যাকোব 2:19 - Chakma Bible

¹⁹ তুই এক্কো গোজেনরে বিশ্বেজ্ গরচ্, নয় কি? ভারী গম! মাত্তর্ ভান্ন্যেই আত্মাগুনেয়ো দঅ সিয়েন বিশ্বেজ্ গরন আর দরে গির্‌‌গিরান্।

যাকোব 2:19 Iomraidhean Croise

যিশাইয় 43:10

লগেপ্রভু ইস্রায়েলীয়গুনোরে কোইয়্যেদে, “তুমিই মর্ সাক্ষি আর মর্ বেঈ লোইয়্যে চাগর্, যেন তুমি হবর্ পঅ আর মঅ উগুরে বিশ্বেজ্ গুরি পার আর বুঝি পার যে, মুয়ই তে। মঅ আগেদি কনঅ গোজেন বানা ন-অয় আর মঅ পরেদিয়ো অন্য কনঅ গোজেন ন-থেবঅ।

যিশাইয় 44:6

লগেপ্রভু, যিবে ইস্রায়েলর রাজা আর উদ্ধোরগুরিয়্যে, যিবে বেগত্তুন্ খেমতাবলা লগেপ্রভু, তে এ কধাগান কোইয়্যেদে, “মুয়ই পত্তম আর মুয়ই শেজ্; মুই বাদে আর কনঅ গোজেন নেই।

যিশাইয় 44:8

তুমি গির্‌‌‌নগিরেয়ো বা ন-দোরেয়ো। মুই কি ভালোক্ দিন আগে ইয়েনি ফগদাং ন-গরং আর ন-জানাং? তুমি মর্ সাক্ষী; মুই বাদে আর কি কনঅ গোজেন আঘে? না, আর কনঅ আশ্রয়-মুড়ো নেই; মুই আর কনজনরে হবর্ ন-পাং‌।”

যিশাইয় 45:6

যেন পূগেত্তুন্ ধুরি পোজিমেদি সং মানুচ্চুনে হবর্ পান্, মুই বাদে আর কনজন নেই। মুয়ই লগেপ্রভু, অন্য আর কনজন নেই।

যিশাইয় 46:9

তুমি ভালোক্ দিন আগ পৌইদ্যেনে ইদোত্ তুলো। মুয়ই গোজেন, অন্য আর কনজন নয়; মুয়ই গোজেন, মঅ ধোক্ক্যেন আর কনজন নেই।

যোনা 4:4

জোবত্ লগেপ্রভু কলঅ, “তর্ রাগ গরানা কি উজিত্ অর্?”

যোনা 4:9

মাত্তর্ গোজেনে যোনারে কলঅ, “সে গাজ্‌‌‌‌চো পৌইদ্যেনে রাগ গরানা কি তর্ উজিত্ অর্?” যোনা কলঅ, “সিয়েনর্ কারণ আঘে। মুই মরণ সং রাগ গুরি থেইম্।”

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

মথি লেখ্যে গম্ হবর্ 8:29

তারা এমন্ দর্‍‍গরেপারা এলাক্ যে, কনজনে সে পধেদি যেই ন-পারিদাক্। তারা রঅ ছাড়িনে কলাক্, “ও গোজেনর পুয়োবো, আমা লগে তর্ কি দরকার? সময় ন অদে কি তুই আমারে যন্ত্রণা দিবাত্তে ইধু এচ্চ্যচ্?”

মার্ক 1:24

তে রঅ ছাড়িনে কলঅ, “ও নাসরতর্ যীশু, আমা লগে তর্ কি দরকার্? তুই কি আমারে সর্বনাশ্ গুরিবাত্তে এচ্চোস্? মুই হবর্ পাং তুই কন্না; তুই দঅ গোজেনর্ সেই পবিত্র মানুচ্চো।”

মার্ক 12:29

জোবত্ যীশু কলঅ, “বেগত্তুন্ দরকারী উগুম্ অলঅ, ‘ইস্রায়েলীয়গুন, শুনো, আমা প্রভু গোজেনে এক।

