যাকোব 4:8 - Chakma Bible

⁸ গোজেন ইধু উজেই যঅ, সালে তেয়ো তমা ইন্দি উজেই এবঅ। পাপীগুন্, তুমি নিজোরে সাব্ গরঅ। দ্বিমনা মানুচ্চুন, তমা মনানি খাটি গরঅ।

যাকোব 4:8 Iomraidhean Croise

পত্থম 18:23

পরেদি অব্রাহামে লগেপ্রভু ইন্দি এক্কেনা আগ্‌বারে যেইনে কলঅ, “মাত্তর্‌ তুই কি ভান্ন্যেই মানুচ্চুনোর লগে গম্‌ মানুচ্চুনোরেয়ো শেজ্ গুরিবে?

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

ইয়োব 16:17

তো মুই কাররে অত্যেচার্‌ ন-গরং মঅ তবনাগান খাটি আঘে।

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

ইয়োব 9:30

মুই যুনি সাগোন্‌দোই নিজোরে ধোই ফেলাং আর ক্ষারলোই আঢ্‌তান তেল্‌তেল্যে গরং,

গীতসংহিতা 119:113

দ্বিমনা মানুচ্চুনোরে মুই গম ন-পাং, মাত্তর্ তঅ উগুমানি মুই গম পাং।

গীতসংহিতা 145:18

যিগুনে লগেপ্রভুরে ডাগন্, মনদি ডাগন্, তে তারা কায়-কুরে থায়।

গীতসংহিতা 18:20

মর্ ন্যায় কাম্ মজিম্ লগেপ্রভু মরে দান গুরিলো, মঅ কামর্ সিজি মজিম্ বক্‌শিজ্ দিলো;

গীতসংহিতা 24:4

বানা তেয়ই যগাজ্যে, যিবের্ আঢ্‌‌তান্ নিদ্দুজি, মনান্ দোল্, মনান্ মিজে কধা ইন্দি নয়, আর মুয়োদি নেই মিজে শমক্।

গীতসংহিতা 26:6

ও লগেপ্রভু, মুই নিদ্দুযি অবস্থায় আঢ্‌‌তান্ ধোই ফেলেম আর তর্ পুজোবোর চেরোকিত্তে ঘুরি এইম্,

গীতসংহিতা 51:10

ও গোজেন, তুই মইদু দোল্ মন-মানসিক্ গুরি দে; মর্ মনান্ আরঅ থির্ গুরি দে।

গীতসংহিতা 73:13

মঅ মনানরে মুই অনত্তক্ ঠিগ্ রাগেয়োং, মঅ আঢ্‌তানরে মিজে মিজে ঠিগ্ রাগেয়োং।

গীতসংহিতা 73:28

মাত্তর্ গোজেন সমারে থানা মত্তে মংগল; প্রভু লগেপ্রভুরে মুই মর্ আশ্রয়র জাগা বানেয়োং, যেন তার কামর কধানি মুই ফগদাং গুরি পারং।

যিশাইয় 13:15

যিগুনোরে পাহ্ যেবঅ তারারে আত্যের্‌লোই গুলি গরা অবঅ; যিগুনোরে ধরা অবঅ তারা তলোয়ার্‌লোই মারা পড়িবাক্।

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিশাইয় 58:2

তারারে দেগিলে মনে অয় দিনকে দিন যেন তারা মঅ আওজ্ মজিম চলদন্ আর মঅ পথ্‌তান জানিবাত্তে তারার আওজ্ আঘে; তারা যেন এমন এক্কো জাদ্ যিগুনে ঠিগ্ কাম গরন্ আর তারার গোজেন উগুমান্ ন-ছাড়ন্; তারা যেন মইদু ন্যায় বিচের পৌইদ্যেনে জানিবাত্তে চান্ আর যেন গোজেন ইদু এবাত্তে আওজি।‌

