যাকোব 2:23 - Chakma Bible

²³ এবাবোত্যে গুরি পবিত্র বোইবোর্ এ কধাগান পূরোণ ওইয়্যে, “অব্রাহামে গোজেন কধাগান বিশ্বেজ্ গুরিলো আর সেনত্যে গোজেনে তারে নিদ্দুজি বিলিনে মানি ললঅ।” সেনত্যে তারে গোজেনর্ দাংগু বিলিনে ডাগা ওইয়্যে।

যাকোব 2:23 Iomraidhean Croise

পত্থম 15:6

অব্রাম লগেপ্রভুর কধা বিশ্বেজ্ গুরিলো আর লগেপ্রভু সেনত্তে তারে ধার্মিক্‌ ইজেবে মানি ললঅ।

১ রাজাবলী 4:5

নাথনর পূঅ অসরিয়োর উগুরে এলদে নানান্ বাবোত্যে শাজেন্‌গুরিয়্যেগুনোর ভারান্; নাথনর পূঅ সাবূদ অলদে রাজার আপন্ সল্লাদিয়্যে;

২ বংশধর 20:7

ও আমার্‌ গোজেন, তঅ মানুচ্‌ ইস্রায়েলীয়গুনোর মুজুঙেত্তুন্‌ এ দেজর্‌ আদাম্মেগুনোরে ধাবেই দিইনে তুই সিয়েন্‌ তঅ সমাজ্যে অব্রাহাম বংশর মানুচ্চুনোরে উমরত্তে দুয়োচ্‌।

ইয়োব 16:21

মান্‌জ্যে যেধোক্ক্যেন্ সমাজ্যে পক্ষ ওইনে কধা কন্‌ সেধোক্ক্যেন্ যুনি বানা একজনে মঅ পক্ষ ওইনে গোজেন ইদু কধা কোই পারিদো!

যাত্রা 33:11

মান্‌জে যেধোক্ক্যেন গুরি মুয়োমি ওইনে সমাজ্যে লগে কধা কন্‌ লগেপ্রভু ঠিগ্ সেধোক্ক্যেন গুরিই‌ মোশির্‌ লগে কধা কদঅ‌। পরেন্দি মোশি ইস্রায়েলীয়গুনোর্‌ তাম্বুলোত্‌ ফিরি যেদঅ‌ মাত্তর্‌ নূনোর্‌ পূঅবো যিহোশূয় মিলন-তাম্বুলান ছাড়ি ন-যেদঅ‌। যিহোশূয় নাঙে এই গাবুজ্যেবো অলদে মোশিরে এজাল্‌‌দিয়্যে।

যিশাইয় 41:8

লগেপ্রভু কত্তে, মাত্তর্ ও মর্ চাগর ইস্রায়েল, মর্ বেঈ লোইয়্যে যাকোব, মর্ দাংগু অব্রাহামর্ বংশ,

মার্ক 12:10

তুমি কি পবিত্র বোইবোত্ ন-পড়অ, ‘রাজমিস্ত্রিগুনে যে পাত্তর্‍‍‍বো বাদ্ দুয়োন সিবেয়ই বেগত্তুন্ দরকারী পাত্তর্ ওই উদিলো;

মার্ক 15:27

তারা দ্বিজন ডাগেদরেয়ো যীশু লগে ক্রুশোত্ দিলাক্, একজনরে ডেনেদি আর অন্যজনরে বাঙেদি।

লূকে লেখ্যে গম্ হবর্ 4:21

সেক্কে যীশু মানুচ্চুনোরে কলঅ, “পবিত্র বোইবোর্ এ কধাগান্ এইচ্চ্যে তুমি শুনোনার্ লগে লগে সিয়েন পূরোণ্ অলঅ।”

প্রেরিত্‌ 1:16

“ভেইলগ্, পবিত্র আত্মা ভালোক্ দিন আগে রাজা দাযূদো মুয়োদি যিহূদা পৌইদ্যেনে যিয়েন কোইয়্যে পবিত্র বোইবোর সেই কধাগান পুরেবার্ দরকার এলঅ। যিগুনে যীশুরে ধোজ্যন্, এ যিহূদা তারারে পধ্ দেগেইনে নেযেয়্যে।

রোমীয় 11:2

গোজেনে তার্ যে মানুচ্চুনোরে আগেত্তুন্ ধুরি বেঈ লোইয়্যে তারারে এলাফেলা ন-গরে। ভাববাদী এলিয় পৌইদ্যেনে পবিত্র বোইবো কি কয় সিয়েন্ কি তুমি কোই ন-পারঅ? তে ইস্রায়েলীয়গুনো বিরুদ্ধে গোজেন ইধু কোইয়্যেদে,

রোমীয় 9:17

পবিত্র বোইবোত্ গোজেনে ফরৌণরে এ কধাগান্ কোইয়্যে, “মুই তরে রাজা বানেয়োং যেন তঅ উগুরে মর্ বেবহারর্ মাধ্যমে মঅ খেমতাগান্ দেগেই পারং আর গোদা পিত্‌থিমীয়ানত্ মঅ নাঙান্ ফগদাং অয়।”

গালাতীয় 3:22

মাত্তর্ পবিত্র বোইবো বেক্‌ মানুচ্চুনোরে পাপত্যে দুষি বিলিনে থির্ গোজ্জ্যে, যেন যীশু খ্রীষ্ট উগুরে যিগুনে বিশ্বেজ্ গরন্ সিগুনে তারার্ সেই বিশ্বেজর্ কারনে এগেম্-গোজ্জ্যে বরান্ পেই পারন্।

গালাতীয় 3:6

অব্রাহামর্ কধা ভাবি চঅ। পবিত্র বোইবোত্ লেগা আঘে, “অব্রাহামে গোজেনর্ কধা বিশ্বেজ্ গুরিলো আর গোজেনে সেনত্যে তারে নিদ্দুজি বিলি মানি ললঅ।”

২ তীমথিয় 3:16

পবিত্র বোইবোর্ পত্তি কধা গোজেনত্তুন্ এচ্চ্যে আর সিয়েনি শিক্ষ্যে, উজ্ দেনা, সুধরানা আর গম জিংকানি গড়েই উদিবাত্যে দরকারি,

যাকোব 2:24

সালে তুমি দেগর্, বানা বিশ্বেজ্‌চোই যে গোজেনে মান্‌জ্যরে নিদ্দুজি বিলিনে মানি লয় সিয়েন নয়, মাত্তর্ বিশ্বেজ্ আর কাম এ দ্বিয়েনত্যে গোজেনে মান্‌জ্যরে নিদ্দুজি বিলিনে মানি লয়।

১ পিতর 2:6

পবিত্র বোইবোত্ লেগা আঘে, চঅ, এক্কো ভারী মংগা পাত্তর্ মুই বেঈ লোইয়োং; আর সিবে সিয়োনর কণাবোর্ গড়াগান পাত্তর্ ইজেবে থিদেবর্ গোজ্জ্যং। যে তা উগুরে বিশ্বেজ্ গরে তে কনঅ বাবদে আশা ন-আরেব।