যাকোব 3:15 - Chakma Bible

¹⁵ এবাবোত্যে জ্ঞান স্বর্গত্তুন্ লামি ন-এজে, বরং পিত্‌থিমীর্, ভান্ন্যেই আওজর্ আর ভান্ন্যেই আত্মাগুনো সমারে তার্ উদোন্ বজন্;

যাকোব 3:15 Iomraidhean Croise

২ শমূয়েল 13:3

দায়ূদো ভেই শিমিয়োর পূঅ যোনাদব অলদে অম্মোনর সমাজ্যে। তে এলদে অমকদ চালাগ্।

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 16:23

সেক্কে দিনোত্‌ অহীথোফলর দিয়্যে সল্লাগানরে মনে গুরিদাক্ যেনে সিয়েনি গোজেনর ইত্তুন্‌ এচ্যে। অহীথোফলর সল্লাগানরে দায়ূদে আর অবশালোমে দ্বিজনে সিয়েনই মনে গুরিদাক্।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

লূকে লেখ্যে গম্ হবর্ 16:8

সেই চাগর্‌বো অসৎ অলেয়ো বুদ্ধি গুরি কাম্ গুরিলো বিলি গিরোজে তারে নাঙ্ গিনিলো। ইয়েন্দোই বুঝো যায় যে, এ জগদর্ মানুচ্চুনে নিজো ধোক্ক্যেন্ মানুচ্চুনো সমারে আচার-বেবহারে পঅর্ রেজ্যর্ মানুচ্চুনোত্তুন্-অ বেশ্ বুদ্ধিবলা।

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

রোমীয় 1:22

যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন।

১ করিন্হীয় 1:27

মাত্তর্ জগদ্‌তানে যিয়েনরে মূর্খতা বিলি মনে গরে গোজেনে সিয়েনই বেঈ লোইয়্যে যেন জ্ঞানীগুনে লাজান্। জগদ্‌তানে যিয়েনরে খেমতা নেইয়্যে মনে গরে গোজেনে সিয়েনই বেঈ লোইয়্যে যেন যিয়েন খেমতাবলা সিয়েন খেমতানেইয়্যে অয়।

১ করিন্হীয় 2:14

যে মানুচ্চো আত্মিক নয় তে গোজেনর্ আত্মাত্তুন্ যিয়েনি এজে সিয়েনি মানি ন-লয়, কিয়া সিয়েনি তা ইধু মূর্খতা। সিয়েনি তে বুঝি ন-পারে, কিয়া পবিত্র আত্মাগানে শিক্ষ্যে ন-দিলে সিয়েনি পোরোক্ষ্যে গুরি দেগা ন-যায়।

১ করিন্হীয় 3:19

কিয়া গোজেনর্ চোগেদি এ জগদর্ জ্ঞানান্ বানা মূর্খতা। পবিত্র বোইবোত্ লেগা আঘে, “গোজেনে জ্ঞানীগুনোরে তারার্ ছল-চালাগিগানিত্ ধরে।”

১ করিন্হীয় 3:3

কিয়া তুমি এজঅ পাপ-খাচ্চ্যদ অধীনোত্ আঘ। তমা ভিদিরে যেক্কে ইংসে আর কোল্-কোজ্যে গুরি আঘ সেক্কে কি তুমি পাপ-স্বভাবর্ অধীনোত্ নয়? আর তমা চালচলন কি এক্কুবারে সাধারন মান্‌‍‌‍‌‍‌‍জ্য ধোক্ক্যেন নয়? ‌‍

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

ফিলিপীয় 3:19

তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।

২ থিষলনীকীয় 2:9

সেই অবাধ্যবলা মরদ্‌‌তো যেক্কে এবঅ সেক্কে তা সমারে থেবঅ শদানর্ খেমতা। সেই খেমতাগান ফগদাং পেবঅ নানান্ বাবোত্যে মিজে চিহ্নোলোই, আমক্ অবার্ কাম আর খেমতাবলা কাম ভিদিরে,

১ তীমথিয় 4:1

পবিত্র আত্মাগানে গমেডালে কোইয়্যেদে, ভবিচ্চ্যদে কুদুক্কুন মানুচ্‌ খ্রীষ্টীয় ধর্ম-বিশ্বেজত্তুন্ সুরি যেবাক্ আর ছলনাগুরিয়্যে আত্মা আর ভান্ন্যেই আত্মাগুনোর্ শিক্ষ্যে ইন্দি মনানি দিবাক্।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

যিহূদা 1:19

এ মানুচ্চুনে দলাদলি সৃট্টি গরন্ আর তারা নিজোর আওজ্ মজিম চলন্। তারার্ মনভিদিরে পবিত্র আত্মা নেই।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 2:24

ও থুয়াতীরার মানুচ্চুন্, তুমি যিগুনে সেই শিক্ষ্যে মজিম ন-চলঅ আর যিবেরে শদানর্ সেই গভিন্ শিক্ষ্যে কুয়ো অয় সিয়েন কোই ন-পারঅ, তমারে মুই কঙর্: তমা উগুরে মুই অন্য কনঅ ভার্ ন-দিম।

ফগদাং পেইয়্যে 9:11

গভীন গাঢ্ দুনোবো এলদে এই পুগ্-যুগ্‌কুনোর্ রাজা। ইব্রীয় কধাদি সেই দূত্‌তোর নাঙান এলঅ আবদ্দোন আর গ্রীক কধাদি আপল্লুয়োন, অত্তাৎ ভস্ত গুরিয়্যে।