যিরমিয় 4:11

সে অক্তত্ লগেপ্রভু এ মানুচ্চুনোরে আর যিরূশালেমরে কবদে, “ধূল্যেচর-চাগালার গাজ্ পাদা নেইয়্যে মুড়োগুনোত্তুন গরম বোইয়্যের মঅ মানুচ্চুনো ইন্দি এজের্, মাত্তর্ সিয়েন শোজ্য ঝাড়িবার বা কাজেবার বোইয়্যের নয়;

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

আবিলেচ্ 3:57

মুই যেক্কে তরে ডাক্কোং সেক্কে তুই কায়-কুরে এইনে কোইয়োচ্, “ন-দোরেচ্।”

যিহিষ্কেল 18:31

তমা বেক্ অন্যেয়ানি তমা নিজোত্তুন্ দূর গরঅ আর তমা রিবেঙানি আর মনানি নুয়ো গুরি তুলো। কিত্তে তুমি মুরিবা?

সখরিয় 1:3

সেনত্তে তুই মানুচ্চুনোরে কঅ, মুই বেগত্তুন্ খেমতাবলা লগেপ্রভু কঙর্, ‘তুমি মইন্দি ফিরো, সেক্কে মুইয়ো তমা ইন্দি ফিরিম।

মালাখি 3:7

তমা পুরোণি মানুচ্চুনোর সময়ত্তুন্ ধুরি তুমি মর্ বেক সুদোমানিত্তুন্ সুরি যেইয়ো আর সিয়েনি ন-পালঅ। মইদু ফিরি এজঅ, আর মুইয়ো তমা ইধু ফিরি এইম্। মাত্তর্ তুমি কত্তে, ‘আমি কেধোক্ক্যেন গুরি ফিরি এবং?’

মথি লেখ্যে গম্ হবর্ 12:33

“গম্ গাজত্ গম্ গুলোগুলি অন্, আরঅ বজং গাজত্ বজং গুলোগুলি অন্, কিয়া গুলোগুলিলোই গাজ্‌‌চুন চিনে যায়।

মথি লেখ্যে গম্ হবর্ 15:2

“পুরোণি দিনোর্ ধর্ম-মাষ্টরুনোরে দিয়্যে যে সুদোমানি চলি এজের্ তঅ শিচ্চ্যগুনে সিয়েনি মানি ন-চলদন্ কিত্তে? হেবার্ আগেদি তারা গমেডালে আঢ্ ন-ঢন্।”

মথি লেখ্যে গম্ হবর্ 27:24

পীলাতে যেক্কে দেগিলো তে কিচ্চু গুরি ন-পারের্ বরং আরঅ জোল্ অর্, সেক্কে তে পানিলোই মানুচ্চুনো মুজুঙোত্ আঢ্‌তানি ধোইনে কলঅ, “এ মানুচ্চোর্ লো-গানত্তে মুই দায়ী নয়; তুমিই সিয়েন্ বুঝিবা।”

প্রেরিত্‌ 15:9

তে আমারে আর তারা ভিদিরে যুদো বিলিনে কিচ্চু ন-থয়, কিয়া তারা বিশ্বেজ্ গোজ্যন্ বিলিনে তে তারা মনানিয়ো সাব্ গোজ্যে।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

১ তীমথিয় 2:8

মুই চাং যেন বেক্‌ জাগানিত্ মরদ্‌তুনে রাগ বা কোজ্জ্যের্ মনভাব ন-রাগেইনে সাব্ মনে দ্বিয়েন আঢ্ তুলিনে তবনা গরন্।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

যাকোব 1:8

তে দ্বি-মনা মানুচ্‌ আর তার বেক্‌ কামানিত্ থির্ নেইয়্যে।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ পিতর 3:21

ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।

১ যোহন 3:3

যে কেঅ খ্রীষ্ট উগুরে এই আজাগান রাগায় তে নিজোরে খাটি গরানাত্ থায় যেধোক্ক্যেন খ্রীষ্ট খাটি।

১ শমূয়েল 14:35

লগেপ্রভুর নাঙে শৌল সিয়েনত্‌ এক্কো পূজো যুক্কোল্ গুরিলো। ইবেয়ই অলঅ লগেপ্রভুর নাঙে তার বানেয়্যে পত্তম্ ডালিপুজো।