যাকোব 3:6 - Chakma Bible

⁶ সেধোক্ক্যেন জিলান্অ ঠিগ্ আগুনো ধোক্ক্যেন। আমা কিয়্যেগানিত্ যেদক্কানি জিনিস্ আঘে সিয়েনি ভিদিরে জিলান্ যেন এক্কান ভান্ন্যেয়র্ দুনিয়া। নরগর্ আগুনোত্ জুলি উদিনে তে গোদা কিয়্যেগানরে বর্‌বাদ্ গরে আর জিংকানি-পধত্ আগুন ধোরেই দে।

যাকোব 3:6 Iomraidhean Croise

২ শমূয়েল 16:20

যেরেন্দি অবশালোমে অহীথোফলরে কলঅ, “এবেরা আমি কি গুরিবোং? তুই কি সল্লা দুয়োচ্‌?”

২ শমূয়েল 19:43

জোবত্‌ ইস্রায়েলর মানুচ্চুনে যিহূদার মানুচ্চুনোরে কলাক্, “আমি দশ গুট্টি বিলি রাজা দায়ূদো উগুরে তমাত্তুন বেশ্‌ আমার অধিকার অাঘে। সেনত্তেই তুমি কিত্তে আমারে এধোক্ক্যেনগুরি ঈচ্ গরর্‌? আমা রাজারে ফিরেই আনিবার কধা কি আমি পোইল্যে ন-কোই?” মাত্তর্‌ ইস্রায়েলর মানুচ্চুনোত্তুন্‌ বেশ্‌ যিহূদার মানুচ্চুনোর কধানি কোচ্‌‌কোচ্যে বিলিনে মনে অলঅ।

২ বংশধর 13:17

অবিয় আর তা মানুচ্চুনে বোউত্‌ মান্‌জ্যরে মারে ফেলেলাক্‌। সেক্কে ইস্রায়েলীয়গুনোর বেঈ-লোইয়্যে মানুচ্চুনো ভিদিরেত্তুন্‌ পাচ্‌ লাখ্‌ মানুচ্‌ মারা পড়িলাক্‌।

গীতসংহিতা 140:3

সাপ ধোক্ক্যেন তারা জিলানি ধারেয়্যে গোজ্যন্; তারা ঠুট্‌ঠুনো তলে যেন সাপ বিষ আঘে।

গীতসংহিতা 64:3

তারা যেন লাম্বা ছুরি ধোক্ক্যেন গুরি জিলান্ দারেই রাগেয়োন, তারার্ থিদে কধার সেলুন ধনুগানত্ লাগেই রাগেয়োন;

গম্ উপদেজ্ 15:1

গমেডালে জোব্ দিলে রাগ্ কুমি যায়, মাত্তর্ কড়া কধানিয়ে রাগ্ বাড়েই দে।

গম্ উপদেজ্ 16:27

চিগোন মন মানুচ্ বজং কাম গুরিবাত্তে কুজুরোমি গরে; তা কধাবাত্তানি পুড়ি দেদে আগুনো ধোক্ক্যেন্।

গম্ উপদেজ্ 6:19

মিজে কধা কোইয়্যে মিজে সাক্ষি, আর ভেইয়্যে ভেইয়্যে যাগুলুক্ বাজেয়্যে মানুচ্।

গম্ উপদেজ্ 7:5

যেনে তারা তরে বেশ্যেগুনো আঢত্তুন্ রোক্ষ্যে গরন্, রোক্ষ্যে গরন সেই মিদে কধালোই ভরা ভান্ন্যেই পধেদি যেইয়্যে মিলেগুনো আঢত্তুন্।

যিশাইয় 30:27

চঅ, লগেপ্রভুর্ জোল্‌‍‌জোল্যে রাগ্‌‍‌কান আর ঘুর্‌‍‌ঘুজ্যে ধূমোগান মেঘ সমারে দূরোত্তুন্ এজের্; তা মুয়োন জদবদে রাগে ভরা আর তার জিলান্ পুড়ি ফেলাইদ্যে আগুনো ধোক্ক্যেন্।

