যাকোব 2:18 - Chakma Bible

¹⁸ অয়ত কেঅ কোই পারন্, “তর্ আঘে বিশ্বেজ্ আর মর্ আঘে সৎ কাম।” বেশ্, গম কধা। কাম ন-গোজ্জ্যে বাদে তর্ বিশ্বেজ্‌চান মরে দেগা আর মুই কামান্দোই মর্ বিশ্বেজ্‌চান তরে দেগেম্।

যাকোব 2:18 Iomraidhean Croise

রোমীয় 14:23

মাত্তর্ যুনি কনজনে সন্দেহ গুরিনে কনঅ কিজু খায় সালে তে দুষি, কিয়া তে তার্ বিশ্বেজ্ মজিম কাম্ ন-গরের্। বিশ্বেজ্ বিরুদ্ধে কনঅ কিজু গরানা পাপ।

রোমীয় 3:28

কিত্যে আমি কোই পারিই, গোজেনে মান্‌জ্যরে তার্ বিশ্বেজর্ কারনে নিদ্দুজি বিলি মানি লোইয়্যে, রীদি-সুদোম পালন গুরিবাত্তে নয়।

রোমীয় 4:6

দায়ূদেয়ো সেই মানুচ্চোরে বর্ পেইয়্যে কোইয়্যে যিবেরে গোজেনে কনঅ কাম্ নেইয়্যেগুরি নিদ্দুজি বিলি ধোজ্জ্যে। দায়ূদে কোইয়্যেদে,

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

রোমীয় 9:19

অয়ত তমাত্তুন্ কেঅ মরে পুযোর্ গুরিবাক্, “সালে গোজেনে কিত্ত্যে মান্‌জ্যর দুষ্ ধরে? কনজনে কি গোজেনর্ উদ্দেশ্যগানরে মানা গুরি পারন্?”

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

তীত 2:7

বেক্কানিত্ তুই তারা ইধু গম কামর্ এক্কান আদর্শ অ। তঅ শিক্ষ্যে ভিদিরে যেন গম উদ্দেচ্চ্য থায়, সিয়েনত্ যেন পাদল্ মনভাব ন-থায়।

ইব্রীয় 11:31

বিশ্বেজত্তে রাহব বেশ্যে মিলেবো যিরীহো শঅরত্ বজত্তি গুরিয়্যে অবাধ্য মানুচ্চুনো সমারে ভস্ত ন-অয়, কিয়া তে সেই চড়ুনোরে সমাজ্জ্যে ধোক্ক্যেন মানি লোইয়্যে।

ইব্রীয় 11:33

বিশ্বেজর্ মাধ্যমে তারা রেজ্য জিত্যন্, দোল্ বিচের্ গোজ্জ্যন, গোজেন এগেমর্ পূর্ণতাগান লাভ গোজ্জ্যন, সিংহগুনো মুয়োন বন্ধ গোজ্জ্যন্,

ইব্রীয় 11:6

বিশ্বেজ্ বাদে গোজেনরে হুজি গরানা অসম্ভব, কিয়া গোজেন ইধু যে যায়, তাত্তুন্ বিশ্বেজ্ গরা পরিবোদে, গোজেনে আঘে আর যিগুনে তার্ আওজ্ মজিম চলন্ তারা তা আঢত্তুন্ তারার্ পাওনা পান্।

যাকোব 2:14

মঅ ভেইয়ুন, যুনি কেঅ কয় তাত্তুন্ বিশ্বেজ্ আঘে মাত্তর্ কামেদি সিয়েন ন-দেগায় সালে সিয়েনত্ কি লাভ্? সেই বিশ্বেজ্‌‌চানে কি তারে পাপত্তুন্ উদ্ধোর্ গুরি পারে?

যাকোব 3:13

তমা ভিদিরে জ্ঞানী আর বুদ্ধিবলা কন্না? তে তার্ সৎ জিংকানিলোই জ্ঞানত্তুন্ নিগিলি এচ্চ্যে নম্রতাগান্দোই কাম দেগোক্।