যাকোব 2:5 - Chakma Bible

⁵ মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

যাকোব 2:5 Iomraidhean Croise

১ রাজাবলী 22:28

সেক্কে মীখায় কলঅ, “যুনি তুই হামাক্কাই দোলেডালে ফিরি এজস্‌ সালে হ্‌বর পেবে লগেপ্রভু মঅ মাধ্যমে কধা ন-কয়।” সে পরেন্দি তে আরঅ কলঅ, “তুমি বেক্কুনে মঅ কধাগান্‌ শুনো।”

ইয়োব 34:10

সেনত্তে ও বুদ্ধিবলা মানুচ্চুন, মঅ কধাগান শুনো। গোজেনে যে ভান্ন্যেই কাম গরে, বেগত্তুন খেমতাবলা গোজেনে যে অন্যেয় গরে সিয়েন্ দূরোত্ থোক্।

ইয়োব 34:19

তে শাজন্‌গুরিয়্যেগুনোর তপ্পে ন-লয়, নাঢা মানুচ্চুনোরে ফেলেইনে তাগোয়্যেগুনোরে দাঙর্ মনে ন-গরে, কিত্যে তারা বেক্কুনে তার্ আঢ্‌‌তোই বানেয়্যে।

ইয়োব 38:14

মাদিত্ সীলমহর্ মারিলে যেধোক্ক্যেন সিয়েন গমেডালে দেগা যায়, সেধোক্ক্যেন দিনো পহ্‌রানে মুড়ো-মুড়িগুনোরে পোজাগর্ ভাজ্ ধোক্ক্যেন গমেডালে দেগা যায়।

যাত্রা 20:6

মাত্তর্‌ যিগুনে মরে কোচ্‌পান্‌ আর মর্‌ বেক্‌ উগুমানি পালান্‌, আজার্ আজার্ পুরুষ ধুরিনে তারা উগুরে মর্‌ বুক ভরা দোয়্যে থেবঅ‌।

গম্ উপদেজ্ 13:7

কেউ নিজোরে তাগোয়্যে দেগান্ মাত্তর্ তার কিচ্চু নেই; আরঅ কেউ নিজোরে নাঢা মানুচ্ দেগান মাত্তর্ তার বোউত ধন আঘে।

গম্ উপদেজ্ 7:24

মঅ পুয়োগুন, ইক্কিনে তুমি মঅ কধানি শুনো, মুই যিয়েনি কঙ্ সিয়নি কান পাদি শুনো।

গম্ উপদেজ্ 8:32

“মঅ পুয়োগুন, ইক্কিনে মঅ কধাগান শুনো; যিগুনে মঅ পধেদি চলন্ তারা সুগি।

যিশাইয় 14:32

এ জাদর্ দূত্‌তুনোরে কি জোব্ দিয়্যে যেবঅ? তারারে কুয়ো অবঅ, “লগেপ্রভু সিয়োনানরে থিদেবর্ গোজ্যে আর সিয়েন ভিদিরে অত্যেচার্ ওইয়্যে তা মানুচ্চুনে আশ্রয় পেবাক্।”

যিশাইয় 29:19

নম্র মানুচ্চুনে আরঅ লগেপ্রভুরে দেগিনে হুজি অবাক্, আর যিগুনে অমকদ নাঢা তারা ইস্রায়েলর সেই পবিত্র মানুচ্চোরে নিইনে ফুত্তি গুরিবাক্।

সফনিয় 3:12

যিগুনে লগেপ্রভু উগুরে বিশ্বেজ্ গুরিনে সেবাবোত্যে নত আর নম্র মানুচ্চুনোরে মুই তইদু বাগি রাগেম্।

সখরিয় 11:11

সেদিন্যে সিবে বাতিল অলঅ, সেনত্তে পালর্ দুঘ্ পেইয়্যেগুনে যিগুনে মরে খিয়েল্ গোজ্যন্ তারা হবর্ পেলাক্, ইয়েনির মাধ্যমে লগেপ্রভু কধা কোইয়্যে।

সখরিয় 11:7

কাবিবাত্তে যে ভেড়া পাল্লো ঠিগ্ ওই আঘে, বিশেজ্ গুরিনে সেই পালর দুঘ্ পেইয়্যেগুনোরে মুই চরা ধুরিলুং। সে পরেদি মুই দ্বিবে লুদিক্ নিলুং আর সিগুনোর এক্কোর্ নাঙ্ দিলুং দোয়্যে আর অন্যবোর্ নাঙান্ দিলুং মিজেনা; আর মুই সেই ভেড়া পাল্লো চরা ধুরিলুং।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 5:3