যিশাইয় 50:11

মাত্তর্ তুমি যিগুনে আগুন জ্বালেয়ো আর বম্বালোই নিজো বেবস্থাগান গোজ্য, তুমি বেক্কুনে যেইনে তমা আগুনো পহর্‌‌‌‌লোই আর বম্বাগুনো পহ্‌‌‌‌রান্দোই আঢ। মঅ আঢত্তুন্ তুমি যিয়েনি পেবা সিয়েনি অলঅ, পিড়েলোই তুমি পড়ি থেবা।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 28:16

সেনত্তে লগেপ্রভু কোইয়্যেদে, ‘মুই তরে পিত্‌থিমীর উগুরেত্তুন সোরেই দিবাত্তে যাঙর্। এ বজরত্ তুই মুরি যেবে, কিত্তে তুই লগেপ্রভুর বিরুদ্ধে উল্লোমির কধা ফগদাং গোজ্যস্।’ ”

লেবীয় 24:11

সেক্কে সেই ইস্রায়েলীয় মিলেবোর্‌ পূঅবো এক্কান ভান্ন্যেই নাঙে লগেপ্রভুর্ নাঙ্‌ নিইনে অভিশাব্ দিলো। সিয়েন্‌ শুনিনে মানুচ্চুনে তারে মোশি ইদু নেযেলাক্। পূঅবোর মাবো নাঙান্‌ এলঅ শালোমীৎ। তে দান-গুট্টির দিব্রির ঝি। ইয়েন পৌইদ্যেনে লগেপ্রভুর আওজচান্ কি সিয়েন্‌ তাত্তুন্‌ জানিবাত্তেই ইস্রায়েলীয়গুনে সে মানুচ্চোরে আক্‌সো রাগেলাক্‌।

গণাণা 25:2

এই বেক্‌ মিলেগুনে তারার্‌ দেব-দেবেদাগুনোর নাঙে য়েমানডালির্ উৎসবত্‌ ইস্রায়েলীয়গুনোরে বাত্যেয়োন, আর ইস্রায়েলীয়গুনেয়ো তারা লগে খানা-দানা গুরিনে সেই বেক্‌ দেবেদাগুনোরে পূজো গুরিলাক্।

গণাণা 31:16

পিয়োর মুড়োবোর্‌ ঘটনাত্‌ ইগুনে দঅ বিলিয়মর্‌ সল্লামজিম ইস্রায়েলীয়গুনোরে লগেপ্রভুর ইত্তুন্‌ দূরোত্‌ সোরেই যানার্‌ কারণ ওইয়োন, যিয়েনর্‌ কারনে লগেপ্রভু মানুচ্চুনো ভিদিরে ভানা(বড়্‌পিড়ে) দেগা দিয়্যে।

মথি লেখ্যে গম্ হবর্ 12:24

যেক্কে ফরীশীগুনে এ কধাগান শুনিলাক্, তারা জোব্ দিলাক্, “তে দঅ বানা অসিজি আত্মাগুনোর্ রাজা বেল্‌সবূল বলে অসিজি আত্মাগুনোরে ধাবাই।”

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

মার্ক 7:15

বারেত্তুন্ যিয়েনি মান্‌জ্য ভিদিরে যায় সিয়েনি মান্‌জ্যরে অসিজি গুরি ন-পারে, বরং মান্‌জ্য ভিদিরেত্তুন্ যিয়েনি নিগিলি এজে সিয়েনি মান্‌জ্যরে অসিজি গরে।”

লূকে লেখ্যে গম্ হবর্ 16:24

সেক্কে তে রঅ ছাড়িনে কলঅ, বাবা অব্রাহাম, মরে দোয়্যে গর্। লাসাররে পাধেই দে যেন তে তা আঙুলো মাঢাগুন্ পানিত্ ভুরেইনে মঅ জিলান্ ঠান্ডা গরে। এই আগুনোত্ মুই অমকদ দুঘ্ পাঙর্।”

