যাকোব 4:6 - Chakma Bible

⁶ মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

যাকোব 4:6 Iomraidhean Croise

২ বংশধর 32:26

সেক্কে হিষ্কিয় তা মনর্‌ বাড়্‌বো গরানার্ কধানি বুঝি পারিনে নিজোরে তলে গুরিলো আর যিরূশালেম মানুচ্চুনেয়ো সেধোক্ক্যেন গুরিলাক্‌। সেনত্তে হিষ্কিয়োর সময়োত্‌ লগেপ্রভুর রাগ্‌কান তারা উগুরে লামি ন-এলঅ।

২ বংশধর 33:12

দজাত্‌ পড়িনে তে তার্‌ গোজেন্‌ লগেপ্রভুর দোয়্যে ভিক্ষ্যে গুরিলো আর তার্‌ পূরোণি মানুচ্চুনোর্‌ গোজেন মুজুঙোত্‌ নিজোরে অমকদ চিগোন্‌ গুরিলো।

২ বংশধর 33:19

তার্‌ তবনাগানর কধানি, তার্‌ কোজোলিগান্দোই গোজেন মনান্‌ নরম অনার্‌ কধাগান, তার্‌ বেক্‌ পাপ্পানি আর অবিশ্বেজর্ কধানি আর তে নিজোরে গোজেন মুজুঙোত্‌ চিগোন্‌ গুরিবার আগেন্দি পূজোর্‌ যেদক্কানি অজল্‌ জাগা বানেয়্যে আর আশেরা-খুদো আরে কাবিনে লেখ্যে মূত্তি থিদেবর্ গোজ্যে সে বেক্‌ কধানি দেগিয়্যেগুনোর্‌ বোইয়োত্‌ লেগা আঘে।

২ বংশধর 33:23

মাত্তর্‌ তা বাপ্পো মনঃশি ধোক্ক্যেন তে লগেপ্রভুর মুজুঙোত্‌ নিজোরে চিগোন্‌ ন-গরে; তে পাপ্‌ গরা ধুরিলো।

২ বংশধর 34:27

‘এ জাগায়ান্‌ আর তা মানুচ্চুনো বিরুদ্ধে মুই যিয়েনি কোইয়োং সিয়েনি শুনিনে তঅ মনান্‌ সিয়েন্দোই সাড়া দিয়্যে আর মঅ মুজুঙোত্‌ তুই নিজোরে চিগোন্‌ গোজ্যস্‌ আর তঅ পোজাক্কান্‌ ফাদিনে মইদু কানাকুদি গোজ্যস্‌। তুই ইয়েনি গোজ্যস্‌ বিলিনে মুই লগেপ্রভু তর্‌ তবনাগান্‌ শুন্যং।

ইয়োব 22:29

যেক্কেনে তরে চিগোন্‌ গরা অবঅ সেক্কেনে তুই কবেদে, ‘মঅ বার্‌‌বোগানত্তে সিয়েন্‌ ওইয়্যে’ তর্‌ নম্রগানত্তে গোজেনে তরে উদ্ধোর্‌ গুরিবো।

গীতসংহিতা 138:6

যুনিয়ো লগেপ্রভু বেক্কানি উগুরে আঘে তো তে তলে পোজ্যে মানুচ্চুনো ইন্দি খিয়েল্ রাগায়, মাত্তর্ বাড়্‌বো গুরিয়্যেগুনোরে তে দূরোত্তুন্ হবর্ পায়।

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

যাত্রা 18:11

সেনত্তে মুই ইক্কিনে বুঝি পারঙত্তে, বেক্‌ দেবেদাগুনোত্তুন্‌ লগেপ্রভুই‌ দাঙর্‌, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্‌বো গুরিদাক্‌ সেদক্কানি পৌইদ্যেনে লগেপ্রভুই দাঙর্‌।”

গম্ উপদেজ্ 15:33

লগেপ্রভু উগুরে ভোক্তিবলা দর্ মান্‌জ্যরে জ্ঞান শিগেয়, আর নম্রতাগানে সর্মান আনে।

গম্ উপদেজ্ 18:12

মান্‌জ্যর মনর্ বাড়্‌বো গরানাগানে ভস্ত অনা ডাগি আনে, মাত্তর্ নম্রগানে সর্মান আনে।

গম্ উপদেজ্ 22:4

নম্রগান আর লগেপ্রভু উগুরে ভোক্তিবলা দর্ ধন, সর্মান আর জিংকানি আনে।

গম্ উপদেজ্ 29:23

বাড়্‌বো গরানাগানে মান্‌‌‌‌‌‌জ্যরে তলে ফেলায়, মাত্তর্ নম্র স্বভাবর মান্‌‌জ্যে সর্মান পান্।

গম্ উপদেজ্ 3:34

যিগুনে ঠাট্টা-তামাজা গরন তারারেয়ো তে ঠাট্টা-তামাজা গরে, মাত্তর্ নম্রগুনোরে দোয়্যে গরে।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 54:7

এক মুহূত্তত্ত্যে মুই তরে ছাড়ি দুয়োং, মাত্তর্ গভিন্ কোচ্‌পানালোই মুই তরে ফিরেই আনিম।‍

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

মথি লেখ্যে গম্ হবর্ 13:12

কিয়া যিবের্ আঘে তারে আরঅ দিয়্যে অবঅ, আর সেক্কে তার্ বোউত্ অবাক্। মাত্তর্ যিবের্ নেই তার যিগুন্ আঘন্ সিগুন্অ তাত্তুন্ নেযা অবঅ।

মথি লেখ্যে গম্ হবর্ 23:12

যে কেঅ নিজোরে অজল্ গরে তারে বাদি গরা অবঅ আর যে কেঅ বাদি গরে তারে অজল্ গরা অবঅ।

লূকে লেখ্যে গম্ হবর্ 1:52

সিংহাসনত্তুন্ রাজাগুনোরে তে লামেই দিয়্যে, মাত্তর্ সাধারন মানুচ্চুনোরে তুলি ধোজ্যে।

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”

লূকে লেখ্যে গম্ হবর্ 18:14

“মুই তমারে কঙর্, সেই খাজানা-তুলিয়্যেবোরে গোজেনে নিদ্দুজি বিলি মানি লল আর তে ঘরত্ ফিরি গেলঅ। মাত্তর্ সেই ফরীশীবোরে তে নিদ্দুজি বিলি মানি ন-লল। যে কেঅ নিজোরে অজল্ গরে তারে তলে গরা অবঅ আর যে নিজোরে তলে গরে তারে অজল্ গরা অবঅ।”

যাকোব 4:10

প্রভুর মুজুঙোত্ নিজোরে তলে গরঅ, সালে তেয়ই তমারে তুলি ধুরিবো।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

১ শমূয়েল 2:3

তুমি আর বার্‌বো কধা ন-কোইয়ো, অহংকারর্ কধা তমা মুয়োত্তুন্ ন নিগিলোক্; কিত্যে লগেপ্রভু এধোক্ক্যেন গোজেন যে বেক্কানি হবর্ পাই, আর তেয়ই কামানি মাবি চাই।