মার্ক 7:9

যীশু তারারে আরঅ কলঅ, “গোজেনর্ উগুম বাদ্ দিইনে নিজোর সুদোমানি পালেবাত্তে গমেডালে গম্ পথ্‌তান্ তমার জানা আঘে।

লূকে লেখ্যে গম্ হবর্ 4:34

“ও নাসরত্ আদামর্ যীশু, আমা লগে তর্ কি দরকার্? তুই কি আমারে ভস্ত গুরিবাত্তে এচ্চ্যস্? মুই হবর্ পাং তুই কন্না; তুয়ই দঅ গোজেনর সেই পবিত্র মানুচ্চো।”

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

প্রেরিত্‌ 16:17

সেই মিলেবো পৌল আর আমা পিজেদি যাদে যাদে রঅ ছাড়িনে কদঅ, “এ মানুচ্চুনে দাঙর্ গোজেনর্ চাগর্। কেধোক্ক্যেন্ গুরিনে পাপত্তুন্ উদ্ধোর্ পাহ্ যায়, ইগুনে সিয়েনই তমা ইধু কদন্।”

প্রেরিত্‌ 19:15

একবার্ যেক্কে তারা সেবাবোত্যে গোজ্জ্যন্ সেক্কে ভান্ন্যেই আত্মাবো তারারে কলঅ, “মুই যীশুরেয়ো চিনোং, পৌলরেয়ো চিনোং, মাত্তর্ তুমি কন্না?”

প্রেরিত্‌ 24:25

যেক্কে পৌলে গমেডালে চলানা, নিজোরে দমন্ রাগানা আর আগাম্ বিচের পৌইদ্যেনে কলঅ, সেক্কে ফীলিক্সে দোরেইনে কলঅ, “তুই ইক্কে যাহ্; সময়-সুযোগ্ মজিম মুই তরে ডাগিম্।”

রোমীয় 3:30

কিত্যে গোজেনে দঅ বানা একজন। তে যিহূদীগুনোরে যেবাবোত্যেগুরি বিশ্বেজর্ মাধ্যমে নিদ্দুজি বিলি মানি লবঅ সেবাবোত্যেগুরি অযিহূদীগুনোরেয়ো মানি লবঅ।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

১ করিন্হীয় 8:6

মাত্তর্ আমাত্তে গোজেন বানা এক্কো আঘে। তেয়ই বাপ্; তাত্তুন্ বেক্কানি এচ্চ্যে আর তাত্তেই আমি বাঁজি আঘিই। আর প্রভুয়ো আমার বানা এক্কো, তে যীশু খ্রীষ্ট। তা মাধ্যমে বেক্কানি এচ্চ্যে আর তা মাধ্যমে আমি বাঁজি আঘিই।

গালাতীয় 3:20

মাত্তর্ বানা একজন থেলে সংমোধ্যের্ দরকার্ ন-অয়; আর গোজেন বানা একজন।

দ্বি’লম্বর বিররণ 6:4

ইস্রায়েলীয়গুন, শুনো, আমার গোজেন লগেপ্রভু এক্কো।

১ তীমথিয় 2:5

গোজেন বানা একজন আঘে আর গোজেন আহ্ মান্‌জ্যরে মিলেমিলি গুরি দিবাত্যেয়ো বানা একজন আঘে। সেই মিলেমিলি গুরি দিয়্যেবো অলঅ মানুচ্‌ খ্রীষ্ট যীশু।

যাকোব 2:8

পবিত্র বোইবোত্ লেগা আঘে, “তঅ পাড়াল্ল্যেগুনোরে নিজো ধোক্ক্যেন কোচ্‌পেবে।” তুমি যুনি সত্য গুরিনে খ্রীষ্ট রেজ্যর্ এ সুদোমান মানি চলঅ সালে গম গরর্।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।

যিহূদা 1:6

ইয়েনবাদে যে স্বর্গদূত্‌তুনে নিজোর্ অধিকারান রোক্ষ্যে ন-গুরিনে নিজোর্ জাগায়ানি ফেলেই যেইয়োন তারার কধানি ইদোত্ তুলো। সেই দাঙর্ দিন্নোর্ বিচেরর্ আজায় গোজেনে তারারে উমরত্যে আন্ধারত্ বানি থোয়্যে।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।