প্রেরিত্‌ 20:30

এমন্‌ কি, তমা নিজো ভিদিরেত্তুন্ মানুচ্চুনে উদিনে গোজেনর্ সত্যগানরে মিজে বানেবার্ চেষ্টা গুরিবাক্ যেন বিশ্বেজিগুনোরে নিজো দলত্ টানি পারন্।

প্রেরিত্‌ 5:3

সেক্কে পিতরে কলঅ, “অননিয়, কেধোক্ক্যেন্ গুরিনে শদানে তঅ মনান্ এবাবোত্যেগুরি গজক্ গুরিলো যে, তুই পবিত্র আত্মা ইধু মিজে কধা কলে আর ভূই বেস্যে টেঙাত্তুন্ কিজু নিজোত্তে থোই দিলে?

প্রেরিত্‌ 6:13

তারা কয়েক্কো মিজে সাক্ষী আনিলাক্। এ মিজে সাক্ষীগুনে কলাক্, “এ মানুচ্চো নিত্য উবোসনা-ঘর বিরুদ্ধে আর মোশির আইন-কানুনো বিরুদ্ধে কধা কয়।

দ্বি’লম্বর বিররণ 13:6

পিত্‌থিমীর এক দুঝিত্তুন অন্য দুঝি সং তমার চেরোকিত্তে কায়কুরে বা দূরোর মানুচ্চুনে যে দেব-দেবেদাগুনোরে পূজো গুরিদাক, যিগুনে তমার আর তমার পুরোণিমানুচ্চুনোর অজানা সেই দেব-দেবেদাগুনোন্দি যুনি তমার নিজোর ভেই বা তমার পূঅ বা ঝি অথবা আদরর্‌ মোক্‌ বা তমার পরাণর সমাজ্যে তরে গায় গায় পেইনে ভান্ন্যেই পদেন্দি নেযেবাত্তে কন্‌, আদিচ্‌, আমি যেইনে দেব-দেবেদাগুনোর পূজো গুরিই,

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

যাকোব 2:7

যিবের্ নাঙ ধগে তমারে ডাগা অয় তাগোয়্যেগুনে কি সেই সর্মান নাঙানর্ নিন্দে ন-গরন্?

যাকোব 3:7

মানুচ্ নানান্ বাবোত্যে য়েমান, পেক্, বুগেদি-আঢি বেড়েয়্যে প্রাণি আর সাগর প্রাণিরে দোঙেই রাগেই পারন্ আর রাগেয়োন্,

২ পিতর 3:3

পত্তমে এ কধাগান মনত্ রাগেয়ো, যিগুনোর্ গম কাম পৌইদ্যেনে ঠাট্টা-তামাজা গরানার্ খাচ্চ্যদ্ তারা শেজ্ কালত্ এইনে ঠাট্টা-তামাজা গুরিবাক্। তারা নিজোর্ কামনা-বাচনালোই চলিবাক্,

৩ যোহন 1:10

সেনত্যে তে যিয়েনি গরের্ মুই এযানার্ পরেদি সিয়েনি বেক্কুনোরে জানেম। তে আমা বিরুদ্ধে ইংসে গুরিনে বোউত্ মিজে কধা কোইয়্যে। সিয়েনিলোইও সুগি ন-ওইনে তে নিজেয়ো ভেইয়ুনোরে মানি ন-লয় আর যিগুনে তারারে মানি লবাত্যে চাদন্ তারারেয়ো মানা গরের্ আহ্ মন্ডলীত্তুন্ নিগিলেই দের্।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।

ফগদাং পেইয়্যে 18:23

চেরাগ পহ্‌রান্ আর কনদিনঅ তমা ইধু ন-জ্বলিবো। নুয়ো বৌ-জামেয় মুয়োত্তুন্ আবাজ্অ আর তমা ভিদিরে কনদিনঅ শুনো ন-যেবঅ। তর্ বেবসায়ীগুনে পিত্‌থিমীত্ নাঙ্‌‌গিনেপারা এলাক্, আর বেক্‌ জাদ্‌‌তুনে তর্ যাদুর ছলনায় ভুলিদাক্।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।