যাকোব 3:18 - Chakma Bible

¹⁸ যিগুনে শান্তির্ চেষ্টা গরন্ তারা শান্তিয়ে বীজি ফেলান আর সিয়েনর্ ফল অলঅ সৎ জিংকানি।

যাকোব 3:18 Iomraidhean Croise

গীতসংহিতা 92:14

শেজ্ বয়জত্‌অ তারা ফল দিবাক্; তারা রসিক্ আর ফোত্‌পোত্যে অবাক্।

গম্ উপদেজ্ 11:18

পাজি মান্‌জ্যে যিয়েনি আয় গরন্ সিয়েনি মিজে, মাত্তর্ যে গোজেন ভোক্তির বীজ ফেলায় তে ঘেচ্চেক্‌‌গুরি তা খেত্-খেত্তিগানি কাবিবো।

গম্ উপদেজ্ 11:28

যে তার ধন উগুরে বিশ্বেজ্ গরে তার পতন্ অবঅ, মাত্তর্ গোজেন ভক্ত মানুচ্চুনে য়েল্ গাজ পাদা ধোক্ক্যেন ফোত্‌ফোত্যে থেবাক্।

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

হোশেয় 10:12

তুমি নিজোত্তে ন্যায়র্ বীজি ফেলঅ, বিশ্বেজর্ ফল কাবঅ আর তমার্ চাজ্ ন-গোজ্যে মনান্ ভাঙ, কিত্যে লগেপ্রভু ইন্দি ফিরিবার সময় ওইয়্যে। যেক্কে তুই সিয়েন গুরিবে সেক্কে তে এইনে তমা উগুরে সততার্ ঝড় দিবো।

আমোষ 6:12

খামা মুড়োত্ কি ঘোড়াগুন দাবা দুয়োন্? কনজনে কি সিদু বলদ গোরুলোই চাষ গরন্? মাত্তর্ তুমি ন্যায়বিচেরানরে বিষ ধোক্ক্যেন গোজ্য আর তিদে ধোক্ক্যেন গোজ্য সততার ফলানরে।

মথি লেখ্যে গম্ হবর্ 5:9

মান্‌‌জ্যর্ জিংকানিত্ শান্তি আনিবাত্তে যিগুনে কাম্ গরন্ তারা বর্‍‍‍পেইয়্যে, কিয়া গোজেনে তারারে নিজোর্ পুয়ো বিলিনে ডাগিবো।

যোহন 4:36

যে শোজ্য কাবে তে ইক্কিনে বেতন পার্ আর উমর্‌‌অ জিংকানিত্যে শোজ্য থুবেই রাগার্। সিয়েনত্যে যে বীজ্ সিদে আর যে শোজ্য কাবে, দ্বিজনে সং সং গুরি হুজী অন্।

গালাতীয় 6:8

পাপ-খাচ্চ্যদরে হুজী গুরিবার বীজি লাগেলে সিয়েনত্তুন্ ভস্তর্ ফসল এবঅ। মাত্তর্ পবিত্র আত্মারে হুজী গুরিবার বীজি লাগেলে সিয়েনত্তুন্ উমর্‌অ জিংকানির্ ফসল এবঅ।

ইব্রীয় 12:11

শাসনানরে আমি হুজির্ বেপার বিলিনে মনে ন-গুরিই, বরং দুঘোর্ বেপার বিলিনে মনে গুরিই; মাত্তর্ গোজেনর্ শাসন মানি লনার্ ফল অলঅ সুগে-শান্দিয়্যে গম্ জিংকানি।

যাকোব 1:20

কিয়া গোজেনে আমাত্তুন্ যে গম্ জিংকানি আজা গরে সিয়েন রাগর্ পৌইদ্যেনে ন-এজে।