যাকোব 3:1 - Chakma Bible

¹ মর্ ভেইয়ুন্, তমাত্তুন্ বেক্কুনে মাষ্টর অবাত্যে ন-যেয়ো, কিয়া তুমি দঅ কোই পারঅ, আমি মাষ্টর্ বিলিনে অন্যগুনোত্তুন্ আমারে আরঅ দরমর গুরি বিচের্ গরা অবঅ।

যাকোব 3:1 Iomraidhean Croise

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

মালাখি 2:12

যিগুনে এবাবোত্যে কাম্ গরন তারা যুনিয়ো বা বেগত্তুন্ খেমতাবলা লগেপ্রভুর নাঙে উৎসর্বর জিনিস্‌ আনন্ তো লগেপ্রভু যাকোব বংশ ভিদিরেত্তুন্ তারারে বেক্কুনোরে শেষ্ গুরি দিবো। ‌‌‌

মথি লেখ্যে গম্ হবর্ 10:24

মাষ্টরত্তুন্ ছাত্র দাঙর্ নয় আর গিরোজত্তুন্ চাগর্ দাঙর্ নয়।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 23:14

ফক্কর্ ধর্ম-মাষ্টর আর ফরীশীগুন, অভিশাব্ পোড়োক্ তমার্! এক কিত্তেদি তুমি মানুচ্চুনোরে দেগেবাত্তে লাম্বা লাম্বা গুরি তবনা গরঅ, অন্য কিত্তেদি রানি মিলেগুনোর্ সোম্বোত্তিগানি গজক্ গরঅ। ইয়েনত্তে তমার্ বোউত্ বেশ্ সাজা অবঅ।

মথি লেখ্যে গম্ হবর্ 9:11

সিয়েন দেগিনে ফরীশীগুনে যীশুর শিচ্চ্যগুনোরে কলাক্, “তমা মাষ্টর্‌বো খাজানা-তুলিয়্যে আর বজং মানুচ্চুনো সমারে হানা-দানা কিত্তে গরে?”

লূকে লেখ্যে গম্ হবর্ 16:2

সেক্কে থাগোইয়্যে মানুচ্চো তারে ডাগিনে পুজোর্ গল্ল, তঅ পৌইদ্যেনে মুই ইয়েনি কি শুনঙর্? তঅ কামঅ ইজেব্‌পান দে, কিয়া তুই আর আজল্ চাগর্ ইজেবে থেই ন-পারিবে।

লূকে লেখ্যে গম্ হবর্ 6:37

“অন্যগুনোর দুষ্ ধুরিবাত্তে ন-নিগিল্ল্য, সেক্কে তমারেয়ো দুষি ধরা ন-অবঅ। অন্যগুনোরে সাজা পেবার্ যগাজ্যে বিলি মনে গরা ন-অবঅ। অন্যগুনোরে খেমা গরঅ, সেক্কে তমারেয়ো খেমা গরা অবঅ।

যোহন 3:10

সেক্কে যীশু তারে কলঅ, তুই ইস্রায়েলীগুনোর্ মাষ্টর্ ওইনেয়ো কি ইয়েনি ন-বুঝোচ্?

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

১ তীমথিয় 1:7

তারা যুনিয়ো নিজোর্ কধা নিজেই ন-বুঝোন্ আর যে পৌইদ্যেনে জোর্ দিইনে কদন্ সেই পৌইদ্যেনেয়ো ন-জানন্ তো তারা মোশির রীদি-সুদোমর্ মাষ্টর্ অবাত্যে চান।

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

২ তীমথিয় 1:11

আর এই গম্ হবরান জানেবাত্যে মরে প্রচারক, মাষ্টর ইজেবে নেযা ওইয়্যে।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

যাকোব 1:16

মর্ কোচ্‌‌পেইয়্যে ভেইয়ুন্, ভুল ন-গোজ্জ্য।

যাকোব 1:19

মর্ কোচ্‌‌পেইয়্যে ভেইয়ুন্, মর্ এ কধাগান খিয়েল্ গরঅ-তুমি বেক্কুনে শুনিবাত্যে আওজি অ, মাত্তর্ যাদিমাদি গুরি কধা কবাত্যে ন-যেয়ো বা রাগ ন-গোজ্জ্য;

যাকোব 3:10

আমা একই মুয়োদি বাঈনী গরানা আর অভিশাব্ নিগিলি এজে। মর্ ভেইয়ুন্, এবাবোত্যে অনা উচিত্ নয়।

১ পিতর 5:3

তমা তলেদি যিগুনে আঘন সিগুনো উগুরে প্রভু ন-ওইয়ো, বরং এমন্‌ অ যেনে তমারে দেগিনে তারা শিগি পারন্।