যাকোব 3:5 - Chakma Bible

⁵ জিলান সেধোক্ক্যেন্; কিয়্যেগানর্ এক্কান চিগোন জিনিস্ অলেয়ো সিয়েনে বোউত্ দাঙর্ দাঙর্ কধা কয়। আরঅ সামান্য এক্কেনা গুরি আগুনে কেধোক্ক্যেন গুরি এক্কান দাঙর্ ঝাররে পুড়ি ফেলেই পারে!

যাকোব 3:5 Iomraidhean Croise

ইয়োব 22:17

যুনিয়ো গম্‌ গম্‌ পযাপিরালোই তে তারার্‌ ঘরানি ভোরেইয়্যে, তো তারা গোজেনরে কোইয়োন্দে, তুই দূর্‌ অ। বেগত্তুন্‌ খেমতাবলা গোজেনে আমারে কি গুরি পারিবো? মাত্তর্‌ মুই শদানুনোর্‌ সল্লাত্তুন্‌ দূরোত্‌ থাং।

গীতসংহিতা 10:3

পাজি মান্‌‌জ্যে তার্ মনর্ ভান্ন্যেই আওজর্ বার্‌বো গরে; লুভি মান্‌‌জ্যে লগেপ্রভুরে অভিশাব দে আর তারে ঈচ্ গরে।

গীতসংহিতা 17:10

তারার বাজে মনর্ দুয়োরান তারা নাঢি রাগেয়োন; তারার্ মুয়োদি বার্বো কধা নিগিলে।

গীতসংহিতা 39:1

মুই কলুং, “মর্ আঢি যানা পৌইদ্যেনে মুই উজিয়ার থেম্, যেনে জিলান্দোই মুই পাপ ন-গরং; যেদক্কন্ পাজিগুনে মঅ মুজুঙোত্ থেবাক্ সেদক্কন্ সং মর্ মুয়োন্ মুই বানি রাগেম।”

যাত্রা 15:9

শত্রুবো কলঅ‌, মুই তারারে লোড়েম্‌, ধুরি ফেলেম আর তারার্ পযাপিরানি ভাগ গুরি নেযেম্‌; মুই নিজোরে ফেলেং ফেলেং গুরিম সেই বেক্‌ পযাপিরানিলোই। মুই লাম্বা ছুড়িলোই তারারে লোড়েম।

যাত্রা 5:2

মাত্তর্‌ ফরৌণে কলঅ, “কন্না আরঅ এই লগেপ্রভু, মুই যে তা উগুম্‌ মানিনে ইস্রায়েলীয়গুনোরে যেবাত্তে দিম? এই লগেপ্রভুরেয়ো মুই ন-চিনোং আর ইস্রায়েলীয়গুনোরেয়ো মুই যেবাত্তে ন-দিম।”

গম্ উপদেজ্ 12:18

আপাদাজ্যে কধা ছুরি ধোক্ক্যেন্ বুগোত্ ফুদে, মাত্তর্ জ্ঞানীগুনোর্ কধা গম্ লাগে।

গম্ উপদেজ্ 15:2

জ্ঞানী মান্‌জ্যর মুয়োনে জ্ঞানান্ গমেডালে বেবহার গরে, মাত্তর্ জ্ঞাননেইয়্যে মুয়োনিত্তুন্ ভুল্-বেদমা গঙার ধোক্ক্যেন নিগিলি এজে।

গম্ উপদেজ্ 18:21

মুয়ো কধানি উগুরে নির্ভর গরে জিংকানি আর মরণান; যিগুনে যগাজ্যে কধা কবাত্তে গম্ পান তারা সিয়েনর ফল পেবাক্।

গম্ উপদেজ্ 26:20

আগুনোত্ ধার্‌বো ন-দিলে আগুনান্ মুরি যায়; নিন্দে গুরিয়্যে ন-থেলে কোল্-কোজ্যেয়ো থামায়।

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

যাকোব 3:4

আরঅ চঅ, জাহাজ্‌চান যুনিয়ো বোউত্ দাঙর্ আর জোরে বৈয়্যেরানে সিয়েন ঠিলিনে নেযায় তো বানা চিগোন্ এক্কান পাঙেইলোই নাবিক্কো সিয়েনরে যিন্দি মনে কয় সিন্দি নেযেই পারে।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।