যাকোব 4:15 - Chakma Bible

¹⁵ তাত্তুন্ বরং তমার এ কধাগান্ কনা উজিত্, “প্রভু যুনি আওজ্ গরে সালে আমি বাঁজি থেবং আর ইয়েন বা উবোন্ গুরিবোং।”

যাকোব 4:15 Iomraidhean Croise

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

আবিলেচ্ 3:37

যুনি লগেপ্রভু উগুম ন-দে সালে কন্না মুয়োদি কোইনে কিজু ঘোদেই পারে?

প্রেরিত্‌ 18:21

সালে সিয়োত্তুন যেবার্ অক্তত্ তে কলঅ, গোজেনর্ আওজ্ অলে মুই আরঅ ফিরি এইম্। সে পরেদি তে ইফিষত্তুন্ জাহাজত্ গুরি লদ্ দিলো।

রোমীয় 1:10

মর্ তবনাগান ইয়েন্, গোজেনর্ আয়োজে মুই যেন এবারত্ কনঅ বাবদে তমা ইধু যেই পারং।

রোমীয় 15:32

সেক্কে গোজেন আয়োজে মুই হুজি মনে তমা ইধু যেই পারং আর তমা সমারে থেইনে পরাণান্ জুড়েব।

১ করিন্হীয় 16:7

যেবার্ পধত্ ইক্কিনে মুই তমা সমারে দেগা গুরিবাত্তে ন-চাং, কিয়া মুই আজা গরং, প্রভুর অনুমতি অলে মুই তমা সমারে বেশ্ কিজু দিন থেম্।

১ করিন্হীয় 4:19

মাত্তর্ প্রভুর আওজ্ অলে মুই সবরে তমা ইধু এম্। যিগুনে দেমাগে ফুলি উত্ত্যন্ তারার কধাবাত্তানি শুনিবাত্যে ন-এম্, মাত্তর্ তারার্ খেমতাগান কত্তমান সিয়েন চেবাত্যে এম্।

ইব্রীয় 6:3

খালিক্ গোজেনর্ উগুমান পেলে আমি ভর্‌পুণোং ওই উদিবোং;

যাকোব 4:16

সিয়েনর্ বদলে দেগা যাত্তে, তুমি ভারী দেমাগী আর বার্‌বোলোই ভরা। এবাবোত্যে বেক্‌ দেমাগ্‌কানি ভান্ন্যেই।