মনানদি যিগুনে নিজোরে নাঢা বিলি মনে গরন্ তারা বর্‍‍‍পেইয়্যে, কিয়া স্বর্গ-রেজ্যগান তারার্।

মার্ক 7:14

ইয়েনর্ পরেদি যীশু মানুচ্চুনোরে আরঅ তাইধু ডাগিনে কলঅ, “তুমি বেক্কুনে মঅ কধাগান্ শুনো আর বুঝো।

লূকে লেখ্যে গম্ হবর্ 12:21

যেরেদি যীশু কলঅ, “যে মানুচ্চো নিজোত্যে ধন-সোম্বোত্তি থুবোয় অদচ গোজেন চোগেদি তাগোয়্যে নয়, তা অবস্থা সেবাবোত্যে অয়।”

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

লূকে লেখ্যে গম্ হবর্ 16:22

“একদিন্ন্যে সেই ভিখারীবো মুরি গেলঅ। সেক্কে স্বর্গদূত্‌তুনে এইনে তারে অব্রাহাম ইধু নেযেলাক্। সে পরেদি একদিন্যে সেই থাগোইয়্যে মানুচ্চোয়ো মুরি গেলঅ আর তারে কবর্ দিয়্যে অলঅ।

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

লূকে লেখ্যে গম্ হবর্ 22:29

মঅ বাপ্পো যেবাবোত্যেগুরি মরে শাসন-খেমতা দান্ গোজ্যে সেবাবোত্যেগুরি মুইয়ো তমারে খেমতা দান গরঙর্।

লূকে লেখ্যে গম্ হবর্ 6:20

যেরেদি যীশু শিচ্চ্যগুনো ইন্দি রিনি চেইনে কুয়ো ধুরিলো, নাঢা মানুচ্চুন্, তুমি বর্‌পেইয়্যে, কিয়া গোজেন রেজ্যগান্ তমার্।

যোহন 7:48

নেতাগুনোত্তুন্ বা ফরীশীগুনোত্তুন্ কেঅ দঅ তা উগুরে বিশ্বেজ্ ন-গরন্?

প্রেরিত্‌ 7:2

জোবত্ স্তিফানে কলঅ, ও মর্ ভেইয়ুন্ আর বাব্‌লগ্, মঅ কধাগান শুনো। আমা পূরোণি মানুচ্ অব্রাহামে হারণ শঅরত্ বজত্তি গুরিবার আগেদি যেক্কে মেসোপতেমিয়া দেজত্ এলঅ সেক্কে বাঈনী গুরিবার গোজেনে তারে দেগা দিইনে কোইয়্যেদে,

রোমীয় 8:17

যুনি আমি পুয়ো-ছা ওই থেই সালে গোজেনে তা পুয়ো-ছা গুনোরে যিয়েন দিবো বিলিনে এগেম্ গোজ্জ্যে আমি সিয়েন পেবং। খ্রীষ্ট গোজেনত্তুন্ সিয়েন পেবঅ আর আমিয়ো তা সমারে সিয়েন পেবং; কিয়া যুনি আমি খ্রীষ্ট সমারে দুঘ্ ভুগি পারিই সালে তা সমারে মানীগুণির্‌‌‌অ ভাগি অবং।

১ করিন্হীয় 2:9

মাত্তর্ পবিত্র বোইবোর্ কধা মজিম, “গোজেনরে যিগুনে কোচ্‌‌পান তারাত্তে তে যিয়েন যিয়েন ঠিগ গুরি রাগেয়্যে, সিয়েনি কনজনে চোগেদিয়ো ন-দেগন্, কানেদিয়ো ন-শুনোন্ আর মনেদিয়ো ন-ভাবন্।”

২ করিন্হীয় 4:15

বেক্কানি তমার্ উপকারত্যে ওইয়্যে, যেন গোজেনর্ যে দোয়্যে ভালোক্কুন্ মান্‌জ্য উগুরে ঢালি দিয়্যে ওইয়্যে সেই দোয়্যেনত্যে ভালোকজনে গোজেনরে আরঅ বেশ্ গুরি ভালেদি জানান্ আর এবাবোত্যেগুরি গোজেনর্ বাঈনী অয়।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

