যাকোব 5:4 - Chakma Bible

⁴ তমা খেদত্ যে কাম গুরিয়্যেগুনে ফসল কাপ্প্যন্ তুমি তারারে বেতন ন-দুয়ো; আর চঅ, সেই বেতনুনে ইক্কিনে রঅ ছাড়িনে তমারে দুষি বানাদন্। বেগত্তুন্ খেমতাবলা প্রভুর কানত্ সেই কাম গুরিয়্যেগুনোর রঅ ছাড়ানাগানি লুম্মেগোই।

যাকোব 5:4 Iomraidhean Croise

পত্থম 4:10

সেক্কে লগেপ্রভু কলঅ, “ইয়েন তুই কি গোজ্যচ্? চাহ্, ভুইয়োত্তুন্ তঅ ভেইবোর্ লোগানে মইধু এইনে কানের্‌।

ইয়োব 34:28

তারার অত্যাচারত্তে নাঢা মানুচ্চুনোর কানানিগানি তা মুজুঙোত্ পড়ে; তে নাঢা মানুচ্চুনোর কানানিগানি শুনে।

ইয়োব 7:2

চাগর্‌বো যেধোক্ক্যেন্‌ সাজোন্যে মাদানত্তে বাজ্জেই থায়, চাগর্‌বো যেধোক্ক্যেন্‌ তা বেতনত্তে আজা গুরি থায়,

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

যাত্রা 22:27

কিত্তে সিয়েন তার্ কিয়্যেত্‌ দিবাত্তে বানা এক্কান্‌ কাবড়্‌। সিয়েন ন-থেলে তে কি কিয়্যেত্‌ দিইনে ঘুমোত্‌ পুরিবো? যুনি তে ইয়েনত্তে মইদু কানে সালে মুই তার্‌ কানানিগান শুনিম, কিত্তে মর্‌ মনান্‌ দোয়্যেলোই ভরা।

যাত্রা 3:9

ইস্রায়েলীয়গুনোর্‌ কানা-কুদিগানি ইক্কিনে মইধু এইনে লুম্মেগি। মিসরীয়গুনে কেধোক্ক্যেন গুরি তারা উগুরে অত্যেচার্‌ গরদন্‌ সিয়েনঅ মুই দেক্কোং।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিশাইয় 5:9

বেগত্তুন্ খেমতাবলা লগেপ্রভু মুই নিজো কানেদি এ কধাগান্ শুন্যং, “ঘেচ্চেকগুরি দাঙর্ দাঙর্ ঘরানি ভস্ত ওই যেবঅ, দোল্ দোল্ বিল্ডিঙানিত্ কনঅ মানুচ্ ন-থেবাক্।

যিরমিয় 22:13

লগেপ্রভু কোইয়্যেদে, “অভিশাব্ পোড়োক্ তার, যে মানুচ্চো তা ঘরান ভান্ন্যেই টেঙালোই বানায় আর অবিচের দিইনে তা উগুরে তলার ঘুদিগুন বানায়। অভিশাব্ পোড়োক্ তার, যে মানুচ্চো মাগানা তা দেজ মানুচ্চুনোরে খাদায় আর তারার কামর্ বেতন ন-দে।

লেবীয় 19:13

কনঅ মান্‌জ্য উগুরে অন্যেয় গুরি সুবিধা আদায়্‌ গরানা বা জোর্‌ গুরি তার জিনিস্‌চান্‌ নেযানা ন-চলিবো। কামগুরিয়েগুনোর দিনোর্‌ পাওনা দিনেই দিয়া পুরিবো; সিগুন্‌ বেন্যেমাদান্ সং আক্‌সো রাগানা ন-চলিবো।

হবক্‌‌‌‌কূক 2:11

তঅ ঘরর্ দেবাল শীলুনে তঅ বিরুদ্ধে আবিত্তি জানেবাক্ আর ঘরর্ খুদোগুনে সেই কধানর্ সমত্তন্ দিবাক্।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

মথি লেখ্যে গম্ হবর্ 9:37

সেক্কে যীশু তা শিচ্চ্যগুনোরে কলঅ, “খেত্-খেত্তি ঘেচ্চেকগুরি বোউত্ মাত্তর্ কাম গরেদে মানুচ্ কম্।

লূকে লেখ্যে গম্ হবর্ 18:7

সালে যিগুনে গোজেনরে দিনে-রেদে দাগন্, গোজেনে কি তার্ সেই বেঈ-লোইয়্যে মানুচ্চুনোর্ পক্ষে গম্ বিচের্ ন-গুরিবো? তে কি সিয়েন্ গুরিবাত্তে দেরি গুরিবো?

রোমীয় 9:29

যিশাইয় আরঅ কোইয়্যেদে, “বেগত্তুন্ খেমতাবলা প্রভু যুনি কিজু বংশধর আমাত্যে থোই ন-যেদঅ সালে আমা অবস্থা সদোম আর ঘমোরা শঅর ধোক্ক্যেন্ অদঅ।”

দ্বি’লম্বর বিররণ 15:9

উজিয়ার, তমার মনত্‌ এই ভান্ন্যেই চিদেগান আমল ন দুয়ো, সাত বজরত্‌, অত্তাৎ কজ্জ মাপ্‌ গরেদে বজরবো প্রায় লুম্মেগি। এই চিদেগান গুরিনে তমার সেই নাঢা ভেইবো উগুরে উল্লোমি মনভাব্‌পোই তারে সুুদো আঢে বিদেয় ন গোজ্য। যুনি সিয়েন্‌ গরঅ সালে সিয়েন্দোই তে তমা বিরুদ্ধে লগেপ্রভুর ইদু কোজোলী গুরিনে বিচের চেবঅ আর তুমি অন্যেয়ত্তে দুষি অবা।

কলসীয় 4:1

গিরোজ্‌চুন্, স্বর্গত্ তমার্‌অ এক্কো গিরোজ্ আঘে জানিনে তুমি তমার চাগরুনো লগে গম্ আর ন্যায় বেবহার গরঅ।