যাকোব 3:3 - Chakma Bible

³ ঘোড়াবোরে কামত্ লাগেবাত্যে আমি তা মুয়োনত্ দুড়ি বানি দিই, আর সেক্কে তারে যিধু মনে কয় সিধু চালেই নি পারিই।

যাকোব 3:3 Iomraidhean Croise

২ রাজাবলী 19:28

তুই মঅ বিরুদ্ধে রাগে ফুলি উঠ্যচ্‌ বিলি আর তঅ দেমাগ কধানি মঅ কানত্‌ এচ্ছে বিলি মুই তঅ নাগত্‌ মঅ কেবাবো লাগেম্‌ আর তঅ মুয়োনত্‌ মর্‌ লাগামান্‌ লাগেম্‌; আর যে পথ্‌তানন্দি তুই এচ্ছোস্‌ সে পথ্‌তানন্দি ফিরি যেবাত্তে মুই তরে বাধ্য গুরিম্‌।

ইয়োব 41:13

তা কিয়্যের্ চামানি কন্না খুলি দি পারে? কন্না তার্ দাদঅ সিলুম্মো ফাদি দি পারে?

গীতসংহিতা 32:9

তুমি ঘোড়া বা গাধা ধোক্ক্যেন ন-ওয়ো যিগুনোর বুঝিবার খেমতা নেই; মুয়োত্ লাগাম আর দুড়িলোই তারারে দোঙেই রাগা পড়ে, সিয়েনি ন-দিলে তারা তমা ইদু ন-এবাক্।

গীতসংহিতা 39:1

মুই কলুং, “মর্ আঢি যানা পৌইদ্যেনে মুই উজিয়ার থেম্, যেনে জিলান্দোই মুই পাপ ন-গরং; যেদক্কন্ পাজিগুনে মঅ মুজুঙোত্ থেবাক্ সেদক্কন্ সং মর্ মুয়োন্ মুই বানি রাগেম।”

যিশাইয় 37:29

তুই মঅ বিরুদ্বে রাগ্ গোজ্যস্ বিলিনে আর তঅ দেমাগর্ কধা মঅ কানত্ এচ্চ্যে বিলিনে মুই তঅ নাগ্‌কোত্ মঅ হেবাবো লাগেম্, আর যে পথ্‌তানন্দি তুই এচ্চ্যস্ সে পথ্‌‌তানন্দি ফিরি যেবাত্তে মুই তরে বাধ্য গুরিম।

যাকোব 1:26

কেঅ যুনি নিজোরে ধার্মিক মনে গরে অদচ নিজোর্ জিলানরে ন-সামালায় তে নিজোরে থগায়। তার্ ধর্মর্ কামানি মিজে।

যাকোব 3:4

আরঅ চঅ, জাহাজ্‌চান যুনিয়ো বোউত্ দাঙর্ আর জোরে বৈয়্যেরানে সিয়েন ঠিলিনে নেযায় তো বানা চিগোন্ এক্কান পাঙেইলোই নাবিক্কো সিয়েনরে যিন্দি মনে কয় সিন্দি নেযেই পারে।