যাকোব 3:2 - Chakma Bible

² আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।

যাকোব 3:2 Iomraidhean Croise

১ রাজাবলী 8:46

তারা যেক্কে তঅ বিরুদ্ধে পাপ গুরিবাক্‌-অয় পাপ ন-গোজ্যে এধোক্কেন মানুচ্‌ নেই-আর তুই তারা উগুরে বেজার্‌ ওইনে শত্রুর্‌ আঢত্‌ তারারে তুলি দিবে আহ্‌ শত্রুগুনে তারারে বন্দী গুরিনে কায়-কুরে বা দূরোত্‌ তারার্‌ নিজোর্‌ দেজত্‌ নেযেবাক্‌,

২ বংশধর 6:36

তারা যেক্কেনে তঅ বিরুদ্ধে পাপ গুরিবাক্-পাপ ন-গোজ্যে এধোক্ক্যেন মানুচ্‌ নেই-আর তুই তারা উগুরে বেজার্‌ ওইনে শত্রুগুনো আঢত্‌ তারারে তুলি দিবে আর শত্রুগুনে তারারে বন্দী গুরিনে কায়-কুরে বা দূর্‌ দেজত্‌ নেযেবাক্‌,

ইয়োব 15:13

ইয়েন্দোই দঅ তুই গোজেন বিরুদ্ধে রাগ গোজ্যস্‌ আর এ বেক্‌ কধানি তঅ মুয়োত্তুন্‌ নিগিলেয়োচ্।

গীতসংহিতা 34:13

সালে তে জিল্লোই বজং কধা ন-হোক্, আর ঠুট্‌তোই ছলনার্ কধা বার্ ন-গোরোক্।

গীতসংহিতা 39:1

মুই কলুং, “মর্ আঢি যানা পৌইদ্যেনে মুই উজিয়ার থেম্, যেনে জিলান্দোই মুই পাপ ন-গরং; যেদক্কন্ পাজিগুনে মঅ মুজুঙোত্ থেবাক্ সেদক্কন্ সং মর্ মুয়োন্ মুই বানি রাগেম।”

গম্ উপদেজ্ 10:19

বেজ্ কধা ভিদিরে ভান্ন্যেই কিজু থায়, মাত্তর্ যে তা মুয়োন দোঙেই রাগায় তে বুদ্ধবলা।

গম্ উপদেজ্ 13:3

যে তা মুয়োন উজিয়ার গুরি রাগায় তে তা পরাণান্ বাজায়, মাত্তর্ যে উজিয়ার ন-ওইয়্যে গুরি কধা কয় তার দজা অয়।

গম্ উপদেজ্ 20:9

কন্না কোই পারে, “মঅ মনান্ মুই দোল্ গোজ্যং, মঅ পাপত্তুন্ মুই সাব্ ওইয়োং”?

গম্ উপদেজ্ 21:23

যে তার মুয়োন আর জিলান্ উজিয়ারে রাগায় তে দজাত্তুন্ নিজোরে রোক্ষ্যে গরে।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

লেবীয় 13:39

সালে ধর্মগুরুবো সিয়েন্‌ পোরোক্ষ্যে গুরি চেবঅ। যুনি সে দাগ্‌কানি রঙ্‌মোজ্যে ধুব্‌ অয় সালে বুঝো পড়িবো চামাড়াগান উগুরে ধুব্‌ ওইয়্যে আর সেক্কে কনঅ ক্ষোতি ন-অবঅ, তে শুদ্ধো-সাংগ।

মথি লেখ্যে গম্ হবর্ 12:34

সাপ গুট্টিগুন! নিজে ভান্ন্যেই ওইনে কেধোক্ক্যেন্ গুরি তুমি গম্ কধা কোই পারঅ? মান্‌জ্যর্ মনানি যিয়েনিলোই ভরা থায় মুয়োনে দঅ সে কধানি কয়।

মথি লেখ্যে গম্ হবর্ 12:37

তঅ কধালোই তরে নিদ্দুজি কুয়ো অবঅ আর তঅ কধালোই তরে দুষি কুয়ো অবঅ।”

রোমীয় 3:10

পবিত্র বোইবোত্ লেগা আঘে: নিদ্দুজি কেঅ নেই, একজন-অ নেই;

রোমীয় 7:21

সালে মুই নিজো ভিদিরে এক্কান সুদোমরে কাম্ গত্তে দেগঙর্। সেই সুদোমান্ অলঅ এই-যিয়েনি গম্ সিয়েনি যেক্কে মুই গুরিবাত্তে চাং সেক্কে ভান্ন্যেয়ান নিত্য ম ইধু থায়।

১ করিন্হীয় 9:27

মুই বরং কিয়্যেগানরে দুঘ্ দিইনে নিজো অধিনোত্ রাগেয়োং, যেন অন্যগুনো ইধু গম্ হবর্ প্রচার গরানার্ পরেদি মুই নিজে বক্‌শিজ্‌ পেবার অযোগ্য ওই ন-পরং।

গালাতীয় 3:22

মাত্তর্ পবিত্র বোইবো বেক্‌ মানুচ্চুনোরে পাপত্যে দুষি বিলিনে থির্ গোজ্জ্যে, যেন যীশু খ্রীষ্ট উগুরে যিগুনে বিশ্বেজ্ গরন্ সিগুনে তারার্ সেই বিশ্বেজর্ কারনে এগেম্-গোজ্জ্যে বরান্ পেই পারন্।

গালাতীয় 5:17

পাপ-খাচ্চ্যত্‌তানে যিয়েন চায় সিয়েন পবিত্র আত্মার্ বিরুদ্ধে আর পবিত্র আত্মাগানে যিয়েন চায় সিয়েন পাপ-খাচ্চ্যদর্ বিরুদ্ধে। পাপ-খাচ্চ্যত্‌তানে আর পবিত্র আত্মাগানে একজন আরেকজন বিরুদ্ধে কোইনে তুমি যিয়েন গুরিবাত্যে চঅ সিয়েন ন-গোজ্জ্য।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

যাকোব 1:26

কেঅ যুনি নিজোরে ধার্মিক মনে গরে অদচ নিজোর্ জিলানরে ন-সামালায় তে নিজোরে থগায়। তার্ ধর্মর্ কামানি মিজে।

যাকোব 1:4

সেই ধৈয্যগুণানরে তমা জিংকানিত্ পুরোপুরি গুরিনে কাম গুরিবাত্যে দুয়ো, যেনে তুমি পাগানা আর থুদো নেইয়্যে ওইনে উদি পারঅ, অত্তাৎ তমা খাচ্চ্যদ ভিদিরে যেন কনঅ বাবোত্যে অভাব ন-থায়।

যাকোব 2:10

যে মানুচ্চো বেক্ রীদি-সুদোমানি পালন গুরিনেয়ো বানা এক্কান পৌইদ্যেনে পাপ গরে তে বেক্‌ রীতি-সুদোমানি অমান্য গোজ্জ্যে বিলি কুয়ো অবঅ।

১ পিতর 3:10

পবিত্র বোইবোত্ লেগা আঘে, যে সুগী জিংকানি কাদেবার্ চায় আর সুদিন চেবার্ আজা গরে, ভান্ন্যেই কধাত্তুন্ তা জিলানরে, ছলনার্ কধাত্তুন্ তা ঠুদ্‌তোরে তে সামোলোক্।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।