ইফিষীয় 1:18

মুই আরঅ তবনা গরং যেন তমার মনর্ চোগ্‌কুন খুলো যায়, যেন তার্ ডাগানার্ কারনে তমা মনত্ যে আজা জাগি উঠ্যে সিয়েনি তুমি বুঝি পারঅ; আর সে লগে ইয়েন-অ বুঝি পারঅ যে, তা ইধু তা মানুচ্চুনে কত্তমান এক্কান দাঙর্ সোম্বোত্তি আর আমি যিগুনে বিশ্বেজি আমা মনত্ তার্ কত্তমান দাঙর্ বল্ কাম গরের্।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

২ থিষলনীকীয় 1:5

ইয়েনি বেক্কানি গোজেনর্ ন্যায় বিচেরর্ প্রমাণ। আর ইয়েনির উদ্দেচ্য অলঅ, তমারে যেন গোজেন রেজ্যর্ যগাজ্জ্যে বিলি ধরা অয়। ইয়েনত্যে দঅ তুমি এদক্ দুঘ্ পর্।

১ তীমথিয় 6:18

থাগোইয়্যেগুনোরে উগুম দে যেন তারা অন্যগুনোরে উপকার্ গরন, সৎ কামত থান্, খুলো আঢে দান গরন্ আর তারার্ ধন-সোম্বোত্তির্ ভাগ অন্যগুনোরেয়ো দুয়োন।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

ইব্রীয় 11:26

তে মিসরর্ ধন-সোম্বোত্তিত্তুন্ খ্রীষ্টত্যে অগমান্ অনার্ দামান বোউত বেশ্ বিলি মনে গুরিলো, কিয়া তা চোগ্‌কো এলদে বক্‌শিজ ইন্দি।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

যাকোব 1:16

মর্ কোচ্‌‌পেইয়্যে ভেইয়ুন্, ভুল ন-গোজ্জ্য।

যাকোব 1:19

মর্ কোচ্‌‌পেইয়্যে ভেইয়ুন্, মর্ এ কধাগান খিয়েল্ গরঅ-তুমি বেক্কুনে শুনিবাত্যে আওজি অ, মাত্তর্ যাদিমাদি গুরি কধা কবাত্যে ন-যেয়ো বা রাগ ন-গোজ্জ্য;

যাকোব 1:9

যে বিশ্বেজি ভেইবো নাঢা মানুচ্, গোজেনে তারে উগুরে তুল্ল্যে বিলিনে তে নিজোরে ভাগ্যত্যে মনে গোরোক্।

১ পিতর 1:4

অত্তাৎ ভবিচ্চদে এন্ এক্কান সম্বোত্তি পেবার আশ্বাস আমি পেইয়্যেই যিয়েন কনদিন্অ ভস্ত ন-অবঅ, যিয়েনত্ ভান্ন্যেই কিচ্চু ন-থেবঅ আর যিয়েন উমরত্যে নুয়ো থেবঅ। এ সোম্বোত্তিগান তমাত্যে স্বর্গত্ থুবেইয়্যে আঘে।

২ পিতর 1:11

ইয়েন্দোই আমা প্রভু আর উদ্দোর্ গুরিয়্যে যীশু খ্রীষ্টর্ উমরর্ রেজ্যগান আওজ্ গুরিনে মানি ল-পরিবো।

ফগদাং পেইয়্যে 2:9

তর্ দুঘ্ আর রাদ কালর্ কধা মুই কোই পারং, মাত্তর্ তো তুই থাগোইয়্যে। নিজোরে যিহূদী কলেয়ো যিগুনে যিহূদী নয় বরং শদানর্ দলর মানুচ্‌, তারা তঅ বিরুদ্ধে যিয়েনি কন্ সিয়েনি মুই হবর্ পাং।

ফগদাং পেইয়্যে 21:7

যে জিদিবো তে ইয়েনি বেক্কানির অধিকারী অবঅ। মুই তার্ গোজেন ওম্ আর তে মর্ পুয়ো অবঅ।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।

বিচের গুরিয়্যেগুন 9:7

যোথমরে এ কধাগান কুয়ো অলঅ। তে সেক্কে গরিষীম মুড়োবোর মাদাথ্‌ উদিনে রঅ ছারিনেই মানুচ্চুনোরে কলঅ, শিখিমোর মানুচ্চুন, মঅ কধাগান্‌ শুনো, সেক্কে গোজেনেয়ো তমা কধানি শুনিবো।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।