যাকোব 2:25 - Chakma Bible

²⁵ আর বেশ্যে মিলে রাহবরে কেধোক্ক্যেন গুরি নিদ্দুজি বিলিনে মানি লুয়ো ওইয়্যে? তে যিহূদী এস্পাইউনোরে লুগেই রাগেইনে পরেদি অন্য পধেদি তারারে পাধেই দিয়্যে, আর এ কামানত্যে তারে নিদ্দুজি বিলিনে মানি লুয়ো ওইয়্যে।

যাকোব 2:25 Iomraidhean Croise

মথি লেখ্যে গম্ হবর্ 1:5

সল্‌মোন পুয়ো বোয়স-তা মাবো অলঅ রাহব; বোয়স পুয়ো ওবেদ-তা মাবো অলঅ রূত; ওবেদ পুয়ো যিশয়;

মথি লেখ্যে গম্ হবর্ 21:31

এই দ্বিজন ভিদিরে কন্না বাব আওজ্‌চান পালন গল্ল?” সেক্কে ধর্ম-নেতাগুনে জোব্ দিলাক্, “পত্তম্ মানুচ্চো।” যীশু তারারে কলঅ, মুই তমারে ঘেচ্চেকগুরি কঙর্, খাজানা-দিয়্যেগুনে আর বেশ্যেগুনে তমা আগেদি গোজেন রেজ্যত্ সমদন্,

প্রেরিত্‌ 17:7

আর যাসোনে তা নিজো ঘরত্ সিগুনোরে জাগা দিয়্যে। তারা বেক্কুনে সম্রাট কৈসরর্ উগুম্ অমান্য গুরিনে কদন্, তে বাদে যীশু নাঙে আরঅ এক্কো রাজা আঘে।”

ইব্রীয় 11:31

বিশ্বেজত্তে রাহব বেশ্যে মিলেবো যিরীহো শঅরত্ বজত্তি গুরিয়্যে অবাধ্য মানুচ্চুনো সমারে ভস্ত ন-অয়, কিয়া তে সেই চড়ুনোরে সমাজ্জ্যে ধোক্ক্যেন মানি লোইয়্যে।

যাকোব 2:18

অয়ত কেঅ কোই পারন্, “তর্ আঘে বিশ্বেজ্ আর মর্ আঘে সৎ কাম।” বেশ্, গম কধা। কাম ন-গোজ্জ্যে বাদে তর্ বিশ্বেজ্‌চান মরে দেগা আর মুই কামান্দোই মর্ বিশ্বেজ্‌চান তরে দেগেম্।

যাকোব 2:22

তুই দঅ দেগত্তে যে, তার্ বিশ্বেজ্‌চান আর কামান সেক্কে এক সমারে কাম গোজ্জ্যে আর তার কামানে তার্ বিশ্বেজ্‌চানরে পূরোগান্ দান গোজ্জ্যে।

যাকোব 2:24

সালে তুমি দেগর্, বানা বিশ্বেজ্‌চোই যে গোজেনে মান্‌জ্যরে নিদ্দুজি বিলিনে মানি লয় সিয়েন নয়, মাত্তর্ বিশ্বেজ্ আর কাম এ দ্বিয়েনত্যে গোজেনে মান্‌জ্যরে নিদ্দুজি বিলিনে মানি লয়।

যিহোশূয় 2:1

নূনর পূঅ যিহোশূয় শিটীমত্তুন দ্বিবে চড়রে এ কধাগান কোইনে গুমোরত্ পাধেই দিলো, “তুমি যেইনে সে দেজ্‌চান আর বিশেজ্ গুরি যিরীহো শঅরান্‌ গমে ডালে চেই এজঅ।” এই কধাগান শুনিনে তারা যিরীহো শঅরত্‌ গেলাক্‌। সিদু তারা রাহব নাঙে এক বেশ্যে মিলে ঘরত্‌ যেইনে রলাক্‌।

যিহোশূয় 2:15

মিলেবো যে ঘরানত্‌ থেদঅ সিয়েন এলদে শঅরর্‌ চেরোকিত্তে দেবালর এক দাক্‌; সেনত্তেই তে জানালা ভিদিরেন্দি দুড়িলোই তারারে কামান্দি লামেই দিলো।

যিহোশূয় 2:16

তে তারারে কলঅ, “তমারে যিগুনে ধুরিবাত্তে যেইয়োন তারা যেনে তমারে থোগেইনে ন-পান সেনত্তেই তুমি মুড়োত্‌ যগোই। তুমি তিন দিন সিদু লুগি থেবা; যেরেন্দি সে মানুচ্চুনে ফিরি এজানার পর্‌ তুমি তমার পদেন্দি যেবাগোই।”

যিহোশূয় 2:4

মাত্তর্ রাহবে সে দ্বিবে মান্‌জ্যরে লুগেই রাগেল। তে কলঅ, “অয়, মানুচ্চুনে মইদু এচ্চোন্‌ ঠিগ্‌, মাত্তর তারা কুত্তুন্‌ এচ্চোন্‌ সিয়েন মুই হ্‌বর ন-পাং।

যিহোশূয় 2:6

আজলে রাহবে সে দ্বিজনরে ছালঅ উগুরে নেযেইনে সিদু তার মিলি দিয়্যে মসীনার কাবড়্‌লোই নাঢি রাগেল।

যিহোশূয় 6:17

শঅ‌র আর তা ভিদিরে বেক্কানি লগেপ্রভুর দিয়্যে ভস্তর্ অভিশাবর তলেদি। বানা বেশ্যে রাহব আর তা ঘরত্‌ যিদুক্কুন মানুচ্‌ রোইয়োন তারা বাঁজি থেবাক্‌, কিত্যে আমার পাদেয়্যে মানুচ্চুনোরে তে লুগেই রাগেয়্যে।