যাকোব 5:3 - Chakma Bible

³ তমা সনা আর রূবোনিত্ জাঙারে ধোজ্জ্যে, আর সেই জাঙারানিয়ে তমা বিরুদ্ধে সাক্ষি দিবো আর আগুনো ধোক্ক্যেন গুরি তমা য়েরানি হেই ফেলেব। এই শেজ্ দিনুনোত্ তুমি ধন-সোম্বোত্তি থুবেইয়ো।

যাকোব 5:3 Iomraidhean Croise

পত্থম 31:48

লাবনে কলঅ, “এ কুড়্‌‌‌বো এচ্চ্যে আমা ভিদিরে সাক্ষী ওইনে থেলঅ।” ইয়েনত্তেই এ কুড়্‌‌‌বোর্‌ নাঙান্ দিয়া অল গল্‌-এদ।

পত্থম 31:52

এ কুড়্‌‌‌বো আর থুনি দ্বিবে এ কধাগানর্‌ সাক্ষী ওইনে থেলাক্, এ কুড়্‌‌‌বো পার্‌ ওইনে মুই তমার্‌ ক্ষোতি গুরিবাত্তে ন-যেম্, আর তুমিয়ো এ কুড়্‌‌‌বো বা থুনিগুন পার্ ওইনে মরে ক্ষোতি গুরিবাত্তে ন-এবা।

পত্থম 49:1

পরেদি যাকোবে তা পুয়োগুনোরে ডাগিনে কলঅ, তুমি বেক্কুনে মঅ কায়-কুরে এজঅ। আগাম্ তমা জীংকানিত্‌ যিয়েনি ঘুদিবো সিয়েনি মুই তমারে কোই দোঙর্‌।

ইয়োব 16:8

তুই মঅ কিয়্যেগান্‌ শুগেই ফেলেয়োজ্, আর সিয়েন মঅ বিরুদ্ধে সাক্ষী ওইয়্যে; মঅ শুগুনো চেঙারাগানে মঅ বিরুদ্ধে সাক্ষি দের্‌।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিরমিয় 19:9

তারার শত্রুগুন, অত্তাৎ যিগুনে তারারে মারে ফেলেবাত্তে চান তারা যেক্কে তারারে ঘিরিবাক্ সেক্কে সে দুঘোর্ সময়োত্ মুই তারার ঝি-পুয়োগুনোর য়েরাগান তারারে হেবাত্তে বাধ্য গুরিম আর তারা একজনে আর একজনর য়েরা হেবাক্।

মীখা 3:3

তুমি মঅ মানুচ্চুনোর য়েরানি খর্, তারার্ চামাড়াগানি তুলি ফেলেইনে আড়ুন্ কট্টা কট্টা গুরি ভাঙর্; তুমি আড়ি ভিদিরে য়েরা ধোক্ক্যেন গুরি তারারে কট্টা কট্টা গুরি কাবর্।

মীখা 4:1

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্। ‌‌‌

প্রেরিত্‌ 2:17

শেচ্‌ কালত বেক্‌ মানুচ্চুনো উগুরে মুই মঅ আত্মাগান ঢালি দিম্; সেক্কে তমা পুয়োগুনে আর ঝিগুনে ভাববাদী ইজেবে গোজেন কধা কবাক্, তমা গাবুজ্যেগুনে দর্শন পেবাক্, তমা বুড়ো মানুচ্চুনে স্ববন্ দেগিবাক্।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

২ তীমথিয় 2:17

যিগুনে এবাবোত্যে কধাবাত্তা কন্ সিগুনোর শিক্ষ্যেনি পচা ঘা ধোক্ক্যেন গুরি ছিদি পড়িবো। এবাবোত্যে মানুচ্চুনো ভিদিরে আঘন হুমিনায় আর ফিলীতোত্।

যিহোশূয় 24:27

পরেন্দি তে বেক্‌ মানুচ্চুনোরে কলঅ্‌, “এ পাত্তর্‌বো আমা বিরুদ্ধে সাক্ষী ওই থেবঅ। লগেপ্রভু আমা ইদু যেদক্কানি কধা কোইয়্যে সিয়েনি এ পাত্তর্‌বো শুন্যে। যুনি তুমি তমার গোজেনরে অস্বীগের্‌ গরঅ সালে ইবে তমার বিরুদ্ধে সাক্ষ্য দিবো।”

২ পিতর 3:3

পত্তমে এ কধাগান মনত্ রাগেয়ো, যিগুনোর্ গম কাম পৌইদ্যেনে ঠাট্টা-তামাজা গরানার্ খাচ্চ্যদ্ তারা শেজ্ কালত্ এইনে ঠাট্টা-তামাজা গুরিবাক্। তারা নিজোর্ কামনা-বাচনালোই চলিবাক্,

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”