদিলো আর তার নানান্‌ বংশর জাগানি ঠিগ্‌ গুরি দিয়্যে অলঅ‌। তারার সোম্বোত্তিগানি যিহূদা-গুট্টির জাগায়ানি ভিদিরে পড়িলো।

ফগদাং পেইয়্যে 7:7

শিমিয়োন গুট্টি ভিদিরেত্তুন্ বার আজার। লেবি গুট্টি ভিদিরেত্তুন্ বার আজার। ইষাখর গুট্টি ভিদিরেত্তুন্ বার আজার।

বিচের গুরিয়্যেগুন 1:17

যিহূদা-গুট্টির মানুচ্চুনে তারার্‌ ভেই শিমিয়োন-গুট্টির মানুচ্চুনো সমারে যেইনে সফাৎ শঅরর্‌ আদাম্মে কনানীয়গুনোরে আক্রমণ গুরিলাক্‌ আর তারার্‌ শঅর্‌রান এক্কুবারে চোইদেল্‌ গুরি দিলাক্‌। সেনত্তেই শঅ‌রানর নাঙান্‌ দিয়্যে অলঅ‌ হর্মা (যিয়েনর্ ভেদ্‌তান্ চোইদেল্‌)।

বিচের গুরিয়্যেগুন 1:2

জোবত্‌ লগেপ্রভু কলদে, “পত্তমে যেবাক্‌ যিহূদা-গুট্টির্‌ মানুচ্চুনে; মুই তারার্‌ আঢত্‌ দেজ্‌চান তুলি দুয়োং।”

বিচের গুরিয়্যেগুন 1:4

যিহূদা-গুট্টির্‌ মানুচ্চুনে আক্রমণ গুরিলে লগেপ্রভু তারার্‌ আঢত্‌ কনানীয় আরঅ‌ পরিষীয়গুনোরে তুলি দিলো। তারার্‌ দশ আজার জনরে তারা বেষক শঅরত্‌ মারেই ফেলেলাক্‌।