যাকোব 2:22 - Chakma Bible

²² তুই দঅ দেগত্তে যে, তার্ বিশ্বেজ্‌চান আর কামান সেক্কে এক সমারে কাম গোজ্জ্যে আর তার কামানে তার্ বিশ্বেজ্‌চানরে পূরোগান্ দান গোজ্জ্যে।

যাকোব 2:22 Iomraidhean Croise

পত্থম 22:12

দূত্তো কলঅ, “পুয়োবোরে মারে ফেলেবাত্তে আত্‌ ন-তুলিচ্‌ বা তা উগুরে আর কিচ্ছু ন-গুরিচ্‌। তুই যে ‌গোজেন ভক্ত সিয়েন্‌ ইক্কিনে বুঝো গেলঅ, কিত্তে মঅ নাঙে তুই তঅ পুয়োবোরে, বানা এক্কো পুয়োরে উৎসর্ব গর্‌তে পিজেন্দি ন-আলাচ্‌।”

যোহন 6:29

যীশু তারারে কলঅ, “গোজেনে যিবেরে পাধেয়্যে তা উগুরে বিশ্বেজ্ গরানা অলঅ গোজেনর্ কাম্।”

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

যাকোব 2:18

অয়ত কেঅ কোই পারন্, “তর্ আঘে বিশ্বেজ্ আর মর্ আঘে সৎ কাম।” বেশ্, গম কধা। কাম ন-গোজ্জ্যে বাদে তর্ বিশ্বেজ্‌চান মরে দেগা আর মুই কামান্দোই মর্ বিশ্বেজ্‌চান তরে দেগেম্।

১ যোহন 2:5

মাত্তর্ যে তা কধানি পালায় তা ভিদিরে গোজেনর্ কোচ্‌পানাগান ঘেচ্চ্যেকগুরি আঘে। কেঅ যুনি কয় তে তা ভিদিরে আঘে সালে তে যেধোক্ক্যেন গুরি চলিদো সেধোক্ক্যেন গুরি তার্‌অ চলানা উচিত্। ইয়েন্দোই আমি কোই পারিই যে, আমি তা সমারে আঘিই।